مساعدة من فضلكم

[hadjer45]

السلام عليكم ورحمة الله و بركاته :
اريد طرح مجموعة من الاسئلة في بعض
المواد و ان شاء الله تساعدوني :
1- اريد منكم تعبير كتابي يصف اماديوس موزارت
2- طريقة حفظ دروس الاجتماعيات لانها طويلة
3- طريقة لتجنب الكلام داخل القسم ( لانني لدي هذا العطل في شخصيتي )
و بعض الاساتذة يشتكون مني و على كلامي الكثير وذلك ايضا لان التي تجلس بجنبي
تتكلم كتيرا و قد طلبت من الاستاذ المسؤول تغيير مكاني وقال لي انه سيتشاور مع الاساتذة
في هذا الخصوص
وشكرا مسبقا

[toulay]

وعليكم السلام ورحمة الله تعالى وبركاته

فيما يخص طريقة الحفظ حاول تفهم مشي تدخلها غير حفظ حفظ كون تنسى مثلا الكلمة الاولى يروحلك كل شيء مين تحفظ افهم وحاول تلخص بطريقتك الخاصة

ركز مع الاستاذ واخطيك من الهدرة لازم تكون قوية وعندك ارادة حتى لوكان تحب تهدر وتجيك الهدرة ابقى ساكتة ومين يجي وقت الراحة ولا تخرجوا من القسم اشبع شغلة اذا تحب حتى الصباح

وهاذيك لتقعد حداك سمطها خليها تهدر وحدها مين تعيا تسكت مشي هي تهدر وانت ترد عليها وهدرة تجيب هدرة ويشوفكم الاستاذ ويدير بيكم تقرير

بالتوفيق

[hadjer45]

شكرا اختي
لكن عفوا انا بنت وليس ولد
اوكي
وشكرا على النصائح

[marwa3]

الحفط لازم تحفذ بالجمعة سبغتو في الصباح تجي الحفاظة ساهلةة وتدخل في الراس مي يلزم تقبظ ستيلو و ورقة و تفهم اومبعد تبدا بالحقاظةة

[hadjer45]

من فضلكم ساعدوني في وصف موزار الموهبة النادرة

[المداينية26]

نديرلك على شكل رؤوس أقلام و نتي ديري التعبير تاعاك:
_مؤلف موسيقي نمساوي
_ مات عن عمر يناهز الـ 35 عاماً
_ناجح. و نابغة منذ كان صغيرا.مهتم للموسيقى منذ نعومة اظافره
_ مرهف الإحساس وقلبه رقيق جداً
_شارك في عدة حفلات و قام بعدة رحلات رغم سنه الصغير
_بارع في كل أنواع التاليف الموسيقي
_مات بمرض التهاب البلعوم لم يمشي في جنازته سوى خمس اشخاص فقط ليس من بينهم زوجته لان
الجو كان شديد البرودة في تلك الأوقات في هذه المنطقة

[G I R L]

أولا بالنسبة للحفظ فطريقتي المعتمدة هي :
1- المتابعة مع الاستاذ جيدا >> ساعات نكون نجاوب في تمرين ونتفكر حركات الاستاذة وشرحها
2- طبعا لازم تحفظي الدرس في وقتو وقبل ما تحفظي عاودي اقراي الدرس وشوفي العناوين الكبيري وحطيها في ورقة على شكل اسئلة
3- احفظي بالفقرات وكي تخلصي روحي للورقة تاعك وشوفي الاسئلة لي حطيتيهم وجاوبي عليهم

وكي تخلصي شوفي قداه جبتي نقطة صحيحة مثلا 8/10 ركزي على زوج هادوك لي ماجاوبتيش عليهم وهكذا ماتروحلكش

( نصيحة من عندي ما ترميش الورقة هاديك ساعة على ساعة طلي عليها وجاوبي على الاسئلة شفاهيا )