افيدوني انا على وشك الطلاق

[مشكلتي]

انا متزوجة منذ 3سنين وام لبنت واستاذة خريجة المدرسة العليا للاساتذة ولا اعمل بسبب اهل زوجي عندهم عيب اذا خرجت نقري المهم حطيت ملادي باش ما يظيعليش الديبلوم والله عايشة فالهم والذل والهانة المرءة عندهم عبيد حملت كلش وزجي ضعيف شخصية قدام اهلوا وهو شايف وعارف واش راهم دايرين فيا ولكن ما يحركش ساكن وظرك راني في دارنا خرجت من السجن لي كنت فيه وطلبت داري وحدي وهو لي هدر وتفاهم مع اهلي بلي في مارس يديرلي الداروكي لحق الوقت ولا يلعب بيا وما يخلنيش نروح لدارنا وباه يكون في علمكم هربت باه قدرت نخرج درت السبا بيما مريضة ومن بعد كي جا يديني قتلو ما نروحش ومن هذاك اليوم مزال ماجاش ولا سقسا على بنتو راني مدمرة

[khadija mayar]

بسم الله الرحمن الرحيم
عزيزتي المشكلة ماراهيش مع زوجك المشكلة من اهلو انتي تسرعتي كان من المفروض تروحي معاه ولازمك شوي تصبري على جال بنتك باه تتربى معاكم في زوج
مسكينة الذنب مش ذنبها ومش كل مشكل يتحل بالطلاق
لازمك تسايري اهلو وتعاملي معاهم حتى وذا كانو مايحبوكش
هذا رأيي
تحياتي وربي معاك

علاه راكي توصي فيها على الطلاق ؟؟؟؟؟
ايه تكمل معاه وتقرا وتخدم ودير تحوس عليه
وثاني بنتهم تعيش مع ماماها وباباها
علاه تروح تهدم الأسرة

[زهرة البيت]

حبيبتي ربي يكون في عونك علاه ماتكلمش معاه والدك أو خاوتك وسقساوه واش دار فيها وعلاه ميسقسيش عليكم أكيد كي يهدر معاه راجل رايح يستخزا ويخاف ويبادر بحل لأنو رايح يحس أنو كاين رجالة واقفين معاك

[عبد العزيز البدري]

الطلاق ليس حل
الحل بلمفاهمة ولاتفاق على شروط

ربي قال والصلح خير

جبي حكم من اهلك وحكم من اهلو وهوما يتفاهمو
ربي قال ان يريدا اصلاحا يوفق الله بينهما

الحل يدهب احد اقاربك ويسأله مدا يريد وتفهمو على الشروط
هدا هو الحل

[الواثقة بالله2012]

وعلى ايه الحذف يا سيدي ربي يفرج هم كل مؤمن ومؤمنة



واش قلنا كليمة صبحنا في ظليمة

[Lydia istanboul]

يا أختي يبدو أنو أعطيتيه فرصة ليوفر بيت كريم لك و لإبنته لتفادي هاته المشاكل لكنه لم يكن ذا كلمة للأسف لكن مع هذا أتمنى منك أن لا تقفزي للطلاق حتى و انا على احساس أنك ظلمتي من أهله و الله أعلم,كما قال الاخوة أتركيه حتى تهدأ الامور ثم يجب أن تجتمعي معه و مع اخاك و مع واحد من أهله ليشهد على كلامه و كيف أنه وعدك و أخلف وعده ووووو ثم قررو ما العمل.أما على الذين يأنبونك على الطلاق فأعذريهم فهم لا يعرفون كل ظروفك و الا أحيانا الطلاق أرحم من العذاب و لسنا أرحم من الرحمان الرحيم الذي شرع الطلاق بغض النظر عن وجود الاطفاال وأسماه تسريح بإحسان,ربي يفرج عليك ختي ونسمعو عليك الاخبار المفرحة.

[/زهرة عصفور الجنة/]

الأفضل أن تعودي لبيت زوجك مدام غير راض لمكوثكي في بيت أهلك وحاولي أن تجدي حلا دون أن تخسري أهله

[soumsouma]

من رايي زيدي اعطيه فرصة باه يغير الامور اكيد اهلو راهم مخلاوهش يرجعك و انتي اعطتيلهم الفرصة
الطلاق مشي حل اختي و داركم شحال يعياو يرفدوك
ادري معاه و قنعيه قوليلو منحبش المشاكل
ربي يصلح الامور و يفرج عليك

[الواثقة بالله2012]

