الله يستركم ماني فاهم والو فلارمي هذا ادخلو جاوبوني تعيشو

[hamza touazi]

ياناس ياخاوتي في الله دوك انا زايد فال 91مسجلت مرحت ليهم وصلني الاستدعاء ونومارمون راني رحت باسكو فاتت عشرين يوم لانو الدرك جابوه روطار وهو الاستدعاء الاول وانا والله ماني حاب نروح نظيع عامين يذلونا فيهم فلارمي دوك كفاش ندير واش راح يصرالي وحاب نفهم واش معنتها نكاجي واسك مليحة منيش حاب نندم عبالكم راني نخدم ونعاون دارنا بزاف وكان نحبس الخدمة يظيع كل شيئ بنيتو كفاش ندير راح نجوز الباك ليبر هاد العام منيش حاب كنروح لارمي يظيعلي العام حاب نركز عالقرايا وخدمتي برك مخصنيش لارمي ومن جيهة اخرى منيش حاب نكون خارج عالقانون بلاد العجب وكان كاين معريفة يمدولك الاعفاء مي لاه غالب حنا زوالية والبلاد هادي ممدلتلي والو باش نروح نظيع عامين من حياتي فلارمي اوك تعيشو جاوبوني

[amine eco]

جيب الباك وروح اقرى في جامعو منبعد فكر في لا رمي
انا براأيي خطيك من مكاجية

[جمال الدين]

أخي الكريم إذا كان فيه إحتمال بأنو ستتحصل على بكالوريا من بعدها تجل في الجامعة يتم منحك تأجيل عن كل سنة دراسية لكن أطلب الله أن لايخرج لك الإستدعاء الثالث من الآن إلى غاية ظهور نتائج البكالوريا

أما عن التأخير في وصول الإستدعاء بـ 20 يوما يمكنك الإلتحاق بالثكنة حتى و إن تأخرت بـ 30 يوم

[thamourth]

المشاركة الأصلية كتبت بواسطة hamza touazi

ياناس ياخاوتي في الله دوك انا زايد فال 91مسجلت مرحت ليهم وصلني الاستدعاء ونومارمون راني رحت باسكو فاتت عشرين يوم لانو الدرك جابوه روطار وهو الاستدعاء الاول وانا والله ماني حاب نروح نظيع عامين يذلونا فيهم فلارمي دوك كفاش ندير واش راح يصرالي وحاب نفهم واش معنتها نكاجي واسك مليحة منيش حاب نندم عبالكم راني نخدم ونعاون دارنا بزاف وكان نحبس الخدمة يظيع كل شيئ بنيتو كفاش ندير راح نجوز الباك ليبر هاد العام منيش حاب كنروح لارمي يظيعلي العام حاب نركز عالقرايا وخدمتي برك مخصنيش لارمي ومن جيهة اخرى منيش حاب نكون خارج عالقانون بلاد العجب وكان كاين معريفة يمدولك الاعفاء مي لاه غالب حنا زوالية والبلاد هادي ممدلتلي والو باش نروح نظيع عامين من حياتي فلارمي اوك تعيشو جاوبوني

الاستدعاء الاول تحرقو نورمال مايحوسو عليك ما والو....حاول انك تجيب الباك او انو تعمل ملف كفالة...اما انك حاب تقاجي....شوف قناعة تاعك و كاش واحد تعرفو مليح يحكيلك كيفاش هي حيات العسكري من الرتبة نتاعك...هنا بش تقنع روحك
كاينة حاجة اخرى هي وش من تخصص تدخل فيه كدللك اصحاب الخبرة يجاوبوك
و الله يسهل ياخويا .....نصيحة راك نتيج خويا صغير91 كيما انت....البلاد مليحة او نتع ميكي ...اخطيك من الموضوع هدا لانو يكسرلك برك راسك..........رك تعاون في داركم الله يقدرك........انا خليت يما و طفلة و خويا صغير وحدهم و رحت للخدمة الوطنية و الحمد لله كل شي فات و يفوت و الشدة في ربي وحدو ...الله يرضى علينا كلنا

[hamza touazi]

شكرا على ردودكم خاوتي في الله مزال مالقيت حتى حل الله يجعل الخير