شكولاطة روووووعة من مطبخي

[*أم ثازيري*]

إليكم وصفة اخرى من الوصفات اللي درتهم في فاتحتي
الشكولاطة، شكون لي مايحبهاش surtt كي تخدميها بيديك والله تجي بنينة بالسيف عليهم
المقادير :
تحتاجي شكولاطة noir مينا و شكولاطة مينا بالحليب
ذوبيهم في حمام مائي
ومن بعد احكمي البانسو (من الافضل يكون نتاع سيلكون ) و ادهني ليكيسات نتاع السليكون( يتابعو ب ١٥ دج للواحده) . حاولي ما تخليش الفراغات و حطيهم ينشفو في بلاصة بارده
اذا شفتي بلي la couche لولا رقيقة تقدري تزيدي une deuxième couche
بعد ما تنشف حاولي تفصيلي الحافة عن السيليكون كاااااامل. ضعي أصابعك في القاعدة و طلعي هكذا باه تنفصل الشكولاطة عن كيسات السيليكون
من بعد احشيها
نخليكم مع الصور
هادو ليكيسات لي عملتهم في السيليكون


وهنا حشيتهم بخليط من البتي سويس النستلي نيء كريم فريش و كريم شونتيي .و الشكولاطة بيضاء مدوبة و شويه عصير حولي 2 ملاعق كبار و طلعي بالباتور رييحة تحصلي على كريمة مممممممممممممممممممممممممم
و المقادير عينك ميزانك حتان تحصلي على القوام المطلوب و مايهمش اا ماكانش عندك كل المقادير
انا ساعات نديرها غير بالشونتي و البتي سويس و العصيير و نطلع بالباتور و تجي هايلة تاني
]