نصيحتي الى كل من لديه مشكلة في التعامل مع مادة الفلسفة

[هيفاء26]

السلام عليكم والصلاة والسلام على اشرف المرسلين اما بعد:
لاحظت انو بعض الطلبة عندهم مشكلة في مادة الفلسفة خاصة الي عندهم هذا العام الاول الي يقراوها ورايت انو لقاو صعوبة في التعامل معها وكاين الي يلجا للحفظ وهذا خطا ....
اخوتي مادة الفلسفة مستحيل تكون حفظ يعني انتوما هكا راكم تزيدو تصعبو فيها والله هي كباقي المواد يعني المشكل الوحيد قدما تخدم ما فيهاش النقطة
لكن ما دام ما زال الوقت وما زالت كاينة الفرصة باه تجهزو من ضرك ننصحكم تحاولوا تكتاسبو اسلوب خاص بيكم يعني في كل جزئية من الدرس حاولو ديرو
تصميم مقال وكل سؤال تلقاوه في كاش كتاب حولو تحلوه سطحيا وديرولو على الاقل تصميم مشي تحرير وتعتمد ايضا على مطالعة كتب خارجية للفلاسفة وحفظ بعض المقولات والحكم حتى يكون المقال ثري بالمعلوما ت ومدعم بالحجج
ولاسيما ترتيب الافكار ولازم يكون هذا العمل متواصل ومبعد كي تكتاسبو اسلوب خاص بيكم حاولو تحسنوه ....فى نهاية السنة باذن الله رح يكون عندكم اسلوب
راقيييييي وتولي كتابة مقال اسهل من شرب الماء
انا راني ندير في هاذي الطريقة من السنة الثانية ثانوي والحمد لله هاذي الطريقة خرجت عليا وكتابة مقالة ولات سهلة بالنسبة ليا ..وانتوما جربو وشوفوا واش يخرج عليكم واعتقد انو طريقة الحفظ خاطئة وعبارة عن تضييع للوقت
وبالتوفيق