خطبني امريكي

[مشكلتي]

السلام عليكم خاوتي انا فتاة 22 سنة عشت حياة مريرة مع الاب تاعي لي الحمد لله بصحتو و يخلص مليييح عمرو ما حن عليا حتى بكلمة ما يصرف علينا الام تاعي مسكينة مريضة حتى حق الطبيب ما يعطيهاش و صابرين و نقولو يبقا الاب تاعنا المشكل تاعي كاين واحد امريكي عمرو 60 سنة و مسلم متخلق يخاف ربي كان متزوج و طلق بعدها دخل الاسلام وراه جاي هاد الشهر يخطبني انا راني موافقة و الام تاعي قاتلي دبري راسك هادي حياتك مانيش عارفة واش ندير انا عجبني شكلو صفاتو و مايبانش كبير و المهم كي مدين انصحوني

[ريتان]

يا اختي هل انتي متاكدة انه فعلا مسلم؟

وهل زواجك بيه هروبا من ابوكي لانك عشتي حياة مريرة؟؟

اختي خمي مليح متغركش امريكا

استخيري وزيدي

ومتعلبيش بروحك

ربي يوفقك الى ما فيه الخير

[ام عبد الباسط]

يا ابنتى انت 22 وهو 60 يعنى قد جدك لا تتسرعى حبيبتى وان مع العسر اليسر

[الزهرة المضيئة]

ما تخليش المر يجرك لي امر منو
انا ننصحك تصبري ما تتسرعيش اختي قادر تكون اكبر غلطة ديريها في حياتك
ربي يجيب الخير

[kamel76]

و الله لا أدري . أنصحك بشيء واحد فقط قبل أن تقرري و هو : الإستخارة . صليها بكل خشوع و إن شاء الله يفرجها ربي

[مشكلة صعبة]

مهبولة تدي شايب
يزيد عام يموت
تخلا عليك فالماريكان وحدك

وععععععععععععععععععععععععععع

[Hiba l7biba]

اختي لعزيزة ننصحك متزربيش روحك ثبتي روحك مليح لخاطر فارق العمر كبير بزاف وربي يدلك للي فيه الخير انشاء الله

[l'étoile]

انت باختيارك هذا ترمين نفسك للنار ....... فكري مليح بالعواقب راهو قد جدك ماشي بابك

[biba.fbi]

المشاركة الأصلية كتبت بواسطة ريتان

يا اختي هل انتي متاكدة انه فعلا مسلم؟

وهل زواجك بيه هروبا من ابوكي لانك عشتي حياة مريرة؟؟

اختي خمي مليح متغركش امريكا

استخيري وزيدي

ومتعلبيش بروحك

ربي يوفقك الى ما فيه الخير

يعطيك الصحا ع الهدرا الموزونة

[ZORRO__DZ]

وأخيراً حققت المسلسلات هدفها ؟

نقصر برك استخيري وربي يوفقك !

[imene manoo]

wlh nassiha Mani ghir Akhtiiiiik Wantiya Dabri rassak

[سهيلة2013]

المشاركة الأصلية كتبت بواسطة مشكلتي

السلام عليكم خاوتي انا فتاة 22 سنة عشت حياة مريرة مع الاب تاعي لي الحمد لله بصحتو و يخلص مليييح عمرو ما حن عليا حتى بكلمة ما يصرف علينا الام تاعي مسكينة مريضة حتى حق الطبيب ما يعطيهاش و صابرين و نقولو يبقا الاب تاعنا المشكل تاعي كاين واحد امريكي عمرو 60 سنة و مسلم متخلق يخاف ربي كان متزوج و طلق بعدها دخل الاسلام وراه جاي هاد الشهر يخطبني انا راني موافقة و الام تاعي قاتلي دبري راسك هادي حياتك مانيش عارفة واش ندير انا عجبني شكلو صفاتو و مايبانش كبير و المهم كي مدين انصحوني

ان رايي اخطيك ما راحش تعيشي حياتك
هذه غلطة انت راكي تحوسي تخرجي من الدار بصح غادي تنغبني اكثر

[MERIEM SETIF-2-]

السلام عليكم و رحمة الله تعالى و بركاته
أختي الفاضلة أنا رأيي انو كبير عليك في السن بزاف وما تغركش أمريكا ، صح ظروفك سيئة أدعي ربي يفرج عليك و على الوالدة الكريمة لكن هذا مايلزمكش تطيشي روحك هذ التطييشة راكي مزلتي صغيرة و الدنيا قدامك ، و مع ذلك إستخيري فشاوري ربنا سبحانه و تعالى و إن شاء الله ربي يجيب الي فيه الخير .

[hamzadaksi]

أوووووووووووو واش بيك يا الأخت هذا ليس بزواج هذا إنتحار بطريقة أخرى اسمحيلي المشاكل العائلية خير من زواج مثل هذا
اصبري وأكثري من الإستغفار وتأكدي بلي ربي رايح يفتح عليك
أنا راني كرهت المنتدى بصح جاوبت لأنوا قلبي وجعني وتحبي نعاونوك بأي شيء رانا هنا رجال حاجة ما تخصك كي نتي كي الوالدة الكريمة
سلاااااااااااااااااااااااااااااام

[غربة أهل السنّة]

السّلام عليكم و رحمة الله و بركاته

هذه نصيحتي لك أختي:
هو في مثل سنّ والدك ,, أي أنه يكبرك كثيرااا
تريّثي في قرارك أختي,,, قد تنجبين أولادا ثم (يموت) لا قدر الله و يتيتّم أطفالك
أنا أعلم أن الأعمار بيد الله و لكن انصحك ان تبتعدي و ان تتزوجي من هو في سنّك أو يكبرك قليلا فقط
أكثري من الإستغفار حتّى يجعل الله لك مخرجا من معاملة والدك و لا تهربي من الواقع بالزّواج

حفظك الله أختي