المشاركة الأصلية كتبت بواسطة lydia istanboul

يا أختي يبدو أنو أعطيتيه فرصة ليوفر بيت كريم لك و لإبنته لتفادي هاته المشاكل لكنه لم يكن ذا كلمة للأسف لكن مع هذا أتمنى منك أن لا تقفزي للطلاق حتى و انا على احساس أنك ظلمتي من أهله و الله أعلم,كما قال الاخوة أتركيه حتى تهدأ الامور ثم يجب أن تجتمعي معه و مع اخاك و مع واحد من أهله ليشهد على كلامه و كيف أنه وعدك و أخلف وعده ووووو ثم قررو ما العمل.أما على الذين يأنبونك على الطلاق فأعذريهم فهم لا يعرفون كل ظروفك و الا أحيانا الطلاق أرحم من العذاب و لسنا أرحم من الرحمان الرحيم الذي شرع الطلاق بغض النظر عن وجود الاطفاال وأسماه تسريح بإحسان,ربي يفرج عليك ختي ونسمعو عليك الاخبار المفرحة.

تعرفي يا اختي كي عجبني ردك صح ربي لي هو ربي سبحاااانه وححل الطلاق صح والله لازم تصبر هادا هو حال المراة في المجتمع القاااااااااااسي نتاعنا ولكن ..........

[أم الولدين]

يا أختي الطلاق مش حل و انت اصلا ماعندكش مشاكل كبار أو بالأحرى مش مع زوجك
وكما دكرت راكي إنسانة متقفة وواعية و ماتشوفيش وماتخليش الشيطان يوسوسلك انك راكي في حبس ومش عايشة وكدى
لا بالعكس ربي من عليك بالزوج و بالدرية إن شاء الله تكون إبنتك من الصالحات واش حابين من الدنيا كثر
و الله ليست إلا ممر فلننظر لنعم المولى علينا و نشد في ربنا و نخدم لدار المستقر

[**نعم أطيعك ياربي**]

ليديا استنبول الله يحفظك يبدو انك فاهمتني مليح

[nokia111]

عليك التاني اختي متروحيش مباشرة للطلاق حاولي انك تتفاهمي مع اهلك اول الامر عليك تحديد شروطك متل العمل والسكن قوليله نرجع الخدمتي وداري وحدي ونتعاونو على العيشة مع بعض وفهميه بلي عادي تعاونيه ومجيبهاش دراع قوليله منيش لاقيا راحتي و وينتا نعيشو حياتنا راكي مرا وتفهمي منين تدخلي راجلك وفهميه بلي متنجميش تعيشي بلا بيه بصح اكدي على شروطك باه ترجعي معاه وقوليله اما هدا او نتفارقو بالطيب وترجعيش معاه لبيت اهلو على اساس انه من بعد تخرجي بدارك لالا راكي هكا غادي تنغبني وناكد عليك تفهمي الظروف تاعه وحاولي تبينيله بلي راك مستعدة تعاونيه على المعيشة خاصة وان كان دو دخل محدود انا تاني كنت مدرسة وبعد الزواج توقفة عن العمل لانه محبش يخليني نخدم بصح بالسياسة راه يدفعلي هو في الدوصي الله يجيب الخير وربي معاك وخمي في بنتك يلا يصلحلها تعيش بعيد على اب ولا لالا

[رميساء خولة]

اختي حاولي ان يتدخل ناس كبار واعيين هما يعرفوا كيفاه احلوهالك باذن الله
متنسايش عندك طفلة وهي العائق بيناتكم وابغض الحلال عند الله الطلاق
ادعو لك ربي ان شاء الله يحل المشكل قريبا وترجعي الى منزلك وانت راضية واهل الزوج راضيين عليك باذن الله
ولا تنسي استخيري وادعي ربك انوا ان شاء الله يعاونك
السلام عليكم

[**نعم أطيعك ياربي**]

الله يحفظك هو ما هوش مهني بصح ضعيف شخصية راني عايشة في وسط لازم بنتي ما نرفدهاش قدامهم عيب ولازم نلبس واش يحبو هوما وما نهدرش مع راجلي قدامهم ولازم انا نفتل الطعام ونعجن الكسراونهنبر وزيد خوه الضغير جا باه يضربني واختو كذلك وزيد خوه الكبير هو لي يحكم فيهم كامل يعني لازم ما نخرجش واذا خرجت لدارنا برك يشنفو عليا كامل وكاني درت جريمة وخلي على زوجي الي يتهمني في شرفي ويكذب عليا والكثير افهموني

[دمعة يقظة]

انا من رايي انك تحاولي التقاهم مع زوجك وتبتعدو قليلا عن امر العائلة لانو دائما العائلات هي سبب في انفصال الزوجيت والتخاصم الدائم تكلمي معه بهدوء وحاولي انك تجذبيه لرياك بكلام ممكن تقوليلو انت الراجل هنا وانت الي لازم تحكم فيا ماشي اهلك وممكن تتعاملي معاه بطريقة لبقة وهادئة وتبتعدو عن اراء الاخرين وعائلتك