[ خاطِرة ] لما نامت مصر يوم من غير غطا

[العاشق المصرى]

لما نامت مصر يوم من غير غطا
نصبوا المزاد......

وعلى الإخوان رسى العطا
وكأنهم زى المرض ...

ماتقولش سارس أو طاعون

الرئاسة للأخوان
مجلس الشعب للإخوان
ومجلس الشورى للإخوان
النقابات إتملت إخوان

ومافيش كراسى غير للإخوان
وحتى الحكومة جابوها من الإخوان
وزير ولا إتنين جابوهم ......
يرضوا بيهم شعبنا الغلبان..!
وفى الأساس هما تابعين للإخوان..!

هما الحكومة والمعارضة
هما اللاعيبه والجون
وكام واحد واقفين عارضة

بيكسروا المتحف ..
يقولوا بنحطم الأوثان..!

بيحرقوا علم السوالف ..
يقولوا يخالف عقيدة الرحمن ...!

يهدموا المساجد ...
يقولوا فيها ضريح...!

يكفروا المسلم والمسيحى
وفى اليهودى القول الصريح...!

يقولوا مسلم إإيه اللى مش عايز الشريعة
دا علمانى فى رأيه الإنسان جه من الطبيعة .

والمسيحى بيخالف حجه المسيح
بالثالوث الأب والإبن والروح القدس
كفر بين واضح صريح.

ما يعرفوش غير سلاح القوة والسيف
هما اللى وضعوا فى ...
الشعار المصحف عليه السيف...!

نسيوا أن دينا سماحة وسلام
مش مجادلة وكتر كلام

وتفسير للأيات حسب الهوا وبالزيف...!
وحديث نص الوصاية أصبح ضعيف..!

أما اليهود هما الجنود..
بالخير يعودوا لمصر
بالدهب و بالدلار
ينزلوا الأسعار

اللى بقت على الشعب نار...!
يخلصونا من البطالة ..
هما الرأسمالية وليهم فى الإستثمار..!

وفاقت مصر لقيتهم كشفوا المستور...!

شعب كفران من الجوع ...!
غلبان حزنان وماشى فى الممنوع...!
عريان ومش لاقى قطن ولا كستور...!
الجهل والمرض يا بن أدم يغور ...!

واحد يهد العقل والتانى يهد الجسد.
وفى الأخر يقولوا أول رئيس منتخب...!
أيوه إختارناه بالروز والزيت .....
اللى بقى مقطوع من البيت ......

وفى النهاية قوم يا مصرى ...
إتغطى وغطى مصر
ورجع مجد كل عصر .

بقلمى / اللى يستاهل كسره