الي راه فاهم يجاوبني

[soso sirin]

والله هذا الموضوع خممت فيه بزاف و ترددت باه نكتبو منبعد قلت نكتبو و كيما جات تجي فهموني صح برحمة والديكم .راح نهدر على وحد الظاهرة و انا كنت مقتنعة بلي ماهيش نيشان مي لحقت ماعرفتش انو صح و لا ماشي صح.الواحد لما يلقى وحدا و تعجبو مي مايعرفهاش و يقلها مديلي الرقم تاع التيليفون تاعك انت كرجل تقدر ديرها و اذا تحطيت في موقف كيما هذا واش دير و اي راجل يقول هذا الكلام راه يتمسخر مع انو كاين حالات تكمل بالزواج ماشي حالة وحدا .و انتي كون تصادفي هذا الشي واش راح يكون الموقف تاعك و اذا بانلك الشخص انو ماراهش يكذب و ماتقولوليش انتي في دقيقة عرفتي بلي مليح.الله غالب وقتنا ماراهش تاع روح اخطب و منبعد تعرف لانو حاجة صعيبة بزاف باه الوحدا تتخطب و منبعد تبطل لانو لسانات الناس ماترحمش.انا مانيش نقول انو يطول معاها مي وقتنا راه هاك ماتقدرش تخطب وحدا ماتعرفهاش و الوحدا ماتقدرش تقبل بواحد ماتعرفوش.انا مانيش موافقة على العلاقات قبل الزواج مي تاني مانقدرش نقبل بواحد مانعرفوش كامل زيدلها انا مانقبلش نكون فارة تجارب لاي راجل مهما كانت مواصافاتو.علابالي بلي طريق الصح باين و طريق ربي معروفة مي هذا واش كاين عندنا في مجتمعنا.انا اختكم فهمو واش راني قاصدة و بلاك هذا الموضوع راكم خممتو فيه من قبل علابالي التعبير ركيك مي ان شاء الله الفكرة تكون وصلت .علابالي راكم تقولو هاذي راهي تناقض في روحها كيفاه ماتقبلش العلاقات و كيفاه ماتقبلش بواحد ماتعرفوش مي والله هذا الموضوع راه مهبلني لانو هذا التساؤل ماراهش غير عندي راه عند ناس بزاف نعرفهم.اذا فهمتوني جاوبوني اليكم الخط

[soha1987]

سلام سوسو
لميساج راهي وصلتني وانا نقولك نعم يخي فهمتي وانا راني مانقدرش نيعثلك ميساج لانو مازال ماوصلتش لحد المسموح باش نبعث رسالة
وعلى الموضوع نتاعك انا كون يجيني واحد يطلب النوميغو نتاعي نقولهالو مانمدش ومانقبلش يهدر معايا بدون علم اهلي نقولو روح للدار لا تنازل
والمراة كرامتها اغلى مالديها و نقولك حاجة رجال درك لقاوها سبة لانو النسا تنازلو بزاف وكل تلك التنازلات من اجل الزواج واي زواج بعدما تضيع الكرامة ولي قالك مانديش وحدا مانعرفهاش انا عندي هادا كذاب رام كامل الرجال يحبو وحدا مايعرفهاش والواقع شاهد كفانا تنازلا المراة راحت كرامتها من اجل رجال مايسوواش والله ملينا من هاد لحكايات يوجعو الراس ربي يهدينا ويرد شبابنا وشباتنا لطريق الحق قولو امين
دمتي متميزة سوسو

[ayadat81]

حب الهاتف ليس الحب و ليست علاقة واعدة بل هي تسلية يمكن أن تنتهي ب مشاكل كبيرة.المشاعر وحدها لا تبني علاقة واعدة هي تلعب دورا بعد الزواج فقط أما قبله فمن تريد بناء علاقة مثمرة و طريقها الزواج انشاء الله عليها أن تتفاهم على أمور أساسية في الدين و الدنيا .أما الهاتف ف 99بالمائة من علاقاته تافهة.
ولكنها هي التي تجازف بسمعتها وسمعة عائلتها، وبالتالي فهي المسئولة الأولى، وعندما ترتكب مثل هذه الخطأ يجب أن تتحمل مسئوليته بمفردها.
اما بالنسبة للرجل فاقول له
انما الزنا دين فان اقرضته كان الوفي من اهل بيتك

