مساعدة في حلويات النفاس

om assil · 2014-01-03, 17:22

السلام عليكم
اخواتي انا هاذ الاسبوع ان شاء الله ندخل الشهر التاسع ما عرفتش وكتا نبدا نخدم حلوياتي خفت نوجدهم بكري و نولد حتان يكمل شهري و يفسدوا الحلويات و خفت نولد بكري قبل ما نوجدهم
و خممت نوجدهم بصح نكونجليهم
و نسالكم كيما المخبز كي يتكونجلا ما يفسدش البريق نتاع القلاساج و لا لا
و ثاني مقروض اللوز هل يفسدلو التسكار نتاعو و لا لا
و ما نقدرش نخدمهم بلا ما نديكوريهم خاطر الديكور هو اللي يدي الوقت
علما رايحة ندير ان شاء الله بقلاوة مخبز المزيود بنواد كوكو و مقروض اللوز و الغريبية و المقروض تخدمهولي ماما
و كشما عندكم افكار للتقديم في النفاس ما تبخلوش عليا
شكرا و بارك الله فيكم مسبقا

M!sŝ · 2014-01-03, 17:42

ربي يخلصك وحلك ويجي ولد او ابنة صالحة ان شاء الله
انا مانعرفش اختي كان ساعدتك
بالتوفيق

غيداق · 2014-01-03, 18:02

انت وانا رانا في نفس المشكل انا راني في السبوع الثاني من الشهر الثامن بصح الطبيب نتاعي قالي قادرين نولدوك اصطناعي 22 جانفي وراني حايرة مع ليقاطو انشاء الله لبنات يفيدونا

فايزة1207 · 2014-01-03, 18:38

ادخلي موضوع ام ايوب وسقسيها راح تفيدك

&أسيل& · 2014-01-03, 20:06

اختي ربي يسلكك على خير ان شاء الله
احتي حتى انا في ولادتي خدمت كي دخل شهري وكونجليتهم حتى كملت شهري كااااامل باش ولدت جبدتهم لقيتهم وكانهم هذا وين خدمتهم المهم ديريهم في بورت مونجي محكمة الاغلاق
مقروط اللوز ماجربتوش انا درت لمخبز نتاع المزيود وصابلي بالشكولا والدزيريات وقاطو الجلجلانية وحتى الطمينة كنت محمصة السميد وموجدة العسل والزبدة وحلوة الترك بما اني وحدي وماكاش اللي يوجدلي كي نولد

silent scarf · 2014-01-05, 01:57

راكي كيفي في نفس الحالة و التخمام انا جامي كونجليت قاطو و خايفة يفسدلي و نتبهدل
معولة ان شاء الله نبدا السمانة الجاية ندير بقلاوة تع ام انس رااائعة و قريوش و صابلي و مقروط الجلجلان او تشاراك تع ام اماني تاني روووعة
الدقيق لازم نقليه و نوجد العسل و الزبدة
الوحدة الي تكون وحدها تحصل في كلشي ما لقيت وين نقلب روحي خاصة خدامة
الله يعيننا ان شاء الله الاخوات بفيدونا

sarsabila · 2014-01-05, 05:03

اختي انا عايشة في الغربة ومكانش ليساعد كي يدخل شهري نخدم كل الحلويات ونحطها في علب محكمة الاغلاق المهم مايكون حتى ندا اي تشماخ ولما نجبدهم كاني خدمتهم في نفس اليوم الملاحضة الوحيدة اجبدي كل يوم الكمية لتستعمليها باش تبقاي محافظة عليه حتى اخر حبة كنت خدمت المخبز مقروط اللوز دزيريات والبقلاوى وصابلي وربي يسلكك على خير

lina200 · 2014-01-05, 07:50

اللهم صلي على المصطفى

دائمة الحمد · 2014-01-05, 07:56

واله يا اختي عن تجربة راح نقلك مع بداية الاسبوع االثاني من شهرك اخدمي
لاني حسب رايي الكونجيلاتور نستعمله كي يفوت الوقت
مع ا نو الجو بارد ماتخافيش على الحلويات
ربي يعطيك ساعة ساهلة
كانش ماحتجتي استشارة اني هنا

حلم جميل · 2014-01-05, 08:59

السلام عليكم

حبيت نولهك برك لطريقة التجميد

رحت هاذ ليام نبارك لوحدة زيدت هزيت حبة مقروط من اول نتشة قلبي غمى عليا وععععع

مع انو يبان جديد .ومقدرتش نزيد نضوق والو كيما حطتهم كيما قعدو

قلت بلاك حتى النسا لخرين صرالهم كيفي

حنا فدارنا عمرنا لنديرو القاطو قبل الزيادة عندنا سلامة الراس هي لولا

كي تسلك لمرا نديرولها حاجة حاجة و لا تكون موصية مرا تخدملها

و ذكا البرد اخدمي شوية وحطي فبلاصة باردة

ربي يسهلك

تغرينية · 2014-01-05, 10:33

خدميه راه البرد ماتخافيش عليه برك نصيحة القريوش طيبيه وخليه بلا ما تعسليه لانوا راح يتشمخ ومايجيش شباب الله يعطيك ساعا زوينة وساهلة ربي معاك

red lina · 2014-01-05, 15:26

السلام عليكم
شوفي اختي بالنسبة للحلويات انا نكونجليها كامل كي نجبدها نلقاها عادي كيما دسيتها
و ذوقها ما يتبدلش و الاسبوع لي فات كنت داسة خبيزات تونس و البقلاوة تع عجينة الفيلو و الطابع
و جاو ليا ضياف على غفلة جبدتها دي كونجلات و حطيتها كلاوها و عجبتهم سيغتو خبيزات تونس و ما فاقولهاش كامل
غي شتاهي كي تجبدي الحلويات المعسلة زيديلها العسل باه اتبان جديدة او الناباج باه اتولي تلمع و كيما المخبز ما يروحلوش البريون اتاعو
و كي اتدسي ديري كل واحد في علبة وحدو و بين الطبقات حطي قطعة بلاستيك او ساشي باه الطبقة التحتانية ما تلسقش في الزواق من الفوق كي اتحطيهم على بعض
هذي على تجربة انا دايما نكونجلي القاطو و شوفي ايضا مع الاخوات ان شاء الله يفيدوك اكثر و سمحيلي اذا طولت في الهدرة

ahlam2060 · 2014-01-05, 16:07

والله اختي اناكي يدخل شهري باسبوعين نبدى نوجد لقاطو انتاعي

om assil · 2014-01-08, 18:29

بارك الله فيكم اخواتي على النصائح
انا قررت نتوكل على ربي و نخدمهم و نكونجليهم ان شاء الله ما يصرالهم والو بصح ما نديريش ليكسات
البقلاوة راني نخمم نحطها في ليكسات قبل ما نكونجليها و لا وش رايكم
بالنسبة لطمينة حنا نقولولها الزرير خدمتهالي عجوزتي ربي يحفظها نتاع القمح و الحمص مقليين

ام سراج وملاك · 2014-01-08, 20:10

ربي يسلكك على خير اختي نتي ولي كيفك