تعيشوو اعطوني حل ؟؟

مشكلتي · 2012-05-19, 20:44

السلامم عليكم
اليوم حبيت نلجا ليكم باه تساعدوني في امر
و الله العظيم مصرحت غير انسان واحد فيه
و اليوم حبيت نطلح عليكم مشكلتي و ان شاء الله تفيدوني

حبيت نحكيلكم على قصة انا و والدي
والدي اعز انسان عليا و منكدبش نحبو اكثر من يماتي ههه صراحة ما و الله نقلكم على حاجة دارها و لزال يدير فيها و الله قتلتني 5 سنين و انا محتفظة بهدا السر و الله قتلني و الله
والدي يشرب الخمر لكن مشو لدرجة انو يروح في هديك الحالة لكن يروح عادي ما انا نعرفو لانو شفتو رافدو بيدو وحد اليوم و الله الارض تزعزعت بيا و الله
و انا كيف نشوفو في هديك الحالة و الله نروح نشوف كيفاه نبعد عليه باه منشوفوش في هداك المنظر و الله قلبي ينقطع كي نشوفو هكاك و حرت الاسباب لي خلاتي يلجا ليه
و الله نحنا عايلة الحمد لله لاباس علينا هو شهار يخدم و الحمد لله لكن اللسبب الله اعلم ؟؟؟؟؟؟؟
هد العام ظرتني بالزاف سرتو و انا كبيرة تع الدار و كل منشوفو في هداك المنظر اقسم بالله العظيم نمرض
و حد اليوم قلت نكتبلو رسالة
خليتهالو فوق طاولة و كان وحدو وقتلك بابا رسالة اقراها و رحت نقرا قراهاا
و روحت تامنو بالله سمانة نحشم نشوف معاه منحبش كامل نخرج معاه باه ميجبدليش الموضوع
ما و الله لليوم محبسش منو و انا كل منشوفو في هداك المنظر نزيد نمرض

تعيشو الله يعطيكم ما تتمنوو الله يفتحها عليكم اعطوني حل كيفاه ندير برك و انا صراحة حابة نواجهو ما ملقيتش كيفاه تعيشو اعطوني حل

و سارعو الله يحفظكم راني ننتظر فيكم
و اسمحولي الا طولت عليكم

و السلام عليكم

faty05 · 2012-05-19, 21:53

اتكلم معاه لا تيأس
ادعو له بالهداية

.زَيْنْ الْدِيِنْ. · 2012-05-19, 22:55

أنا ننصحك تيليشارجي محاضرات حول تحريم الخمر و اضراره و ... و ....
و اتركيها على سطح الكتب أو ضعيها في cd و اتركيه في متناوله ليظهر كأنه صدفة
كما لا تنسي الدعاء له و لنا بالهداية في صلاتك

معجزة الاكوان · 2012-05-20, 00:02

اغتنمي اوقات استجابة الدعاء وادعي له الهداية
لا تخجلي اختي من مصارحته تشجعي وتوجهي اليه
بيني له بحب واحترام كم يؤلمك هذا
وكيف انه سيصبح اروع وافضل اذا توقف عن شرب الخمر
لا تقولي لا استطيع تشجعي فابوك يستحق ان ترفعي التحدي
بيني له انك ستقفين معه ليتوقف نهائيا اشعريه بحبك الكبير
واجعليه يدرك قيمتة الحياة بدون معاصي وقيمة حبك وفخرك به حين يتوقف

بين الحقيقة و السراب · 2012-05-20, 10:21

كان الله في عونك اختي
لا نملك الا ان ندعو له بالهداية
اكثري من الدعاء و لا تيأسي
هي ابتلاءااااااات
صبر جميل