تقبلي مروري

[مراد12345]

يا أختي

هو الأمر صعب في الحالتين

قد تثقين فيها ويسجلك في الهاتف ويبهدلك بك

وأيضا أنا معك لا بد للإنسان أن يتعرف على الخطيبة بل الزواج

أنا أنصح بنصيحة وحيدة إذا كنت تعرفين الخشص الذي طلب منك الهاتف هو شخص لا بأس به

ومعروف في المنطقة وهو ناوي الخير أعطيه الهاتف

غير ذلك لا لأي شخص مهما كان

[soso sirin]

المشاركة الأصلية كتبت بواسطة soha1987

سلام سوسو
لميساج راهي وصلتني وانا نقولك نعم يخي فهمتي وانا راني مانقدرش نيعثلك ميساج لانو مازال ماوصلتش لحد المسموح باش نبعث رسالة
وعلى الموضوع نتاعك انا كون يجيني واحد يطلب النوميغو نتاعي نقولهالو مانمدش ومانقبلش يهدر معايا بدون علم اهلي نقولو روح للدار لا تنازل
والمراة كرامتها اغلى مالديها و نقولك حاجة رجال درك لقاوها سبة لانو النسا تنازلو بزاف وكل تلك التنازلات من اجل الزواج واي زواج بعدما تضيع الكرامة ولي قالك مانديش وحدا مانعرفهاش انا عندي هادا كذاب رام كامل الرجال يحبو وحدا مايعرفهاش والواقع شاهد كفانا تنازلا المراة راحت كرامتها من اجل رجال مايسوواش والله ملينا من هاد لحكايات يوجعو الراس ربي يهدينا ويرد شبابنا وشباتنا لطريق الحق قولو امين
دمتي متميزة سوسو

ايه فهمتك و ربي يخليك حنونة كاش جديد انا نقلك .والله يا سهى انا من النوع الي تقدري تقولي مانامنش بزاف بالحكايات تاع التيليفون و شحال من مرة صرالي هذا الموقف مي كاين الي مانقيموش اصلا و مانردش عليه و كاين الي يسمط نقولو لالا نيشان. مي والله كون ترجعي للواقع زواجات ضروك اكثريتهم راهي تتمشى بالتيليفون انا مانيش نقول انو قسرة و هدرة و اكتيفاسيون و هدرة بالتخبية تحسب راهي تسرق و لا راه خاطفها مي كاين حالات تتنازلي لانو الشخص يكون مليح معنتها معول يجي مي يقلك لازم نعرف شي حوايج و حتى انتي علابالي تقدري تقولي يجي للدار و ساهل مي شحال من مرة يجي و مايتفاهموش يقوى القيل و القال اربي ضروك راهم يدخلو رواحهم كي يجو يخطبو و تقولي لالا علاه راكي تستناي في واحد و نتوما واش دخلكم.و كي مايجوش الخطابا يقولو سوغ ماشي مليحة. نقلك حاجة والله وصلت لمرحلة ماني نعرف الحاجة الي نيشان من الحاجة العوجة.سهى عندي مدة ماشفتلكش موضوع جديد

المشاركة الأصلية كتبت بواسطة مراد12345

يا أختي

هو الأمر صعب في الحالتين

قد تثقين فيها ويسجلك في الهاتف ويبهدلك بك

وأيضا أنا معك لا بد للإنسان أن يتعرف على الخطيبة بل الزواج

أنا أنصح بنصيحة وحيدة إذا كنت تعرفين الخشص الذي طلب منك الهاتف هو شخص لا بأس به

ومعروف في المنطقة وهو ناوي الخير أعطيه الهاتف

غير ذلك لا لأي شخص مهما كان

لالا خويا هذا القصة ماشي شخصية انا هدرت بصفة عامة لانو وصلت لمرحلة وليت نشوف فيها الحاجة الي صح راهي عوجة و الحاجة العوجة راهي صح و بغيت نعرف واش رايكم برك .مي انا مامنة بحاجة اذا ربي كتب واحد لوحدا والله و كون يكونو من قارتين ماشي كيفكيف رايحين يتلاقو و ربي يسهلها من عندو.ايه صراتلي و ماعنديش بزاف و هذا في البيس قتلو لالا و اذا ربي راه كاتب غير هذا الشي راح نتلاقاو و نهدرو لانو هو راه كاتب هذا الشي و انا النوميغو تاع التيليفون ماداتو غير لناس و ناس وحدا مايضهليش فيها و مانمدولهاش ماشي حتا واحد.مي الصح والله كي تلقى الناس كامل تتمشى في جهة و انت تتمشى في الجهة لخرا المشية تتلفلك.ربي يثبتنا ان شاء الله

