رايكم يهمني ممكن

مشكلتي · 2013-05-23, 11:26

السلام عليكم
مشكلتي اني مند 4 ايام تعرفت على شاب بنية الزواج و غير هدرت معاه قلي عجبتيني و انا راني حاب الحلال مانيش رايح نتمسخر معاك قالي مكاش كيما المراة تاع الدار هي لي دايما ....
و انا شيئ لي قلقني راني خايفة منو كيفاه هدا من كامل لبنات خيرني انا للعلم انا بعدة عليه هو من ولاية و انا من ولاية راني خايفة الا راه يتمسخر لاخاتر بدا اعجابو فيا بطريقة حسيتو كي شغل راه يبالغ و ضخم فيها
لبارح عيطلي قالي راني خبرت دارنا و هدرت مع الوالدة عليك خصها تقولبابا و هي فرات و نجي عندكم و تبداي مرتي و حلالي ان شاء الله
انا ملي تخلعت بدا يهدر و انا نقلو ان شاء الله واصبر و علاه راك مقلق .....
زعم كاين في وقتنا هدا شاب يتعرف على وحدة يخطبها بسرعة هدي للعلم هو يبان عاقل و مربي و الله اعلم والله راني خايفة
دروك انا مقدرتش نقلو و نصارحو بهدا الوضع
ممكن تساعدوني انا كيفاش نعرف انو ماهوش يتمسخر وصح راه ناوي الحلال?
كيفاش نفتحلو موضوع باش يجي لدارنا لانو انا والله العطيم ماني تاع حكيات و شكيل
ممكن تنصحوني يلا راني غالطة صحولي ربي يخليكم [/size]

nouna l maghbouna · 2013-05-23, 14:16

قوليلوا دير حل هاذ السمانة لازم تجي تخطب
والا كل واحد يروح في طريقوا
هنا تعرفيه

اما بالنسبة لسؤالك زعم كاين في وقتنا هدا شاب يتعرف على وحدة يخطبها بسرعة هدي
نعم كاين ماشي الشباب كامل كيف كيف

ربي معاك

luky · 2013-05-23, 14:26

امممممممم تعارف 4 ايام ....ثم حكاية الزواج
حذاري ثم حذاري اختي الكريمة عليك بالتريث في الامر
الزواج ليست لعبة بل هو مصير

Dj BoBo · 2013-05-23, 14:31

السلام عليكم

إليك الحل أختي

خليه يتقدم لخطبتك عادي جدا

في أقرب وقت لكي لا تطول الفترة

و لكن أخرو الرد شوية يعني يكون الرد بعد 20 يوم أو شهر مثلا

و في أثناء تلك المرحلة تقدري تبحثي و تسألي عليه و عن كل شيء عنه

و يعني باباك أو أخوك أو عمك أو خالك يدير لونكيت عليه

إذا لقيتو كل شيء على ما يرام يكون الرد الموافقة

و إذا لقيتو شيء ما فيكون الرد الرفض

هو ربما يتمسخر و ربما راهو جاد و ولد فاميليا

الله أعلم بما في القلوب

حنا نقدمو حسن النية و لكن بحذر شديد جدا

هذا رأي و الله أعلم

و بما أنه من ولاية أخرى يمكنك الإستعانة بأخت من عضوات المنتدى

تكون صديقتك و ثقة

و ربي يجيب الخير

و إن شــــاء الله نسمع أخبار جميلة

المهندس هلال · 2013-05-23, 14:55

ظنك به في غير محله وهذا مدعاة لفساد الامر كله لانك لاتناسبيه
وتقبلي رايي وابحثي عمن يفكر مثلك

SELMA. · 2013-05-23, 15:03

Bechwi kheti matamnish koulesh ana sratli kima nti w ba3d 9 mois bah ja khtabni w ba3da gatlou mou manich habatek tezwej w houama gder ydirwalou 3oudt nchouf fiha 9 mois w houa yetmeskher bya idha hadha galek nji khalih yji w shoufi nyetou sah w matokhrjish m3ah w twekli 3la rabi w sali slat istikhara wrabi yhenik

