ساعدوني في قاطو اذا جاك ضيف فجاة

[sarara]

السلام عليكم
انا جربت هاذ القاطو بصح ما خرجليش وجا مالح مع انو ما فيه ملح ما والو وفي اللف نتاعو لقيت صعوبة وكان يتشقق بزافرجاء خبروني اين المشكل ؟ وهلهناك خطوات مهمة غفلت عنها الرجاء اعطائي الحل باش نعاوده ونتقنه في ااقرب وقت

[remadna]

طبختيه اكثر من اللازم لهذا تكسر لك عند اللف
يطبخ 10 د فقط يجي طري و هش و يلف حتى و هو بارد
جربته 4 مرات و كان صالح
امن الملوحة لا ادري اين الخطأ
اذا كنت صح في اجابتي خبريني

[wafa.wafa]

أختي أي قاطو تروليه لازم ما يطبش أكثر من10دقائق باش ما يتكسرش أنا مازال ما شفتوش بصح نظن أنو هذا هو السبب حطي الرانط باش نستفادو و نفيدو

[أنا أمهم]

شوفي أختي انا جربته و نجحلي, يمكن انت خليتيه أكثر من 10 دق,
ورق الزبدة لازم تستعمليه ,
لما تخرجيه من الفرن استعمليه بسرعة قبل ما ينشف.
البيض لازم يتركض مليح , و لما تخلطي بقية المكونات حركي من تحت لفوق.

إن شاء الله ننزل تطبيقي و تشوفيه.

[sarara]

شكرا اخواتي على مساعدتي انا ما نيش متمرسة مليح في المطبخ وما نعرفش بزاف نطيب بصح نحب نجرب اي شيء يعجبني باه نتعلم شوي


اما بالنسبة للعجينة اظن زدت عليها اكثر من وقتها بصح ماشي بزاف