رأيكم يهمني .

جزائرية كوول · 2011-01-12, 19:56

انا طالبة في السنة أولى جذع مشترك علوم و تكنولوجيا .تحصلت في الثلاثي الأول على معدل 16.7 تحصلت على 18في الفيزياء و 17.89 في الرياضيات و 16.5 في العلوم و أنا الآن محتارة في اختيار الشعبة .نتمنى منكم تنصحوني في اختيار الشعبة المناسبة رياضيات أم علوم تجريبية من فضلكم .
و أتمنى لكم جميعا التوفيق في شهادة البكالوريا .انشاء الله تتحصلوا عليها كامل و بتفوق

djihad bac · 2011-01-12, 20:18

السلام
شوفي اختي انا شعبة علوم السنة ثالثة ثانوي اولا اذا كان انتي ممتازة في الرياضيات و الفيزياء ننصحك تروحي تقني رياضي لانه معاملهم كبير 6 او 7 لكن اذا كنت ممتازة في الرياضيات و العلوم و الفيزياء تقدري تروحي علوم تجريبية الصراحة انا مانيش ممتازة في الرياضيات و في الفيزياء لكني شويا مليحة في العلوم و حابة نقولك بللي شعبة علوم مش غير فيزيا و رياضيات و علوم لكن جميع المواد لازم تركزي فيها و انت لك الاختيار كيما تحبي لكن انا من رايي مدام جبتي علامات كيما هادي تقدري تروحي علوم تجريبية لانه الباكالوريا لتقني رياضي تقريبا ما تقدري ديري بيها والو و صعيبة بزاف مي فرع علوم تقدري تجيبي شوي من شوي من تجيبي الباك و خاصة اذا ضمنتي المواد العلمية
هذا رايي وانت خيري
تحياتي لك

ـ هبة الله ـ · 2011-01-13, 06:35

السلام
اختي انا نقرا تقني وهي أحسن من العلووووم بألف مرة واذا نتي قادرة على الرياضيات والفيزيا روحي تقني ومادة التخصص تولي تجيك ساهلة باذن الله وافضل شعبتين هماطرائق والمدنية والله اعلم وربي يوفقك

maily2 · 2011-01-13, 07:16

السلام عليكم
انا من رايي تروحي رياضيات لانو انا داروني فيها وبدلت للعلوم التجريبية وندمت لانو القرايا كيف كيف
وهوما عندهم فرصة في كلش خير منا

جزائرية كوول · 2011-01-13, 21:17

اقتباس:

المشاركة الأصلية كتبت بواسطة djihad bac

السلام
شوفي اختي انا شعبة علوم السنة ثالثة ثانوي اولا اذا كان انتي ممتازة في الرياضيات و الفيزياء ننصحك تروحي تقني رياضي لانه معاملهم كبير 6 او 7 لكن اذا كنت ممتازة في الرياضيات و العلوم و الفيزياء تقدري تروحي علوم تجريبية الصراحة انا مانيش ممتازة في الرياضيات و في الفيزياء لكني شويا مليحة في العلوم و حابة نقولك بللي شعبة علوم مش غير فيزيا و رياضيات و علوم لكن جميع المواد لازم تركزي فيها و انت لك الاختيار كيما تحبي لكن انا من رايي مدام جبتي علامات كيما هادي تقدري تروحي علوم تجريبية لانه الباكالوريا لتقني رياضي تقريبا ما تقدري ديري بيها والو و صعيبة بزاف مي فرع علوم تقدري تجيبي شوي من شوي من تجيبي الباك و خاصة اذا ضمنتي المواد العلمية
هذا رايي وانت خيري
تحياتي لك

شكرا ليك أختي نصيحتك فادتني.و أنا ثاني منيش حابة نروح تقني رياضي لأني منفهمش مليح في التكنولوجيا و انتي نشاء الله ربي يوفقك و تنجحي في الباك بتقدير جيد.
وشكرا مرة ثانية

جزائرية كوول · 2011-01-13, 21:21

اقتباس:

المشاركة الأصلية كتبت بواسطة baac2011

السلام
اختي انا نقرا تقني وهي أحسن من العلووووم بألف مرة واذا نتي قادرة على الرياضيات والفيزيا روحي تقني ومادة التخصص تولي تجيك ساهلة باذن الله وافضل شعبتين هماطرائق والمدنية والله اعلم وربي يوفقك