الفلة البيضاء · 2013-05-23, 15:06

نعم كاين الي يشوفو الطفلة ينووها ويخطبوها هذا عن تجربة شخصية و لكن ماكتبش المكتوب و انتي تعرفي كيفاه تسيري ماه يعني ماتهدريش معاه في التلفون و قوليله كاين باب الدار "وادخلوا البيوت من ابوابها"

الرڨيڨ · 2013-05-23, 15:14

اقتباس:

المشاركة الأصلية كتبت بواسطة مشكلتي

السلام عليكم
مشكلتي اني مند 4 ايام تعرفت على شاب بنية الزواج و غير هدرت معاه قلي عجبتيني و انا راني حاب الحلال مانيش رايح نتمسخر معاك قالي مكاش كيما المراة تاع الدار هي لي دايما ....
و انا شيئ لي قلقني راني خايفة منو كيفاه هدا من كامل لبنات خيرني انا للعلم انا بعدة عليه هو من ولاية و انا من ولاية راني خايفة الا راه يتمسخر لاخاتر بدا اعجابو فيا بطريقة حسيتو كي شغل راه يبالغ و ضخم فيها
لبارح عيطلي قالي راني خبرت دارنا و هدرت مع الوالدة عليك خصها تقولبابا و هي فرات و نجي عندكم و تبداي مرتي و حلالي ان شاء الله
انا ملي تخلعت بدا يهدر و انا نقلو ان شاء الله واصبر و علاه راك مقلق .....
زعم كاين في وقتنا هدا شاب يتعرف على وحدة يخطبها بسرعة هدي للعلم هو يبان عاقل و مربي و الله اعلم والله راني خايفة
دروك انا مقدرتش نقلو و نصارحو بهدا الوضع
ممكن تساعدوني انا كيفاش نعرف انو ماهوش يتمسخر وصح راه ناوي الحلال?
كيفاش نفتحلو موضوع باش يجي لدارنا لانو انا والله العطيم ماني تاع حكيات و شكيل
ممكن تنصحوني يلا راني غالطة صحولي ربي يخليكم [/size]

صلي استخارة يا اختي و توكلي على ربي و قولي له يجي يخطبوا و ما تزيديش تتكلمي معاه حتى يخطبك و في فترة الخطبة اذا ربي كتب تعرفي عليه اكثر تتعرفي على سيرته اخلاقه تفكيره و كل شيء ربي يجيب اللي فيه الخير لكن نصيحة اختي لا تستعجلي هذه مسالة حياة و اولاد ليست لعبة

نسمة تفاؤل · 2013-05-23, 15:48

اقتباس:

المشاركة الأصلية كتبت بواسطة مشكلتي

السلام عليكم
مشكلتي اني مند 4 ايام تعرفت على شاب بنية الزواج و غير هدرت معاه قلي عجبتيني و انا راني حاب الحلال مانيش رايح نتمسخر معاك قالي مكاش كيما المراة تاع الدار هي لي دايما ....
و انا شيئ لي قلقني راني خايفة منو كيفاه هدا من كامل لبنات خيرني انا للعلم انا بعدة عليه هو من ولاية و انا من ولاية راني خايفة الا راه يتمسخر لاخاتر بدا اعجابو فيا بطريقة حسيتو كي شغل راه يبالغ و ضخم فيها
لبارح عيطلي قالي راني خبرت دارنا و هدرت مع الوالدة عليك خصها تقولبابا و هي فرات و نجي عندكم و تبداي مرتي و حلالي ان شاء الله
انا ملي تخلعت بدا يهدر و انا نقلو ان شاء الله واصبر و علاه راك مقلق .....
زعم كاين في وقتنا هدا شاب يتعرف على وحدة يخطبها بسرعة هدي للعلم هو يبان عاقل و مربي و الله اعلم والله راني خايفة
دروك انا مقدرتش نقلو و نصارحو بهدا الوضع
ممكن تساعدوني انا كيفاش نعرف انو ماهوش يتمسخر وصح راه ناوي الحلال?
كيفاش نفتحلو موضوع باش يجي لدارنا لانو انا والله العطيم ماني تاع حكيات و شكيل
ممكن تنصحوني يلا راني غالطة صحولي ربي يخليكم [/size]

