والله ندير الخير 2

[مشكلتي]

الموضوع السابق:
والله ندير الخير

ياخواني مانيش نحوس على الناس يرجعولي راه عند ربي
الناس هاذم راني وليت ليهم عدو واحد ماعاد ينظر فيا ماعلابليش علاه ومايصدقو يلقو فرصة باه يقيسوني
هذا واش غاضني

[sara.info]

و انت لما تشغل نفسك بهم ؟؟؟؟؟؟؟؟؟؟؟؟؟؟؟؟؟

[bourached1985aindefl]

يا أخي انا صرالي أكئر منك و الله العظيم انسان عزيز عليا كثيرا قي يوم من الايام كل من كان يعمل معنا في الخدمة كان معاديه او ما يهدروش معاه و كانه مخلوق من كوكب أخر رغم انني اصغره سنا الا انه كان يلتصق بي و و انا الوحيد الذي يكلمه في المؤسسة لحقت بيه الدرجة وين قالي كي ماتكونش انت هنايا نولي قريب نهبل و الخير اللي درتو فيه غير ربي اللي عالم بيه و في يوم من الايام دار عليا و تصالح مع زملاء العمل مع العلم انني انا من كان يلطف الجو بينه و بينهم و اصبح ما يجمعنيش خلاص و ما يقوليش حتى السلام انصدمت صدهة كبيرة جدا صدقني انا الى حد الساعة مصدوم و انزيدلك حاجة مازالني نخدم معاه او نتلاقاه كل يوم او مكان حتى سلام بيناتنا





ما انصحك به ان تفعل الخير في وجه الله و لا تنتضر الجزاء من احد


دائما انتظر الشر ممن تحسن اليهم


نصيحتي الاخيرة و الله العظيم 4 سنوات من الصحبة تعلمت منها ؟؟ ما توري حتى لواحد صلاحو لانه يدور عليك


ما ديرش الخير و ماشي معنتها دير الشر ؟؟؟؟؟؟؟؟؟؟؟؟؟؟ لا لا مادير خير ما تنصدم ؟ و ما توريش للناس صلاحهم يعني ما تنصحهمش ؟؟؟؟؟؟؟؟

[الوداع]

اعرف من تخالط
واعرف كيف تخالط الناس

[houda4]

صحيح اختي مصدقينك
هذو الناس اكيد قابلوك بالشر وجبذوا روحهم لانهم اناس تاع مصالح
خلاصت المصلحة ميحتجوكش
لانها علاقة مصالح
2-يقيسوك لانك طيبة ومترجعيش ركبوك اسمحي لي على العبارة لان الناس تحب الانسان الحرش اللي يقيس مثل الشوك يخافوه والطيب الخجول المتربي يحسبوه غبي وميفيقش كي تكلحو
3-كيما قالو الاخوة رانا كامل كيف كيف
على راي المثل خيرا تعمل شرا تلقى انا حماتي مدايرة في الباطل وتغيظني كي تكون مريضة ونقوملها باشغال البيت ونعاون اولادها كي تغيب وكي تعود مريضة نجهد نفسي ونعاونها باش نفرحها بصح لاني اعمل هذا لوجه ربي نقول كبيرة ومريضة كون جات امي ؟؟؟ وتعاود تقيسني بصح بدرجات اقل كل في كل مرة تلقاني تحشم شوية بصح متحبليش الخير كيما اولادها وبناته
بصح نقلك حاجة والله بكري كانت تغيضني روحي
بصح انا اقصد وجه الله يعني نعمل في الخير خالص لوجه ربي وقبل منعملوا ننوي نقلو يا ربي راني رايحة ندير هذا الخير لوجه لابتغاء رضاك عز وجل ونحط في بالي بلي مهما قابلوني بالشر ميهمنيش لاني نويت لربي ماشي باش يرجعولي ويعترفو بالجميل
وقبل ما ندير الخير نتوقع 1000 بالمية بلي راهم يقابلوني بالعكس
لانو هذا الزمن عاد هكذا قلال الناس الطيبيين
طبقي هذو النصلئح اللي مديتلك ضدقيني سترتاحين

وميهمكش في الناس اللي جبدوا رواحهم منك متمرضيش نهائيا بيهم هذوا اناس ماشي من طينتك علاش تغيضك روحك ميساهلوش صدقيني تغيضك من اناس طيبين مثلك يديروا فيك الخير

ضميرك مرتاح ربي راضي عليك راكي في نعمة احمدي ربي وانا منك منقلقش لانو الحاجة الوحيدة اللي تقلقني صح
هي عدم رضا ربي عني
الباقي لايهم
تذكري دائما بلي ارضاء الناس غاية لا تدرك

متتقلقيش اختي الكريمة غضتيني بزاف لاني مثلك نسخة طبق الاصل الناس كامل نساعدها وصدقيني كون نقلك بلي كاين انسانة ساعدتها مساعدة كبيرة اثناء جمع مبلغ لعملية جراحية لابنها سرقتني بعدها وربي هداني لفكرة عملتها خلاتها رجعتلي المسروق والفتلي حكاية عملت نفسي مصدقتها ومفضحتهاش سترت عليها لانو ربي الهمني بطريقة خلاتها ترجعلي المسروقات وعلاش نفضحها؟
وكون نقدر ندير فيها الخير نديروا لاني ندير فيه لوجه ربي وربي اكيد راضي علي ويحبني ؟؟؟
سي نو كيفاه ترجعلي المسروقات هذي مثل المعجزة اللي خلاتني نزيد يقين بان الله لا يضيع من احسن عملا

هيا اكتبي لنا بلي راكي لاباس ونفسيتك مستقرة

اختك هدى من المنتدى

[معجزة الاكوان]

لا تكوني طيبة زيادة
وكوني صارمة وحازمة
مع من يريد ايذائك
اللي يستاهل الخير حبيه
واللي باعك بالفول بيعيه بقشورو

[نجمة ساطعة]

وكلي عليهم ربي و انتهى تجنبي الامكنة اللي يكونوا فيها ........

[ام البنات15]

[


اولاا ينصر دينك...........

وثانيا
اغير بالشوية وفي نفس الوقت زيدي شوية

[لحن الفرح]

السلام عليكم
انا نخدم مع امرأة كبيرة بزاف عليا تغيير مني وتتمنالي الموت .
راهي تستنالي غير الغلطة .
نوكل عليها ربي عندها بناتها .