مشكلتي

[مشكلتي]

السلام عليكم
مشكلتي واحد خطبني على اساس يحبني و انا عجبتني شخصيته و وافقت عليه. لكن مع الوقت اكتشفت انه الصفات اللي انا نحوس عليها و كنت نشوفها في الاول ماكانش و حسيتو تبدل . يحوس يفرض عليا الشي اللي هو مقتنع بيه. قلت ما عليش. واش خلاني نشد فيه انه متخلق و متدين. لكن منذ ايام و احنا نحكو تطرقنا لموضوع تعدد الزوجات و انا على نيتي سألتو اذا هو في يوم من الايام راح يتزوج عليا. تعرفو كنت نستنى في كلام يفرح القلب باللي مستحيل و راح نبقى معاك على الحلوة و المرة و حاجات من هذي. قام جاوبني اكيد مادام هذه حاجة في الدين و كان عندي سبب مقنع ... ايه عندو الحق اذا انا ما كنتش قايمة بالواجب تاعي كيما يلزم ... بصح رجعت سألتو يعني اذا نمرض و لا رب ما رزقنيش اولاد تتزوج عليا. قالي ايه ... و الله غاضتني روحي و بكيت. و زعفت منه و قلتلو دار بابا احسن ليا. رد عليا خلاص انا تاني اذا هكذا ما نتزوجش خير... درك تصالحنا و كي تناقشت معاه في الموضوع يحكي كأنو التعدد واجب و الا فرض و يقولي واش تحبي نكون ضد التعدد تحبي تدخليني جهنم والله قعدت حايرة في روحي و صرت خايفة من حياتي معاه. يعني انا تمنيت واحد يكون مخلص معايا و يوقف معايا في المحنة اذا نمرض و الا ما يرزقناش رب الذرية بعيد الشر. هو كلش بالمكتوب انا واش ذنبي اذا حاجة كيما هذه صراتلي. و الله نكره الكذب بصح هذاك اليوم تمنيت لوكان كذب عليا و قالي نوقف معاك و ما نقدرش نتزوج عليك... يارب احنا مازال ما تزوجناش و هو يقولي مستعد نتزوج عليك اخرى... انا و الله مستحيل نخمم نخليه اذا تصرالو حاجة. انا من هذاك اليوم و انا مقلقة و نخمم اذا صح يحبني. يعني اذا يحبني ما ظنيتش كان قالي من حقو يتزوج عليا. و الله هذا الكلام يجرح بزاااااف. بالاك تقولولي واش داكم لهذا الموضوع بصح هذا واش صار. فهموني انا غلطانة نزعف من كلامو و اذا اي وحدة منكم في بلاصتي راح تتقبل هذا الكلام عادي.. و حبيت نعرف يعني خلاص ماكانش رجال مخلصين في هذه الدنيا. راكم كامل عندكم نفس التفكير و اذا سألتك خطيبتك اذا تمرض تتزوج عليها ترد ايه نتزوج ؟؟؟ يعني في رايو هو ما يقدرش يكون في بلاصتي و هو اللي يمرض والا يكون المشكل من عنده مايجيبش اولاد بعيد الشر. يعني انا في هذي الحالة من حقي نطلب الطلاق و نعاود نشوف حياتي. بصح و الله قلبي ما يطاوعنيش. و هو يقدر عادي يتزوج عليا... ما نيش متقبلة الحكاية خلاص كل ما نتفكر نقعد نبكي كيفاش قالي هذاك الكلام
اسمحولي طولت عليكم بصح ما عرفتش واش ندير. تصدمت من كلامو و غاضتني و حبيت نفرغ

[أم لجيـن]

وعليكم السلام

انتي مخطوبة وغاضك كلامه كي تتزوجي واش اديري

حاجة دريها في بالك مليح الراجل سواء قالك ولا مقالكش عن فكرة التعدد فهو راهو دايرها في باله لانها حاجة من حقّه