[soha1987]

[QUOTE=soso sirin;12100574]ايه فهمتك و ربي يخليك حنونة كاش جديد انا نقلك .والله يا سهى انا من النوع الي تقدري تقولي مانامنش بزاف بالحكايات تاع التيليفون و شحال من مرة صرالي هذا الموقف مي كاين الي مانقيموش اصلا و مانردش عليه و كاين الي يسمط نقولو لالا نيشان. مي والله كون ترجعي للواقع زواجات ضروك اكثريتهم راهي تتمشى بالتيليفون انا مانيش نقول انو قسرة و هدرة و اكتيفاسيون و هدرة بالتخبية تحسب راهي تسرق و لا راه خاطفها مي كاين حالات تتنازلي لانو الشخص يكون مليح معنتها معول يجي مي يقلك لازم نعرف شي حوايج و حتى انتي علابالي تقدري تقولي يجي للدار و ساهل مي شحال من مرة يجي و مايتفاهموش يقوى القيل و القال اربي ضروك راهم يدخلو رواحهم كي يجو يخطبو و تقولي لالا علاه راكي تستناي في واحد و نتوما واش دخلكم.و كي مايجوش الخطابا يقولو سوغ ماشي مليحة. نقلك حاجة والله وصلت لمرحلة ماني نعرف الحاجة الي نيشان من الحاجة العوجة.سهى عندي مدة ماشفتلكش موضوع جديد

عندك الحق سوسو الرجال يحبو يعرفو كلش ومن يجي يخطب هوما تبالهم ساهلة مي والله الوقت صعيب ماتقدريش ديري لامان حتى في واحد ربي يستر برك
انا راني ساكنة في منتدى الكروشي لانو راني نتعلم فيه وراني بعد نحط قفازات خدمتهم لينت اختي ارواحي ليهيه انتي ومريم وسوسو دياز باش تشجعوني هههههههههههه بصح ما تضحكوش على خدمتي ههههههههه لهذا مانقدرش ندير مواضيع راني نتبع بر ك واش تكتبو ونرد الى ان انتهي من تعلم الكروشي
سلام

[soso sirin]

[QUOTE=soha1987;12106472]

المشاركة الأصلية كتبت بواسطة soso sirin

ايه فهمتك و ربي يخليك حنونة كاش جديد انا نقلك .والله يا سهى انا من النوع الي تقدري تقولي مانامنش بزاف بالحكايات تاع التيليفون و شحال من مرة صرالي هذا الموقف مي كاين الي مانقيموش اصلا و مانردش عليه و كاين الي يسمط نقولو لالا نيشان. مي والله كون ترجعي للواقع زواجات ضروك اكثريتهم راهي تتمشى بالتيليفون انا مانيش نقول انو قسرة و هدرة و اكتيفاسيون و هدرة بالتخبية تحسب راهي تسرق و لا راه خاطفها مي كاين حالات تتنازلي لانو الشخص يكون مليح معنتها معول يجي مي يقلك لازم نعرف شي حوايج و حتى انتي علابالي تقدري تقولي يجي للدار و ساهل مي شحال من مرة يجي و مايتفاهموش يقوى القيل و القال اربي ضروك راهم يدخلو رواحهم كي يجو يخطبو و تقولي لالا علاه راكي تستناي في واحد و نتوما واش دخلكم.و كي مايجوش الخطابا يقولو سوغ ماشي مليحة. نقلك حاجة والله وصلت لمرحلة ماني نعرف الحاجة الي نيشان من الحاجة العوجة.سهى عندي مدة ماشفتلكش موضوع جديد

