هل انا ... خائنة ؟؟

[مشكلتي]

السلام عليكم ... مشكلتي معقدة نوعا ما
انا فتاة مخطوبة ومابقاش بزاف على زواجي .. خطيبي انسان اقل وش نقول عليه رائع رائع ولكن غيار لدرجة الجنون وانا باذن الله صايناتو في حضورو وفي غيابو لكن مشكلتي هنا في هاد المنتدى .. انا نشارك ديما غير فالاقسام النسائية يعني اللي مافيهاش رجال ومرات كي نقرا مواضيع في باقي الاقسام تحتاج الى رد والى اني نعطي رايي مرات نحب نستفسر على حاجة مرات نحب نفيد بحاجة نعرفها ... بصح مانقدرش نقول بالاك هاذا نوع من انواع الخيانة اني نناقش راجل ولا نسقسيه ولا نتعامل معاه باي شكل ..بالاك البعض يقولو عليا معقدة بصح كل واحد فيكم يقولي ادا يقبل الشي هادا من مرتو واي وحدة تاني تقولي رايها
انا مانيش خايفة انو يكتشفني ولا مانعرف بصح انا انسانة عندي مبادئ ومنين كنت دائما كنت ندير حدود بيني وبين الرجل فالمعقول طبعا ....حابة نتصرف بالشي اللي يرضي ربي ويرضي زوجي ليس خوفا بل محبة ... وخايفة انو تكون مشاركاتي واحتكاكي بالرجال في المنتدي فيها خيانة لزوجي