رز بتوابل البرياني من مطبخي

[salam algeria]

السلام عليكم هذا اول موضوع ليا في ركن الطبخ ان شاء الله يعجبكم
قطع دجاج حسب عدد افراد العائلة مقطعة مكعبات
حبة بصل كبيرة
ثلاث سنينات ثوم
كرافس مقطعة صغيرة
حبة صغيرة طماطم مرحية
توابل البرياني الكمون والقرنفل والهيل والقرفة وأوراق الرند والكسبرة وأوراق النعناع والزنجبيل والزعفران.
انا استعملت التوابل مخلطة جاهزة من السوق
كركم حتى يكون اللون الاصفر
الزيت
نقلي الكل جيدا ثم نمرق بالماء و نترك المرق على النار حتى يطيب الجاج
نضع الرز المغسول جيدا و المنقوع في الماء و الملح نصف ساعة في بلاطو تاع الفور و نضع فوقه المرق و نصف مقدار الدجاج و نغطيه بالالمنيوم و اذا كان البلاطو عندو غطاء نستعملو هو
ثم ناخذ زوج حبات بصل مقطعة طوليا و نضعها في مقلاة فيها زيت نقليها مع الملح و الفلفل الاسود حتى تصبح شفافة و نضيف بقية الدجاج و الخضر لي عندي انا استعملت جلبانة زرودية مبروشة و قليل من الكرم او الملفوف مقطع رقيق وحبة صغيرة جدا طماطم مرحية و ملعقة توابل البرياني يعني كامل مع بعض ملعقة صغيرة و نترك الخليط حتى يخثار
وعند التقديم نضع الرز و فوقه خليط الدجاج و الخضر
و شهية طيبة ان شاء الله تجربوه راه بنين تاع الصح راجلي مهبلني رجع يوم على يوم يقولي ديريهولي

لكان عجبكم ادعو لاولادي و اولاد المسلمين بالصلاح و لكان ماعجبكمش ثاني ادعيولهم