عاجل

مشكلتي · 2012-05-19, 14:38

السلام عليكم يا جماعة الخير
قبل المشاركة بموضوعي هذا لي طلب صغير " ان لاتبخلوا علي بأرائكم السديدة"
في حقيقة الأمر انا شاب خريج جامعة كنت في السابق قد تعرفت على بنت جامعية قمة في الأخلاق
بصراحة تعرفت عليها في الأنترنت هي ليست من نفس ولايتي وقد سبق لي زيارتها في في ولايتها بمناسة نهاية تخرجها
تناقشنا لمدة ساعة بصراحة انا شخصيا اعجبت بأخلاقها وحتي هي صارحتني بإعجابها بي .وقد تكون جو ثقة فيما بيننا
يعني احبتني وأحببتها لمدة سنة و نصف.كنا نحكوا في النت.قليل أحيانا في الموبيل.قلت ليها ممكن نتقدم ليها حين تحين الفرصة نظرا لظروفي.
ولكن في شهر فيفري بمناسبة إجتيازها مسابقة توظيف تعرفت على شاب .بصراحة صارحتني بالموضوع.وانا كنت في وضع مش مليح
فهمت كلامي على اساس أني راني نتحاشاها.وتخليت على فكرتي لزواج بيها.
المهم الشاب عرفها وعرف دارهم .الموظوع وصلت عائلتها .وهي نحطت في أمر الواقع
ترجيتها ترجع الموضوع- حاولت - قاتلي الله غالب- انا ماعطيتينش أمل
-حاولت- المهم فاتت أسبوع قاتلي تخطبت
والشخص دار لي الخاتم
انا فوظت أمري لربي وفقلت هذا مكتوبي.
صراحة ماتقبلتش الأمر ي البداية- مي كي وصل أمر للخطوبة-- ما بدت بيدي حيلة-لأنها دارت الخاتم.
المهم غنقطعت علاقتي بيها إحترمت قرارها.لأنها قاتلي الله غالب هذا قدرها وقديري
المهم انا حاولت ننساها ونتخلص من الأشياء لي كانت تفكرني بيها- محيتها في *****ي
سيبريميت أرقام هواتفها.
المهم في بداية شهر ماي- انا نسيت نسيبريميها من msn -
وعليه كي فتحت msn وجت ميساجات تاعها تقولي بلي الوضع تاعها مش مليح وراهي حياتها أصبحت لاتطاق-وبصراحة لعبت لي على قلبي .وقاتلي علابالي مش ناسي لي كان بيننا-
وقاتلي حابك تسمعني.
يا جماعة الخير
انا رديت عليها وقلت ليها انوا مش من حقي نحكي معاها لأن في حساب شخص اخر
وقلت ليها مش حاب نأذيه
وقلت ليها نسايني
وحطيتها في أمر واقع.
يا جماعة ارجوكم هل ردي عليها صائب ام لا.

مجيد 88 · 2012-05-19, 19:25

نعم اخي الكريم ردك هو عين الصواب لو كنت مكانك لفعلت نفس الشيئ ونحب نقلك بلي كلش بالمكتوب وهادي حاجة الله ولا اعتراض على حاجة ربي وننصحك بالابتعاد قدر الامكان عنها وربي يعطيك الصبر يا اخي الكريم

منهاج · 2012-05-19, 19:39

السلام عليكم

راك في طريق الصواب ولا تتراجع لانو ادا تراجعت وسايرتها راك تخون وتظلم شخص الاخر كيما قلت

وعلى ما اظن انت لا تقبل خطبة بنت او ان تتزوجها وهي تتحدث مع شخص غيرك فالشيئ الذي لا تقبله

لا تقبله على غيرك

z.abdo · 2012-05-19, 19:51

لقد فعلت الصواب بارك الله فيك

رزان. · 2012-05-19, 20:57

و عليكم السلام و رحمة الله تعالى و بركاته

نعم أخي أنت على صواب و بارك الله فيك

أم محمد و آيه · 2012-05-20, 20:00

فعلت صواب وي ...مي قلبك اللي حبها ميخليكش مريح ألاز .....

بلاك هي مسكينة صح راهي محتجاتك ..وهاد اللي راه ملك عليها ودايرلها خاتم راه غابنها وحقرها

دير غير حاجة صغيرة وهي هدر معاها في النت سيتو ..متبيلها بلي مزالك تبيغها لا والو ..

