تطبيقي لبيتزا بشكل جديد و لتيراميسو البرتقال

[سماح أم أنس]

السلام عليكم

اليوم عملت على الغدا بيتزا بشكل جديد الي دارتها أم رامي
و الوصفة هنـــــــــــــا

بالنسبة للعجينة فانا درت عجينة البيتزا المعتمدة عندي و الي هي
2 كيسان فرينة + 2 مغارف لحظة + 2 مغارف زيت + 2 مغارف سكر + 2 مغارف خميرة + مغرفة ص ملح + و نجمع بحبة بيضة و ماء دافي

المهم درتها و هيليك بعد ما خمرت



و جهزت الصلصة عادي ... زكي طابت زدتلها الكاتشاب يعطيها بنة رووعة



و جهزت الحشو و خلطت كل شيء مع بعضاه ...درت نص فلفلة حلوة و نص فلفل حار و باطة تونة تاع الزيت و شوية شامبينيو و شوية زيتون أخضر و الفرماج خليته و حطيته قطع قطع لوحده كما في الوصفة الأصلية


العجينة دارتلي 9 كويرات و كنت قادرة ندير 10

و بديت نشكل



و بعدها قلبتهم و تقبتهم



و كملت و دخلتهم الفور ..نسيت باه نصورهم قبل ما يدخلو.. المهم النتيجة هايليك



...
و البارح جربت تيراميسو ام ساجد ربي يجازيها كل خير. هذا هو الرابط هنــــــــــــــــــــا...درتو بالزربة و الله .. ما صورتش كامل الخطوات ..اتبعتهل حرفيا كيما قالت ام ساجد..بصح نسيت نرش الكاكاو بينطبقة و اختها..ههههه الزربة و ما تدير
هاوليك كي وجدتو


و هاذي قطعة منو


يمممممممممممي و الله يهبل و جاي بالحلاوة مع الحموضية كيما يحب الخاطر


و هدا ما كاااااااان