غير فوتي الموضوع هذا معاه

[مراد12345]

سبحان الله

تناقشينه في موضوع غيبي

لا يعرفه لا أنت ولا هو

والموت أقرب إليكما منه

[nouna l maghbouna]

بعد الزواج يتبدل مي كي تكوني انتي معاه مرا

ماتتقليقيش
ربي معاك

[بسمة تحدي]

حرت وش ننصحك

لانو حنا النساء نحبو هذاك الراجل لينا وحدنااا ووووو


وسبحان الله حكايتك هذي ااوه فكرتني ببزاف حوايج ااااااه


اتفهمي معاه ضوك خير

الرجال يعرفوو يطبقو الشرع غير فالتعدد


حسبنا الله ونعم الوكيل

اتفهمي معااااااااااااااااااااااه متخليهاش حتى تتزوجي ويدخل عليك الزاوجة


الصراحة معرفتش وش نقلك اوووف اوووف

استخيري واستخيري وادعي وربي يسهلك

[sali-sali]

السلام عليكم
ممكن هو كان يشوف رد الفعل نتاعك وخلاص عند اجابته
ا اختي ماتعمريش راسك خلي كل شي للوقت..ماتسبقيش الاحداث

ربي يهنيكم

[Assouma 93]

نقولك حاجة حنونة الرجال كامل كيف كيف يعرفوا حق ربي غير في تعدد الزوجات و في امور اخرى صفر

[عبد الله 22]

السلام عليكم أنهار لتزوجي و ينوي يعدد أطرحي المشكلة نتاعك، كيزيد نسموه بوزيد، أحلام يقظة تزوجتو ومرضتي وماجبتيش لولد , ومابعد تزوج عليك، على الاقل مادمها أحلام يقظة خليها أحلام وردية وما بعد نهار الوقع ربي يدير حل ، تفاءلوا خيراً تجدوه

[اناناسة]

السلام عليكم، صراحه اختي هذا الموضوع لم يكن عليك ان تخوضي فيه ...انا افهم قصدك ، لكن الرجال عامه لا يفهمون الامور التي نفكر فيها نحن ... المهم عليك ان تتاكدي من جديته فيما قال و بعد ذلك تتصرفي لانه ربما كان يريد ان يستشعر رده فعلك لا غير ... انا أرى بان هذه الأحاديث لا تؤدي الى نتائج جيده لذا أنصحك بالابتعاد عنها ...

[*نسيم الفجر*]

goooooooooood luck

[amine0007]

شوفي واش يقولك قلبك ماتراعيش لناس.واللي يقولك الرجال كيف كيف راهم غالطين كاينة فئة معينة من الرجال ميش مليحة موش معناتها انهم كامل كيف كيف لانو مايقول هادي الهدرة الا لتعرضة للغداع من طرف رجل او راجل تعرض للخداع من طرف امراة والرجال كامل يقولوا النساء كيف كيف

[imane bela]

المشاركة الأصلية كتبت بواسطة بسمة تحدي

حرت وش ننصحك

لانو حنا النساء نحبو هذاك الراجل لينا وحدنااا ووووو


وسبحان الله حكايتك هذي ااوه فكرتني ببزاف حوايج ااااااه


اتفهمي معاه ضوك خير

الرجال يعرفوو يطبقو الشرع غير فالتعدد


حسبنا الله ونعم الوكيل

اتفهمي معااااااااااااااااااااااه متخليهاش حتى تتزوجي ويدخل عليك الزاوجة


الصراحة معرفتش وش نقلك اوووف اوووف

استخيري واستخيري وادعي وربي يسهلك

rani m3ak ya khti f eray sur tt ki 9olti
الرجال يعرفوو يطبقو الشرع غير فالتعدد
:

[ولد حمد الباتني]

هذا راح يديرها بيك

[{مـشـاكـسـهـ}~]

استخيري واستخيري وادعي وربي يسهلك

[رحمة من المولى]

استخيري ربي معااااااااااااااااك