قولها الى عندك مشكل انا نساعدك فيه ...باسكو والله يا خويا العزيز الطفلة كي تحب وخاصة الحب الاول داك الراجل يبقى عزيز عليها

طووووووول حياتها وغير هو اللي ترتاحلو وتبغي تحكيلو مشاكلها وغبينتها .....

دير بوسيبل تاعك باش تحكي معها سطحيا فقط ..لعل ربي رسلك ليها باش تساعدها وبلاك في مشكل صعيب...

الله يهنيك خويا مي متسمحش فيها ......

واسمحلي على التطفل تاعي باسكو الطفلة مهما كبرت تقعد صغيرة في عين حبيبها....وتبغي غير هو اللي يسعدها حتى وان كانت مخطوبة تقدر ان شاء الله خويا ..

الله يسهل ...واسمحلي مرة أخرى .

مسلمة انا · 2012-05-20, 20:48

هذه بكل صراحة امراة خائنة خانتك حينما كانت معك وجلبت لك الحجج وانخطبت مع غيرك بدون اي سابق انذار
والان هي تخون خطيبها وتكلمك وتريد ان تعود اليك
انها لعوب
ما نظنش هاذي تبني الدار
اسفة على صراحتي لكم الكثيرات صرن هكذا اعرف الكثيرا مخطوبات وفي نفس الوقت تخون خطيبها اما بالهاتف او النت

first first · 2012-05-20, 21:37

اقرا رد أم محمد واية ثم اقرا ردي لانه النقيض تماما .....مع كل احتراماتي للاخت....هي حاورتك بقلبها الكبير.....انا لاقلب لي في ما لايتقبله عقلي...وفيما لايرضي الله.

والله اخي....هاذي راهي مخطوبة....................يعني كي تبطل وتفريها مع خطيبها تحكي معاك ..

والحقيقة عندها ماليها (اهلها)تشكيلهم ....وعندها مولاها تدعيه....والا معجبهاش الخاطب ..........رجل مالسقت في صباط....تبطل !!!!

والله يا اخي هاذي العفسة تاع الحبيب الاول والحبيب رقم28495673.... متقبلهاش عقلي!!!!....

وتذكر راهي مخطوبة..............واذا كاين مساكين في الحكاية....فالخاطب هو المسكين الاكبر....
لامبرر للجوء اليك........................................يااخي باسم حرفين ح ....ب .............اصبحنا نضع مبررات لاشياء .....بديهي ان لامبرر لها.
الخيانة ليست من صفات المؤمن....واذا لم تكن هذه خيانة....فكيف تعرف الخيانة!......اترضى اخي ان تلجا زوجتك لحبيبها الاول اولحبيبها ر قم....... لتحكي له عن تعاستها.......
لا اضنك ترضى ولانرضى لك ولها ولخطيبها الا مايرضي الله.
احس اخي انك اعلم بالصواب منا.........ولكن نخاف عليك كماا نخاف على انفسنا من مداخل الشيطان.
تقبلو كلماتي.......................فالساكت عن الحق شيطان اخرس.

أم محمد و آيه · 2012-05-20, 22:39

اقتباس:

المشاركة الأصلية كتبت بواسطة first first

اقرا رد أم محمد واية ثم اقرا ردي لانه النقيض تماما .....مع كل احتراماتي للاخت....هي حاورتك بقلبها الكبير.....انا لاقلب لي في ما لايتقبله عقلي...وفيما لايرضي الله.

والله اخي....هاذي راهي مخطوبة....................يعني كي تبطل وتفريها مع خطيبها تحكي معاك ..

والحقيقة عندها ماليها (اهلها)تشكيلهم ....وعندها مولاها تدعيه....والا معجبهاش الخاطب ..........رجل مالسقت في صباط....تبطل !!!!

والله يا اخي هاذي العفسة تاع الحبيب الاول والحبيب رقم28495673.... متقبلهاش عقلي!!!!....

وتذكر راهي مخطوبة..............واذا كاين مساكين في الحكاية....فالخاطب هو المسكين الاكبر....
لامبرر للجوء اليك........................................يااخي باسم حرفين ح ....ب .............اصبحنا نضع مبررات لاشياء .....بديهي ان لامبرر لها.
الخيانة ليست من صفات المؤمن....واذا لم تكن هذه خيانة....فكيف تعرف الخيانة!......اترضى اخي ان تلجا زوجتك لحبيبها الاول اولحبيبها ر قم....... لتحكي له عن تعاستها.......
لا اضنك ترضى ولانرضى لك ولها ولخطيبها الا مايرضي الله.
احس اخي انك اعلم بالصواب منا.........ولكن نخاف عليك كماا نخاف على انفسنا من مداخل الشيطان.
تقبلو كلماتي.......................فالساكت عن الحق شيطان اخرس.