يا اختي علاه راكي مقلقة وكلامك زعم كاين واحد يتعرف على وحدها يخطبها بسرعة علاه انت في رايي راكي تحوسي اللي يطول معاك ويبدا يهف فيك غدوة نجي نخطب منغد العام الجاي هذا التمسخير بعينو اما اللي راكي تتكلمي عليه هذا الرجل تاع الصح ماعليك الا تقوليلو ارواح اخطب وماتنسايش صلي استخارة قبل ومن بعد اكيد داركم رايحين يسقسو عليه ومن بعد يوافقو ربي يوفقك

مراد الأمل · 2013-05-23, 16:07

السلام عليكم
غريب أمركم يا فتيات -مع كلّ إحتراماتي لأخواتي و مع أنّ خوفك في محلّه- يعني لي حوس على الحلال و ما عندوش اللف و الدوران و يقصد الدار تشكو في نيته..و لي يطول و يحب يتعرف و يعرف العقلية تقولوا هاذا حاب يفوت الوقت؟؟ يعني كيفاه نديروا معاكم
بالنسبو لموضوعك..أنت تريثي و قولي له تعال إلى منزلكم للخطبة ..و قبل الرد عليكم أنتم بالتصرف و معرفة الشخص و السؤال عنه..

مرام مريومة · 2013-05-23, 21:08

انت لازم تتوخي الحدر مهما كان وبتمنى لك التوفيق التام وبصراحة الامر محير خوفتيني عليك الله يحميك

حميد.ص · 2013-05-23, 23:05

انا نقولك خليه يتقدم لخطبتك من بعد تتضح الصورة....ربي يسهل

المنديل الابيض · 2013-05-23, 23:33

اقتباس:

المشاركة الأصلية كتبت بواسطة luky

امممممممم تعارف 4 ايام ....ثم حكاية الزواج
حذاري ثم حذاري اختي الكريمة عليك بالتريث في الامر
الزواج ليست لعبة بل هو مصير

انا من راي الاخ
ربي يسترك

المذنبة التائبة · 2013-05-23, 23:48

السلام عليكم
أختي الكريمة أنا أنصحك باستشارة الخالق لأنه بكل شيء عليم لذا فصلي صلاة الاستخارة والله على كل شيء قدير واذا فيه الخير ربي يسهلك انشاءالله واذا العكس ربي يبعدوا عليك ويرزقك بالزوج الصالح انشاء الله.
وربي يقدرلك الي فيه الخير.

الفاتحة · 2013-05-24, 11:10

أختي قلت انو من ولاية وأنت من ولاية اخرى والأغلب كما شهدنا وسمعنا أن مثل هذه العلاقات يكون النت مصدرها وبدايتها، وإذا كان الأمر كذلك فحذاري ثم حذاري ثم حذاري ...فأغلبهم يقصدون اللعب ، وإن كان جاد فتوخي الحذر من بعد المسافة وأسألي نفسك هذا الذي لم يعرفني إلا منذ اربع ايام وأنا التي تبعد عنه في المسافة ، لماذا ترك بنات ولايته دام أنه لا يريد اللهو وعلاقات سابقة قبل الزواج فمن باب اولى انه تقدم لهن تفاديا لمشاكل بعد المسافة ....اسألي ماهي الأسباب يا ترى ؟؟؟؟ عموما اطلبي منه التقدم مع والدته لرؤيتك رؤية شرعية لا تجيب عليه مباشرة ثم اعطي لنفسك فرصة للسؤال عنه ثم توكلو على الله..والله الموفق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري