أصابع بالبطاطا والداند

[fadawya_horra]

السلام عليكم ورحمة الله وبركاته اخواتي

اليوم حبيت نشاركم بحاجة نموت عليها وكون نصيب نطيبها وناكلها دايماتقدروا تستعملوها كمقبلات ولا تطيبوا الجاج والحميصة وتسقوها بيها وتستعملوها كطبقمانيش عارفة ايلا كاينة هنا ولا لالا المهم ،،،،،،،،،،،،،،على بركة الله ابدأ
المقادير: scalope يعني شريحة داند انت ومقدورك اختي،بطاطا مغلية،بيشاميل، معدنوس،ملح،فلفل اسود والقليل من الفرماج المبشور
الكيفية: ارحي الداند وخلطيه مع بقية المقادير تتكون عندك عجينة تكون مثل المعقودة اي السفيرية،شكليها اصابع ورمديها فالفرينة ثم البيض ثم في la chaplure وطيبيها كيما المعقودة بشرط ما تكونش النار ناقصة بزاف والا راح تتفركش،،،وصدقوني مذاقها رائع وايضا الكمية اللي تتحصلي عليها اروع ههههههههههه يعني مين يكون ندك الداند قليل وماتلقايش واش طيبي ديريها صح تشد شوي اليد ولكن النتيجة ما شاء الله
ان شاء الله تنجحلكم وتعجبكم
لا اسالكم الا الدعاء لأبي حتى يفرج الله كربتة
اترككن في رعاية الله وحفظه والسلام عليكم ورحمة الله وبركاته