ايه حنونتي عندك الصح في كلشي اللي قلتيه ...بصح حنا النساء عندنا عاطفة كبيرة من الشخص للي ديري فيه تقة بزااف

خاصة ادا كنتي تعرفي مليح شخصيتو وموالف يساعدك ويعطيك نصائح لعسى هاد الطفلة ملقات غيرو هو اللي يفهمها

و الله أعلم ......

مرسي حبيبة ...

نجمة ساطعة · 2012-05-20, 23:09

نعم راك قدقد منحبش الغدر خلاص خيريت مكتوبها ما تقعدش تلعب بقلوب الناس

الفتآة · 2012-05-21, 08:05

السلام عليكم ورحمة الله وبركاته
أخي الكريم، قد فعلت عين الصواب
هناك بعض الشباب ممن تحدث لهم مثل قصصك فيقعون في شباك الغرام وحتى الطرف الآخر إذ أنهم في قرار كهذا يترددون ويخافون على الفتيات من ردة الفعل
لاتخف على البنت ، ولا تتكلم معها نهائيا
وربما دخولك المتكررللآم آس آن يجعلها تكثر من الرسائل
فالأحسن لك أن تغير الحساب وتتناسى أمرها نهائيا
وبالطبيعي هي ستنسى أمرك ولو بعد فترة طويلة

حضنية28 · 2012-05-21, 09:33

السلام عليكم اخي انت فعلت عين الصواب وفقك الله لماتحبه وترضاه

معجزة الاكوان · 2012-05-21, 12:23

اظن اني لن ابالغ ان قلت ان ربي هناك منها
والله يندى الجبين لمثل هاته التصرفات
نعم اؤكد لك انك فعلت الصواب
واريد ان اسالك
هل تقبل ان تفعل خطيبتك المستقبلية هذا
تخيل ماذا ستكون ردة فعلك خاصة ان تمادى معها حبيبها الاول
انت بهذا تصون عرضك ففي هاته الدنيا كما تدين تدان
دعك منها صدقني
وسيرزقك الله من حيث لا تحتسب

خولة121 · 2012-05-21, 14:49

اقرا رد أم محمد واية ثم اقرا ردي لانه النقيض تماما .....مع كل احتراماتي للاخت....هي حاورتك بقلبها الكبير.....انا لاقلب لي في ما لايتقبله عقلي...وفيما لايرضي الله.

والله اخي....هاذي راهي مخطوبة....................يعني كي تبطل وتفريها مع خطيبها تحكي معاك ..

والحقيقة عندها ماليها (اهلها)تشكيلهم ....وعندها مولاها تدعيه....والا معجبهاش الخاطب ..........رجل مالسقت في صباط....تبطل !!!!

والله يا اخي هاذي العفسة تاع الحبيب الاول والحبيب رقم28495673.... متقبلهاش عقلي!!!!....

وتذكر راهي مخطوبة..............واذا كاين مساكين في الحكاية....فالخاطب هو المسكين الاكبر....
لامبرر للجوء اليك........................................يااخي باسم حرفين ح ....ب .............اصبحنا نضع مبررات لاشياء .....بديهي ان لامبرر لها.
الخيانة ليست من صفات المؤمن....واذا لم تكن هذه خيانة....فكيف تعرف الخيانة!......اترضى اخي ان تلجا زوجتك لحبيبها الاول اولحبيبها ر قم....... لتحكي له عن تعاستها.......
لا اضنك ترضى ولانرضى لك ولها ولخطيبها الا مايرضي الله.
احس اخي انك اعلم بالصواب منا.........ولكن نخاف عليك كماا نخاف على انفسنا من مداخل الشيطان.
تقبلو كلماتي.......................فالساكت عن الحق شيطان اخرس.

انا ارى انه لا يوجد كلام بعد هذا الكلام

بارك الله فيك اختي first first

عاشقة الرمال · 2012-05-21, 15:07

لقد فعلت الصواب اقطع علاقتك بها نهائيا حتى لاتقع في شباك الشيطان فما لاترضاه لنفسك لا ترضاه لغيرك فان تكلمت معها فانت تساعدها على خيانة خطيبها و هذا ما لا ترضاه على نفسك او لغيرك
وفقك الله لما يحب و يرضاه