قلاصاج بالفوندون من مطبخي

nour inasse · 2012-08-11, 04:41

السلام عليكم ورحمة الله تعالى وبركاته
صح فطوركم راني شفت بلي بزاف من الأخوات راهم يتساءلو على القلاصاج

وشيه هو السر اللي يخليه ماييبسش ويلمع

ويبقى طري حتى اذا احتفظتي بيه بعد مدة زمنية

, وحتى اذا احتفظتي بالقاطو في الثلاجة يبقالك طري بعدما تجبديه ,
هذي الطريقة نستعملها دائما في صنع الحلويات خاصة انتاع الأعراس
وتبقى طرية وهايلة
واليوم كانت عندي طلبية نتاع لعرايش مالا قلت نصورلكم خطوات عمل الطلية
اسمحولي على الصور لأني صورتها بالموبيل وكنت مزروبة
قلت المهم نحطلهم الصور والطريقة
نحتاج بياض بيضتين, سكرقلاصي,نص حبة قارص شوي ماء الزهر,فاني ملون أبيض, ملعقة زيت, فوندون,كاس مش معمر عسيلة وهي السيرو أخدميه بكاس سكر كريستاليزي وكاس ماء فوق النار لمدة 5 دققايق
لعسيلة لازم تكون سخونة باه يتعقم البيض

ضربي بياض البيض بالباتور مع قليل من الملح كاثلج وأضيفي السيرو مع الخلط
[img]http:ي//im19.gulfup.com/2012-08-11/134465388463.jpg[/img]
تتحصلي على خليط مع هذا الخليط

أضيفي ملعقة فاني والسكر وواصلي الخفق حتى يثقال من جهة ذوبي قطعة فوندون أنا درت باطة نقصت منها شوي تقريبا ثلث أرباع العلبة

حطيها على نار هادييييييييييييية وحركي حتان تولي سايلة

أضيفيه للخليط مع الخفق بسرعة وأضيفي ملعقة زيت روماء الزهر حلي فيه ساشي نتاع ملون أبيض

اذا

كنتي حابة تستعمليها بيضاء استعمليها مباشرة أو لونيها حسب الرغبة أضيفي قليل من الملون محلول في قطرات ماء الزهر
اطلي مباشرة الحلوة نتاعك لأنها تجف بسرعة اذا جاتك ثقيلة زيدي السكر قلاصي واذا خفيفة بياض البيض
كيما تجف رح تجي تلمع وزيدى امسحيها بواسطةاسفنجة بالبريون أرطب رح تولي تلمع أكثر
نتمنى نكون أفدتكم
راهو ماكفانيش الوقت باه ننزل صور الحلويات اللي صنعتها

بصح ماتخافوش راني صورتهاا وين تكون عندي فرصة ننزلها انشاء الله صح صحوركم
لاتنسوني بالدعاء
صح فطوركم كيما وعدتكم هاهم ليك التصاور

هذا الشكل جربتو قولولي رايكم فيه

وهذا الصحن لجميع عضوات المنتدى