عندك الحق سوسو الرجال يحبو يعرفو كلش ومن يجي يخطب هوما تبالهم ساهلة مي والله الوقت صعيب ماتقدريش ديري لامان حتى في واحد ربي يستر برك
انا راني ساكنة في منتدى الكروشي لانو راني نتعلم فيه وراني بعد نحط قفازات خدمتهم لينت اختي ارواحي ليهيه انتي ومريم وسوسو دياز باش تشجعوني هههههههههههه بصح ما تضحكوش على خدمتي ههههههههه لهذا مانقدرش ندير مواضيع راني نتبع بر ك واش تكتبو ونرد الى ان انتهي من تعلم الكروشي
سلام

امين يا سهى .اه يا الشاطرة نضحك عليك كي نكون ساجية انتي على الاقل راكي تتعلمي يا لالة راح نضرب طلة مع لبنات .امالا راني نسال منك حاجة و انتي كريمة و انا نستاهل ههههههههههههه تعلمي يا الساجية تعلمي و منبعد علميني صح

[soha1987]

[QUOTE=soso sirin;12107895]

المشاركة الأصلية كتبت بواسطة soha1987

امين يا سهى .اه يا الشاطرة نضحك عليك كي نكون ساجية انتي على الاقل راكي تتعلمي يا لالة راح نضرب طلة مع لبنات .امالا راني نسال منك حاجة و انتي كريمة و انا نستاهل ههههههههههههه تعلمي يا الساجية تعلمي و منبعد علميني صح

انا شاطرة الشطورات ههههههههههههههههههه شفتي خدمتي ولالا؟
سوسو واش معناتها الساجية مافهمتهاش ؟علابالك هدرة ناس الشرق ماش كيما هدرة ناس الغرب الله غالب اختك ماتفهمش ههههههههههههه
انا نعلمك كلشي بالغالط هههههههه وتخرج الخدمة معوجة وباشعة هههههههههههههههههه ارواحي معانا واش قولتي
سلام

[mohamed160]

شكران على الموضوع انا ما نقدارى نقلها اعطيلى الرقم لانى نحاس بروحى طيحة القدارى بالك ما تقبل بلك تقلك كلام مو مليح املا نروح نخطبها من دارهم خير هدا رائى انا

[knives55]

بصرحة ناس ترسكي وتقمر أول رجال اليوم همهم الزين برك وقليل ليحكم على عقلية كي شوف وحدة شابة روحلها بلا مايخمم

وهذي أنا ضدها أنا ضدها نهائيا

أما بنسبة لزواج واحد ماتعرفيهش وهو مايعرفكش هذي خليها على ربي

واش حابة قلتي علاقة قبل الزواج حرام و مكيش حابة تزوجي واحد متعرفيهش هذي حلها مخابرات حطي واحد يعس عليه

والله دنيا تخلطة انانقولك تزوجي وخليها على ربي ولا ريحي بلا زواج هذي هيا راه عليك وعليه هو مايعرفكش وانت ماتعرفيهش

أذ راكم متعادلين

وربي يسهل

[soso sirin]

المشاركة الأصلية كتبت بواسطة ayadat81

حب الهاتف ليس الحب و ليست علاقة واعدة بل هي تسلية يمكن أن تنتهي ب مشاكل كبيرة.المشاعر وحدها لا تبني علاقة واعدة هي تلعب دورا بعد الزواج فقط أما قبله فمن تريد بناء علاقة مثمرة و طريقها الزواج انشاء الله عليها أن تتفاهم على أمور أساسية في الدين و الدنيا .أما الهاتف ف 99بالمائة من علاقاته تافهة.
ولكنها هي التي تجازف بسمعتها وسمعة عائلتها، وبالتالي فهي المسئولة الأولى، وعندما ترتكب مثل هذه الخطأ يجب أن تتحمل مسئوليته بمفردها.
اما بالنسبة للرجل فاقول له
انما الزنا دين فان اقرضته كان الوفي من اهل بيتك

تقبلي مروري

خويا انا ماهدرتش على حب الهاتف معنتها روح اهدر حتا تكره و نية الزواج مكانش كامل انا نهدر على انسان نيتو مليحة مي باغي قبل مايتقدم للدار يعرف شي حوايج مي المشكل هنا الثقة مكانش معنتها اذا قبلت اي واحد يمدلي النوميغو تاع التيليفون نفتح طاكسيفون وخلاص معنتها كيفاش تعرف بلي الانسان هذا راه يهدر نيشان مع انو الانسان الي يبغي حاجة حتا و الطفلة ماتقبلش تشد النوميغو قادر يشوف وين تسكن و ماضنيتش واحد يلحق وحدا حتا لدارهم و هو يتمسخر.شكرا جزيلا على الرد