موج و صخر · 2012-05-20, 13:00

اختي ما تقدري ديري والو غير الدعاء ان شاء الله
لأنّه إذا صارحتيه و قلت له انك رايته يشرب الخمر ستسهلين عليه الامر
و يقول خلاص شافتني و تكون قالت للبقية إذا يجهر
ويكبر المشكل و تروح له الحشمة منكم و يعود يشربها قدامكم
غير خليه اللهم إلا إذا عندكم خالكم او عمكم تقولوله هو يتدخل
و ينهاه عن المنكر
و الله المستعان

walid147 · 2012-05-20, 13:14

من الواجب عليك النهي عن المنكر والامر بالمعروف مع الناس كل فكيف بالاحرى المنكر يكون مع والدك
ديري في بالك بلي الامر مش راح يكون بالساهل و اكيد رح تلقاي من عندوا مقاومة كبيرة متستسلميش قادر الامر يطول شوية باه ينحي العادة هذي بصح كون تبقاي من وراه ان شاء الله بربي يرجع للطريق
''أن الله يمهل و لا يهمل''
انا ننصحك بحاجة اذا حبيتي ديري حاجة ما تكتريش التخمام فيها ديريها ديركت بالعكس امر كيما هذا الحشمة فيه ماعندها حتى لزمة
لازم تواجهيه و تانبيه على واش راه يدسر بطريقة طبعا مهذبة و قوليلوا الامر هذا نوعدك يبقى سر بيناتنا بشرط انك تبطل كون ما تبطلش نقول للعايلة كاملة كبعا اذا كان الاب متفهم و متفتح الذهن لوكان جى عصبي او يضربك ديركت و يولي يشوف فيك تفهمي اكتر منوا
الله يهديه ان شاء الله

مستفانم · 2012-05-20, 13:52

السلام عليكم

مساء الخير أختي

ماعندك ما ديري في هذا الحالة أدعيلو ربي يهديه وخلاص .

على حساب ما فهمت علاقتك بالأب جيدة وباش راه قرأ رسالتك يعني ماراهوش أمي وراه يعرف بلي شفتيه يشرب الخمر .

كما تعلمين سلاح الفتاة دموعها . إذا إظطررتي تواجهيه في المستقبل أبكي قدامه وبينيله بلي راكي متأثرة بحالته

ماكانش والدين في الدنيا مايستسلموش أمام دموع أولادهم

ربي يجيب الخير والتوفيق

asma2021 · 2012-05-20, 18:43

ربي يهديه و يصلح له رايه امين الدعاء
ثم الدعاء

w05 · 2012-05-20, 21:09

ربي يهديه و يصلح له رايه

ترب الندى · 2012-05-23, 11:51

السلام عليكم
ربي يفرج همك و ييسر امرك و يرحم ضعفك
الدعاء ثم الدعاء ثم الدعاء
ثم مواجهه والدك
واجهي والدك بطريقه تجعلي والدك يفخر بك بعي خطاه و يفكر الف مره قبل الاقبال عليها
ذكريه بانك نريدين له الخير و تخشين عذاب الله عليه
اقسم لك انه سيتأثر و سيكون لكلامك مفعول السحر
المهم ان تعرفي ما تقلين و في الوقت المناسب
ارو الهدايه لوالدك و ربي يفرحك و يقر عينك يا رب

hanen bouna · 2012-05-24, 15:41

انا رايي انك تشوفي ادا عندو صديق انتييم
احكيلو ربما ادا حكى معاه صديقو يتعظ..

حضنية28 · 2012-05-24, 15:48

ارى ان تلجاي الى صديق مقرب له او الى امام المنطقة على ان يبقى الامر سرا بينكما

السيدة اسيا · 2012-05-28, 15:07

الحل ساهل ديري قران فالدار ركزي على الايات الي يذكر فيها العذاب وحرمة الشراب ...و نتي قلتي باباك ناس ملاح معناها فيها فيها يتوب و ادعيلو في صلاتك

soumsouma · 2012-05-28, 15:11

ادعيولو ربي يبعد عليه الحرام امين