رمضان على الابوااااااااااااااب

ام سيلينا · 2012-06-06, 15:26

اليوم حبيت نطرح سؤال يجول في بال كل امراة جزائرية وهو واش نطيب اول يوم في رمضان انا حابة كل وحدة تقرا الموضوع وتكتب اقتراحاتها

it's me · 2012-06-06, 15:31

نفوتوه بالصحة والهنا مازال ماخممت وش نطيب بصح مع هاد السخانة تليق غير حاجة خفيفة مع الجاري

أنا أمهم · 2012-06-06, 16:00

احنا في تونس من عاداتنا أول ليلة في رمضان نطيبو كسكسي , بالطبيعة مع الشوربة و السلاطة و البريك

و ربي يستر في السخانة مع الكسكسي اش يصير هههههههههههههههههه

ام ياسين187 · 2012-06-06, 16:04

حنا عندنا في الغرب يبداو بحاجة حلوة مثل البرقيق ولا الزبيب باش يحلى الشهر بصح مع السخانة لحلو يعطش

لينا11 · 2012-06-06, 16:13

ربي يحينا لهداك الوقت ان شاء الله

جاري وحاجة خفيفة المهم مانكثروش من الماكلة باش نقدرو نصليو

بنت الحاج · 2012-06-06, 16:17

اللهم بلغنا رمضان
أختي الكريمة أحنا في الغرب الحريرة شهر كامل إجباري ومعاها طاجين حلو في اليوم الاول على خاطر السكر يطيح للصايم والايام الاخرين على حسب التسهيل.
ربي يتقبل من الجميع الصيام والقيام

أم ياسين الزهراء · 2012-06-06, 17:10

نهار الاول شربة فريك وطاجين حلو واذا سخفو الاولاد البوراك وطبعا المطلوع وربي يوصلنا لرمضان بالصحة والهناء

الأمنيات · 2012-06-06, 17:18

فيه مثل يقال عندنا منين يزيد نسموه سعيد راه عاد ما لحقش شعبان يا طفلة
بصح نقول لك واش ندير اليوم الاول حسب ما كان موجود عندي
لكن حريرة ضرورية والاكثار من السلطات اللهم بلغنا رمضان

نيفرتيتي. · 2012-06-06, 17:42

شوفو واش ندير في النهار الاول هذه حتى في دارنا نديرو شربة فريك ومعاها الكفتة اي المثوم كيما يقولو في بعض المناطق والمرقة حلوة والبريك وسلاطة مشوية مشي دائما وسلاطة حشيش وفي الايام الاخرى تبقى نفسها غير نغير دوزيام بلا نهار كفتة ونهار جلبانة كل مرة كيفا
بالنسبة للمرقة حلوة نطيب كمية كبيرة النهار الاول وكل يوم نحط شوية
ثان نطيب الملوخية ونحطها في الثلاجة وكل مرة نحط منها
مع العلم انه راجلي ياكل غير الشربة والبوراك برك ولا مرقة بطاطا ولا سفيرية باقاها ناكل انا وولادي

الصوامعية · 2012-06-06, 18:55

شكرا على الموضوع عزيزتي
فكرتينا في رمضان والأجواء نتاعو من صدقة وعبادة وصلاة التراويح في البيت بالمصحف ختم القران اللهم بلغنا رمضان
بالنسبة لليوم الأول نديرو جلبانة بالجاج - شربة فريك - بوراك - لحم حلو - سلاطة خص ومسيدوان -عصائر ......والله أعلم منا لهذاك النهار بلاك يتبدل الموني

yarasmin.26 · 2012-06-07, 12:00

والله فكرتوني في رمضان راه قريب انا اندير الحريرة و المثوم طاجين الحلو والسلطة مشكلة والفاكهة والمشروبات والسهرة البسبوسة وكرام ديسار وكل انهار وبراكتو على فكرة انا منسهرش بزاف لانه انروح لتراويح في الجامع وفي النهار نقراء القران باه نختم الاكثرية ميشفونيش في رمضان نبدا انفيزيبل

ام سيلينا · 2012-06-07, 12:12

شكرا على المرور احنا نطيبوا جاري وطاجين وبوراك والقازوز والبطيخ مع المطلوع

رمرومة الصحراء · 2012-06-07, 21:03

يا رب يقدرنا على صيامه ان شاء الله
أولا شربة فريك 30 يوم
و بوراك تاني 30 يوم
و خميرة و سلاطة مشوية و ماسيدوان
ونهار الاول دائما طاجين حلو ربي حلي ايامنا
ودلاع والبطيخ

Big SmaiL · 2012-06-08, 13:05

سلآلآم

حنــآ النهآر الاول..مامآ الغآلية ندير الحريرة أو المرمز وطجين حلو وطجين زيتون>ماشي دائمآ
وأنـآ ندير البورآك وخآوتو والسلاطة خس ولا بالروز ولا بالبطآطآ مع بطاطا بلاصوص جلبآنة ولا حمص وشآربآت>نشروهم ههههه
+
للسهرة نشريو قلب اللوز والزلآبية ونديروا الفلان.

وصح رمضآنكم هههههههه

ام سيلينا · 2012-06-08, 13:16

شكرااااا على المرور