السلام عليكم جبتلكم طريقة عمل تارت الليمون رائعه جدا يم يم
[IMG]
[/IMG]
المقادير
- العجينه :
250غ فرينه+125غ مارغارين +صفار بيضه+ملعقه كبيره سكر +فاني+قشور القارص+2 ملاعق كبار ماء بارد+ قرصه ملح
- كريمة الباتيسيار:
كاس ونص حليب + 3 صفار بيض +150غ سكر +3 ملاعق كبيره نشاء + 6أو 8 ملاعق كبيره عصير القارص (على حسب القارص الي عندك حامض ولا شوي شوي)
- الميرانغ :
4 بياض بيض+ 250غ سكر عادي ناقص ملعقه كبيره وعوضيها بالسكر قلاص +فاني + قشور القارص
التحضير :
نحط الفرينه و السكر والمارغارين وصفار بيضه والفاني وقشور القارص والملح ونخدمهم مع بعضاهم ما بين صباع يدي حتان تدخل المارغارين في الفرينه امبعد نزيدلهم الماءومانعجنهاش تلميها برك وتغطيها بالنيلون و تحطيها في الثلاجه ترتاح نصف ساعه
- وفي هذاك الوقت تحضري الكريمه في وعاء تحطي المقادير كامل تع الكريمه مع بعضاهم وتحطيها فوق النار وتخلطي مليح حتان تحسيها ثقالت نحيا من النار وحطي فيها ملعقه كبيره تع المارغارين وخلطي حتان تذوب وحطيها في صحن وحطيها في الثلاجه تبرد
- ومن بعد ماتكون العجينه ارتاحت نجيب المول ونحط فيه العجينه ونعدلها مليح ونثقبها مليح ونحط عليها ورق الطهي ونحط فوقو الحمص باشه ماتتنفخش ونحطها في الفور كي نشوفها بدات تحمار شويه من الجوانب ننزع هذاك الورق والحمص ونردها طيب حتان تحمار بصح ماشي بزاف انحيها ونحطها تبرد
- ونحضرو الميرانغ نحطو كل شي مع بعضاه في وعاء ونحطوه فوق حمام مائي ونخلطو بالخلاط الكهربائي مدة خمس دقايق أو أكثر حتان تحكم مليح ونحيوها
- ونجيبو المول الي فيه العجينه ونخرجو الكريمه من الثلاجه ونخلطوها شويه على خاطر تكون جمدت ونوزعوها على التارت انتاعنا ونسويوها مليح ونجيبو الكيس الحلواني ونديرو فيه الميرانغ ونزينوها كيما حبينا ونردوها للفرن بصح النار الفوقانيه حتان تحمار ونحيوها وأمبعد أنحوها من المول ونحطوها تبرد و أمبعد بصحتكم
جربوها راهي روعه روعه يمي يمي يميييي
والمره الجايه انشاء الله نجيبلكم تارت الفراوله
( تقرير عن مشاركة سيئة )، و الموجودة أسفل كل مشاركة .
2013-04-28, 22:37
تارت الليمون والميرانغ روووعه
العرض العادي
