حلوى جديدة 2013 من عند يراسمين محل الحلويات وهي في قمة الروعة

[yarasmin26]

يسعد صباحكم
اليوم حبيت نقدملكم وصفة تاع حلوى لذيذة وشابة خاصة بالافراح وهي سهلة التحضير
وماتقولوليش الصور لانه هذا3 بورطال ينسرقلي منزيدش اندير بورطابل اليكم المقادير"
حلوى بعجينة اللوز
2 علب عجينة اللوز {اتحبي تلونيها مكانش مشكل المهم اللون مع العطر}+ عجينة الجينواز وتكون رقيقة مثل راكي رايحة تصنعي قاتو غولي+ بياض البيض+ الناكخي
1- اخدمي علبة من عجينة اللوز بيضاء اللون {انا نخليها بيضاء}+لفاني واخدميها مليح وحليها بالحلال على طاولة فيها المايزينة حتى تصبح سمك رقيق شوية وتروكيها بجهة
2- تكوني موجدة عجينة قاتو غولي ومطيبتها رقيقة وتروكيها تبرد بجهة
3- اقلبي قاتو غولي على ظهر واطليه بياض البيض مضرب شوية باه يخفاف على كامل القاتو وضعي فوقها عجينة اللوز لازم بنفس حجم طول قاتو الغولي الي حليتيها وزيدي فوتي اعليها بالحلال باه تلصق 2 طبقات مليح ثم اقلبي العجينة الى وجهها الامامي
4- زيدي حلي عجينة اللوز العلبة 2 +لفاني واخدميهم مليح وبنفس طريقة الاولى حلي العجينة على نفس طول قاتو غولي ورقيقة واطليها كامل بالناكخي ثم خذي الوجه الامامي لقاتو غولي اطليه بياض البيض كامل وحطي اعليه عجينة اللوز وفوتي اعليه من الفوق بالرولو المزركش الي فيه خطوط مزركش باه تعطي رسم جميل لطبقة الفوقانية
5- خذي سكين انزعي الجوانب لازم يبقى الشكل مستطيل زيدي قطعيه الى مربعات صغار في الحجم طول5 سم في كل جنب
6- خذي قالب السيلكون خاص بالتزين وضعيه امامك وخذي قطعة من عجينة اللوز +الكاكاوالغامق وخلطيهم مع بعض حتى تعطيك لون بنى وشكلي رسم الكرفاطة بقالب السيليكون واطلي احد جوانب مربع الحلوى ولصقي فيه رسم الكرفاطة وديريهم في شراشف ثم ليكيسات

شهية طيبة
هذا نوع جديد من الحلوى الخاصة بالاعراس وهي فعلا لذيذة وتذوب في الفم وتصلح لكل مناسبة انتظروني مع وصفة اخرى الخاصة بحلويات2013
نتمى اني اشرحت بطريقة مبسطة باه الكل يفهم الحلوى

[منى ابراهيم]

تبان باهية بالصح الصور توضح تسلفي كاش بورطابل صورينا كيفاه تتعمل ورجعيه لمواليه

[أم عبير]

شكرا تبان شهية الله يعطيك الصحة بصح لوكان بالصور احسن

[فايزة20120]

شكرا على هذا الوصف اختي يراسمين حبيتك توضحيلي كفاش ندير الكرافات على احد الجوانب هل تقصدي الطبقة لي من الفوق او الجوانب نتاع الحلوى شكراااااااا

[faizarbh]

يعطيك الصحة ياراسمين بيان روووووعة

[yarasmin26]

المشاركة الأصلية كتبت بواسطة فايزة20120

شكرا على هذا الوصف اختي يراسمين حبيتك توضحيلي كفاش ندير الكرافات على احد الجوانب هل تقصدي الطبقة لي من الفوق او الجوانب نتاع الحلوى شكراااااااا

بعد الي تكوني قطعتي الحلوى مربعات وهي جاهزة الكرفاطة حطيها ي الوسط او او على جنب فوق عجينة اللوز ولصقيها بياض البيض جربيها لانها شابة وفي قمة الروعة

[فايزة20120]

شكرااااا يعطيك الصحة

[sarah..]

ياااريت لو كان بالصور
مشكووورة عزيزتي بارك الله فيك

[بريق الامل&]

واااااااااااااااااااااااااااااو روعة كنت رايحة نطلب الصور لقيت العذر هههههههههههههههههه
المهم رسمتها في المخيلة هههههههههههههههههه يعطيك اصحة
انت قلتي بيضا انا تخيلتها خضراء اللون فاتح بذوق اللوز المر ههههه

[ام عماد الدين]

تبان مليحة بصح صدقيني مقدرتش نتخيلها لاني عيانة شوية

[mohamed1411]

أنتن مبدعات
بصح الله غالب مكانش الي يطيبهالنا
مما تعرف طيب العيش والخبيز والفطير والطعام ههههههههههه

[tong2]

يعــــــــطيـــــك الصـــحــــــــة

[نور المستقبل]

شكرا شرح كافي بصح الصورة هي اللي توضح الفكرة اكثر لاننا مهمه نتخيلوها منقدروش نوصلو ال النتيجة الرسمية الهم كي تسمحلك الضروف حطيلنا ولو الشكل النهائ شكرا

[*ام رامي*]

اممممممممم هايلة يراسمين
صايي راهي في راسي كشما نهار نديرها
مشكووووورة

[حمدا لله كثير]

اليلام عليكم صح بزف 3 مرات تتسرقي وااااااااااااااااعععععع


بصح كون تلقاي في النت تصارو كيما هو حطيلنا انا جاني كيما هادا