الكسترد بالشكلاطة البيضاء..... كما وعدتكم

أنا أمهم · 2012-05-14, 22:22

السلام عليكم و رحمة الله و بركاته

بسم الله

اليوم جبتلكم وصفة الكاسترد : (كرام باتيسيير creme patissiere) اللي وعدتكم بيها , وهي تصلح لعدة وصفات في الكيك أو في التحليات.

المقادير : لكمية 1 لتر حليب, 30 غ فرينة, 4 أصفر بيض, 175 غ شكلاطة بيضاء, 50 غ سكر مرحي (أو عادي) في الوصفة الأصلية 100 غ سكر لكن حسيتها حلوة برشة بما أنه الشكلاطة حلوة.

الطريقة : - حضري الكسرونة : برديها بمكعبات ثلج أو بطريقتي الخاصة ههههههه : حطيها كلها لثواني في الفريزر , حتى لا تلتصق الكسترد.

- خلطي السكر و الفرينة و الحليب حتى يصبح المزيج أملس.
- حطيه على نار متوسطة و خلطي حتى يتكاثف المزيج.
- اخفقي أصفر البيض في صحفة و صبي عليهم كمية من الحليب السخون اللي كان على النار ,خلطيهم ثم رجعيهم في باقي الحليب. (الصورة هنا لربع لتر حليب و اصفر بيضة واحدة)

- حركي بسرعة حتى لا تتكون حبيبات.
- رجعي الخليط على النار و خلطي حتى يتكاثف مرة أخرى.
- هبط من فوق النار.
- اضيفي قطع الشكلاطة البيضاء و حركي حتى يذوبو-------> جهزت الكسترد
- حطي فوق الكسترد ورقة الزبدة باش ما تتكونش قشرة, لحين الإستعمال.

هنا استعملتها في (كيكتي الفاخرة) : https://www.djelfa.info/vb/showthread.php?t=965666

و هنا في تحلية جديدة :

دعواتكم.

جسر الأمل · 2012-05-14, 22:27

يشرفني نكون اول وحدة ترد عليك ربي يحفظك وينوووووووورك سيدتي الفاضلة، تمت سرقة الوصفة بنجاااااااااااااااااااااااااااح هههههههههههه

أم ياسين الزهراء · 2012-05-14, 22:31

يعطيك الصحة هذي كيفية تاع الحطى والشان

حبيت نسقسيك كيفاش واش معناها الكسترد عندنا كيفاش نسموه راني شفت منال العالم ديرو وهو عبارة على بودرة بصح ماعرفتوش

أنا أمهم · 2012-05-15, 08:33

اقتباس:

المشاركة الأصلية كتبت بواسطة جسر الأمل

يشرفني نكون اول وحدة ترد عليك ربي يحفظك وينوووووووورك سيدتي الفاضلة، تمت سرقة الوصفة بنجاااااااااااااااااااااااااااح هههههههههههه

ربي يفضلك عزيزتي, و مرحبا بيك منورة, إذا تحبي اسرقي ملفي كله ههههههههههههه, مشكورة على التشجيع.

أنا أمهم · 2012-05-15, 08:37

اقتباس:

المشاركة الأصلية كتبت بواسطة أم ياسين الزهراء

يعطيك الصحة هذي كيفية تاع الحطى والشان

حبيت نسقسيك كيفاش واش معناها الكسترد عندنا كيفاش نسموه راني شفت منال العالم ديرو وهو عبارة على بودرة بصح ماعرفتوش

يعيشك أختي أم ياسين, كالعادة دائما منورة مواضيعي, ربي يفضلك ولدك.
بالنسبة لكلمة كاسترد هي الكرام باتيسيير creme patissiere , فيها عدة أنواع.... تقدري تصنعيها وحدك في البيت أو تشريها في شكل بودرة و تضيفي عليها الحليب و تطيبيها.
و بالطبع شغل البيت دائما أفضل.

, جربي الوصفة هذه ساهلة و بنينة.