أختي انت تاني شكرا ليك على رأيك و نصحك ليا بصح أنا منقدرش نخير تقني لاني منفهمش مليح في التكنولوجيا .
المهم انتي ربي يوفقك و نشاؤ الله تنجحي في الباك بالمعدل لي تحبيه و انا نوعدك نزيد نفكر مليح في شعبة تقني رياضي

جزائرية كوول · 2011-01-13, 21:25

اقتباس:

المشاركة الأصلية كتبت بواسطة maily2

السلام عليكم
انا من رايي تروحي رياضيات لانو انا داروني فيها وبدلت للعلوم التجريبية وندمت لانو القرايا كيف كيف
وهوما عندهم فرصة في كلش خير منا

و الله انا تاني نفكر كيما هك و نحب نروح رياضيات .نخاف لوكان نروح علوم تجريبية و نندم . شكرا شكرا شكرا ليك متتصوريش رأيك كيفاه زاد شجعني على اني نختار شعبة رياضيات.
انشاء الله ربي يوفقك في الباك و تنجحي و يبعثوك للشعبة لي تحبيها.

جزائرية كوول · 2011-01-13, 21:27

مازلت أنتظر آرائكم فهي تهمني.
لأنو المثل يقول :اسأل مجرب و ما تسألش طبيب

mahmoudnounou · 2011-01-14, 12:14

18 في الفيزياء و17 في الرياضيات يملا تقني أفضل لان معاملهم كبير وأنا مع جهاد باك

جزائرية كوول · 2011-01-14, 13:26

شكرا محمود على رأيك أفادني.
لكني مفهمتش واش قصدتو بتقني يعني تقني رياضي أو رياضيات لأنهم مختلفين.

نسمة النجاح · 2011-01-14, 14:16

السلام عليكم

اختي انا ننصحك باش تديري علوم تجريبية
1- معدلك راهو ممتاز في العلوم ماتقارنيهش بالرياضيات والفيزياء لن الرياضيات والفيزياء هي علوم دقيقة يقد الواحد منا يدي فيهم علامة ممتازة
أما العلوم فهي علم ارتيابي
يعني معدل 16 في العلوم راهو ممتاز
أظيفي الى ذلك أن معامل الرياضيات والفيزياء في السنوات القادمة هي قريبة الى معامل العلوم
في الباكالوريا
معامل الرياضيات والفيزياء هو 5
ومعامل العلوم هو 6
يعني لو نجمع الرياضيات والفيزياء معا يكون معاملها كبير

أنا ننصحك بشعبة العلوم الفيزيائية
لأنو عندي تجارب
فبعض زميلاتي كن ممتازات في الرياضيات في السنة الولى
لما راحو وخيرو شعبة الرياضيات نزلت نقاطهم لأنو كاين اختلاف بين السنة الاولى والسنة الثانية في الرياضيات
وكاين واحد من زملائي اعاد السنة

مارانيش حابة نخوفك من شعبة الرياضيات لكن هذه وجهة نظري
والله اعلم

نور الأيمان · 2011-01-14, 14:42

أما بالنسبة ليا فأرى أن شعبة العلوم التجريبية هي أحسن شعبة
و اذا حبيتي تبقاي ممتازة اختاري الحل الاوسط و هو شعبة العلوم التجريبية
مجرد رأي
سلام

°واحد من الناس ° · 2011-01-14, 14:53

اختاري حسب رغبتك كي لا تندمي فيما بعد وان ندمتي فلن تلومي الا نفسك

وفيما يخص الاختيار

انصح بالعلوم

لانها متكاملة متناسقة تادي الى جميع الطرق

عكس الرياضيات

katia chalam · 2011-01-14, 15:41

انا راي من راي واحد من الناس

محمد غماتي · 2011-01-19, 20:12

السلام عليكم و رحمة الله و بركاته أما بعد :
إن شعبة الرياضيات ليست بصعبة و ليست بسهلة و إنما تتطلب جهدا أكبر من الشعب الأخرى و تتطلب الصبر و التمرين المتواصل لكي يكلل الجهد بالنجاح
و للعلم أنا طالب في شعبة الرياضيات و أنا مقبل على شهادة البكالوريا في هدا العام و قسمنا يتكون من 13 تلميد . 9 دكور و 4 بنات
و كلنا إنتقلنا إلى النهائي بفضل تعاوننا مع بعضنا البعض و مع أساتدتنا الكرام .
و في الأخير شاوري أهلك و ضميرك و عليك بصلاة الإستخارة فهي أهم شيئ
و في الأخير هناك شيء آخر إن شعبة الرياضيات لها أفضلية كبيرة على الشعب الأخرى.