المشاركة الأصلية كتبت بواسطة mohamed160

شكران على الموضوع انا ما نقدارى نقلها اعطيلى الرقم لانى نحاس بروحى طيحة القدارى بالك ما تقبل بلك تقلك كلام مو مليح املا نروح نخطبها من دارهم خير هدا رائى انا

يا خويا محمد و كيفاه انت تروح تخطبها و انت ماتعرفهاش تخيل روحك شفتها اوال مرة في اي بلاصة و عجباتك تبعها لدارهم و لا كيفاش .ماتخافش في اسوء الحالات ماتردتش عليك و اذا قلقتها تقلك خويا انا مانيش تاع تمسخير هههه

المشاركة الأصلية كتبت بواسطة knives55

بصرحة ناس ترسكي وتقمر أول رجال اليوم همهم الزين برك وقليل ليحكم على عقلية كي شوف وحدة شابة روحلها بلا مايخمم

وهذي أنا ضدها أنا ضدها نهائيا

أما بنسبة لزواج واحد ماتعرفيهش وهو مايعرفكش هذي خليها على ربي

واش حابة قلتي علاقة قبل الزواج حرام و مكيش حابة تزوجي واحد متعرفيهش هذي حلها مخابرات حطي واحد يعس عليه

والله دنيا تخلطة انانقولك تزوجي وخليها على ربي ولا ريحي بلا زواج هذي هيا راه عليك وعليه هو مايعرفكش وانت ماتعرفيهش

أذ راكم متعادلين

وربي يسهل

شفت كيفاه خويا لازملي واحد كيما كونان باه يحلي هاذي القضية .والله الموضوع ماشي شخصي مي القصة هاذي صراتلي و راهي تصرا قدامي لناس بزاف و كل واحد و كيفاه يشوفها ناس يقولولي راكي معقدتها بزاف و ناس يقولو لالا هذا هو الصح و انا راني نشوف انو لا انا و لا هو و لا هي تقبل تتزوج بواحد مايعرفها و لا تعرفو الله غالب ماشي جداتي رايحة تتزوج ديجا جداتي و عرفت جدي لانو كانو جوارين امالا اذا لقيت حل قولي. مكانش الي يقعد بلا زواج يا خويا لانو هكا رايحين ننقرضو اذا دينا بنصيحتك.مازالهم بنات الفاميليا خويا

[حضنية28]

انا منحبش هذو المواقف الانسان لازم يكون جدي شاف طفلة يروح يخطبها من دارهم

[Lydia istanboul]

للأسف صرات لي في خطبتي الأولى.....الشاب لم اكن أعرف لكن لما خطبني و أبي سأل عنو الكل يمدح فيه.....و أصارحك كان جد غني ووسيم....لكن بعد التملاك صرت لا اتفق معه في اي شي..وشخصيتي و شخصيتو لا يلتقيان كالخطين المتوازيين......واستغفر الله ندمت لي ماحكيتش معاه قبل اعلان الخطبة...ٌلت لتجنب احراج كبير مع الناس لكن يا أختي وش نديرو...رانا في وقت لحرام ساهل ولحلال واعر .....

[منهاج]

السلام عليكم

هي صح هاد الضربة مشي صحيحة بصح الصراحة راها شايعة بزاف الشير ولا يمشي ويمد نيميروه والشيرات

ما راهمش يمتانعو ديراكت يمدو علابيها الشاشرا والفو العقلية ،والمشكلة الغلط كثر حتى ولى قاعدة

الناس بنات عليها حياتهاااااااااااااااا

[assia81]

اخواتي كلهن تزوجن زواج تقليدي والان هن في احسن حال ولكن الان كل شيء تعقد لا ادري ان كان المشكل في الرجل ام في المراة ام في كليهما بالنسبة لي انا ارفض هذه الطريقة مهما كان هذا الرجل المتقدم وارفض الزواج اصلا الا في حالة واحدة اذا كان المتقدم لا يتكلم كثيرا ولا يشترط كثيرا ولايدخل معي في نقاشات مبهمة بدعوى الثقافة يعني يدير دار وولاد ويسكت عليا