اخي و الزواج

مشكلتي · 2012-06-11, 09:06

اخي عريس جديد و هو يسكن معنا
و كا قبل ما يتزوجشي عايشين عادي لكن بعد الزواج نحجبو هاي مرتو خارجا هاي مرتو داخلة
يعني وليت مربوط نتاع الصح و كي حكيت لصحابي قالولي مسكينة و تحوسوها محجوبة في الشنبرا و ل واش
و المشكل انو خويا كي ندخل للصالون نصيبو مع مرتو دايرا فولار على شعرها
و مرة خرجت فيهم في لقطة علابالكم
حشمت باشي نقلو أخويا بالصح قتلو أكري و نعاونوك و لي هبلني خويا و ل يلبس الشورت و ما يفيقش لرحو و بناتنا تزوجو سافيلونطو
غي انا و هو مع لعجوز و الشيخ بالصح خطرات تجي مرت عمي و خطرات مرت خالي تعرفو دار الشيخ لكبير
مشكلتي رايح نتزوج و كي شفت خويا هاك قلت انا يصرالي كيفو
مانحبش مرتي تولي محجوبة في شنبرتها و تلبس فولار و حجاب انا نبغي مرتي تلبسلي اللبسا المغرية
و ثاني انايا مانحبش نولي نمشي بشرت قدام الشيخ و لعجوز عيب نحب نولي صح متزوج
كيفاه ندير خويا ماحبش يعاوني هو ساكن عند الشيخ و رايح لحاسي مسعود يخدم بعيد و انا نكري
و لى واش ندير نقعد مع الشيخ بالصح لافامي يجونا و يديرونجوني انا و مرتي و مرتي برانية
فهموني واش ندير

أم الولدين · 2012-06-11, 15:14

صح رجعت مشكلة
قبل الزواج الأخوة عادي ولكن بعد الزواج و مع زوجاتهم هنا المشكل لازم وخصوصا المرأة تكون ديما
مراقبة ومتحجبة وليست حرة وماينفع في هده الحالة إلى السكن المنفرد
اما في مشكلتك إدا اخوك ماحبش يخرج و انت على وشك تتزوج سهل انت و كري
إدا حالك ميسور طبعا او إدا كان السكن ارضي ففتفق مع أخيك وواحد يبني الفوق و يستقل و الآخر
يبقى التحت خصوصا إدا كنتم اثنين فقط
نسال الله لك التوفيق

z.abdo · 2012-06-11, 17:50

شكرا اخي

نقلك حاجة بسبب انه عريس جديد فقط ههههههه العرسان كامل ممكن يعمل هكذا أو اكثر

فقط يجب ان تنبه اخاك بطريقة لبقة وتنصحه

FAN2013 · 2012-06-11, 17:51

نشكر أم الولدين على رأيها الصواب أخي ليس هنالك حل من غير سكن آخر سواء لك أو لأخيك لان السكن مع زوجة الأخ فيه مشاكل كثيرة منها الغيرة و وسوسة الشيطان سواء لك أو لأخيك أو لها حتى موفق أخي و ما دمت تريد الإبتعاد عن الشبهات و أي شيء حرام و ما شاء الله متخلق فإن الله سيسهل لك موفق

سلسبيل38 · 2012-06-11, 17:52

سلام خويا نقولك مبروك علئ خوك وعليك إن شاء الله ربي يهنيكم وعقوبة ذرية صالحة انا ماني متزوجة لكن في رايي غي اكري ودي مرتك حنا نسا نحبو نعيشو وحدنا ادا قادر على شقاك وتاني والله غي تكره تعيش متحجبة في دار بزاف عليها وتاني 2 عرايس في دار بزاف والله يسراو مساكل كيم خوك في صحرا ميقدرش يديها معاه لكن ادا راك قادر غي كريرها تعيشو رايحين ومتفاهمين وميكونش احراج في عايلة وعرسان جدد دائم يكون صعوبة باه يوالفو عايلة معاهم خاصة خاوة مع مرت خوهم بزاف مهم خويا اخرج بدارك وربي يسهلك في حياتك سلام

دمعة يقظة · 2012-06-11, 18:15

انا حقيقة في رايي ان تكري منزل احسن وتبتعد عن المشاكل العائلية ولا تنسى انو المشاكل العائلية ممكن تطور وتولو في حوايج اخرى لسمح الله وخيط التواصل مابيناتكم ممكن ينقطع فمن رايي لراحتك وراحة زوجتك ولراحة عائلتك انك تسكن بمفردك احسن

الوداع · 2012-06-14, 09:54

إن كان أخوك لم يحترم آداب المكان العام في البيت فعليكم بنصحه ليصلح خطأه
هناك فكرة خاطئة عن الزواج
وهي استثارة الغرائز بشكل عمدي وما يتطلب ذلك من بيت خاص ... الخ
لماذا نسمع لأجسامنا عند الجوع والنعاس ولا نحاول تجويع أنفسنا أو تنعيسها بينما نحاول إثارة غرائزها مع الاعلم أن الجسم يضبط شهواته بالمقدار الصحيح؟
الزوجة التي تصلي والزوج الذي يصلي لا يحتاجان إلى الإغراء في وضح النهار ...
الأمر مقبول في الأشهر الأولي من الزواج
ولكن على الإنسان أن يتعلم كيف يتحكم بمثل هذه الأمور وينظمها لا أن يطلق لها العنان
لأنها كفيلة بقتل العلاقة في مهدها

معجزة الاكوان · 2012-06-14, 14:33

يقال ان العرسان لا يلامون على شيء
في العام الاول من الزواج
روح لخوك غير بلعقل
وحاول تتجنبهم في حالات هكا
دير روحك مابسمع وما بشوف ومابحكي
يفرج ربي ان شاء الله

هاجر** · 2012-06-14, 18:30

يفرج ربي إن شاء الله

EVE · 2012-06-26, 18:20

إذا كان بإمكانك كراء شقة فلا تتردد تريح روحك وتريح خوك