الزواج بالمراة العاملة( الخدامة خاصة كي تكون شيخة)

louza06 · 2012-06-16, 00:30

اخواتي اخواني حبيت نطرح هدا الموضوع و انشاء الله نلقى ردود و تفاعلات من عندكم
الموضوع الا و هو الزواج بالمراة العاملة
في وقتنا هادا بزاف رجال يحبو المراة تكون خدامة
الشي الي خلاني نطرح هاد الموضوع لاني نعاني منو
انا فتاة في مقتبل الزواج و نخدم استادة عندي 3 سنوات من الخدمة و من الي بديت الخدمة يتقدمولي رجال للازواج غير علجال خدمتي و دائما نرفض هاد الشيء و خاصة كي يسمعو بلي راني مرسمة
تمنيت انو يجي واحد يكون اخر همو الخدمة تاعي جاتني كي شغل انا نهمم برك لاني خدامة
نتمنى انكم تعطيوني رايكم و نصائحكم

z.abdo · 2012-06-16, 00:37

حسنا اختي نظن انت جديدة هنا

هذا الموضوع ناقشناه كثيرا لكن نعطيك نصيحتي لك

إذا تشوفي صح طامعين في شهريتك

كي يجيك خاطب أول شيء قوليلو حابة نحبس العمل وشوفي ردة فعله

أو إسأليه واش هو يحبك تخدمي أو تقعدي في الدار

والله مكانش احسن من الرجل اللي يحب زوجته تقعد في البيت

وصعيب باش تعرفي الصدق من كلامهم

تقبلو مروري

شلطون · 2012-06-16, 03:39

نصيحة مني لك
كانت تعمل معي استاذة وكانت ترد الخطاب لسبب من الأسباب ولكن حدث مالايحمد عقباه
فاتها سن الزواج وهرمت والآن ندمانة على ما أقدمت عليه
فهي الآن بدون زواج وعمرها تجاوز الأربعين
الزواج نعمة للفتاة وكذلك للرجل
فان تقدم خاطب يخاف الله وذو أخلاق فلابأس
وليس كل خاطب يطمع في أجرك فهناك أصناف
فيوجد من الرجال الذي لايعتمد على مال زوجته ويغضب حين يسمع ذلك

الدكتور سام · 2012-06-16, 07:35

انا مع الاخ الدي قال اقترحي عليه نيتك في ترك العمل و انظري مادا يفعل.للاسف يوجد الكثير من الرجال يبحث عن المراة العاملة من اجل اجرتها و انا اعرف الكثير من هدا النوع.يعني يحبو يتزوجو من العاملات باه من بعد هو يرقد و الشهرية تحطيهالو في يدو.
رجال تاع اخر الزمان.الرجولة تاع الصح هو الي يرفض انه ياخد دينار من مال زوجته الا عند الحاجة الشديدة.و انا اكيد ان الزوجه لن تمانع في مساعدة زوجها ان رات فيه السعي و العمل و لكن ملحقش.و الاستادة مليح تتزوج واحد موظف كيفها باه واحد ما يطمع في الاخر
رب يزوجك ولد الحلال

يونس معبدي · 2012-06-16, 08:33

حتى المرأة اذا كل مرة ترفض الخطاب ومع هذا الوقت اللي رانا فيه ؟؟
...شي صعيب ...

ربي يقدر الخير للجميع
ويستر على شباب و بنات المسلمين

آمين

سآجدْ للهْ · 2012-06-16, 09:46

الناس معآآآآآدن
إذا جاءكم من ترضون دينه وخلقه فزوجوه
وأتركوكم من هذه الأاحسآسيس الوهمية

catia · 2012-06-16, 09:57

اختي اتفهم وضعك لكن زوج صالح ايخاف الله خير من العنوسة وفوات الاوان فاختاري الصالح فيهم وحاولي مساعدته
بعمل ولو بسيط كفتح دكان او اي شيئ وتاكدي ان فوزك بزوج واولاد يفجرون اسمى عاطفة فيك وهي عاطفة الامومة
احسن من بقائك تنتظرين قدوم الاحسن فقد ياتي او لا والزمن لا يرحم والعمل في بلادنا اصبح شبه مستحيل فتوكلي على الله
فهو المعين وباذن الله لن تندمي وربي ايوفقك

louza06 · 2012-06-16, 10:28

شكرا اخواني على المشاركة و على الردود جزاكم الله خيرا

عُضو مُحترم · 2012-06-16, 13:02

كون يجي و يقوللك حبّسي الخدمة ؟؟؟؟

اكيد مش رايحة توافقي

يعني يبروفيتي في الدراهم مادام رايحة تخدمي

soumia-88 · 2012-06-16, 13:20

شوفي اختي الناس معادن يعني كاين الي يتقدم على جال الدراهم و لكن انت في البداية جربيه وقوليلو لما نتزوج بيك يبقى دايما مبلغ من المال نمده لأهلي نساعدهم و ........ اغلبية الاساتذة الي يخدمو معايا دايرين هك خصوصا الي والديهم محدودي الدخل وراهم عايشين مليح
معناه اذا اقبلك بهذا الشرط اعرفي انه مش طامع في دراهمك و راهم مزال كاينين الرجال ذوي الاخلاق .....
وأنت أدرى بالامر............................................ .تحياتي اليك .

aminerag · 2012-06-16, 21:05

المراة الخدامة كارثة على الامة الجزائرية بعد 10 سنوات راح نشوف النتائج

الله يستر برك

فتيح العربي · 2012-06-17, 22:58

ياو امسكي جيدا في القطار قبل ما يروح و يخليك تفكري
و ماذا فيها لو تعاونت المراة و زوجها على هم الدنيا ؟؟؟

faridos · 2012-06-18, 10:19

احسني الظن ..اذا كان عاملا ويريد زوجته تعمل فهذا لايعني انه متلهف لاخذ اجرتك .فلربما يريد منك المعونة لمعيشة ميسرة

عُضو مُحترم · 2012-06-18, 10:26

اقتباس:

المشاركة الأصلية كتبت بواسطة فتيح العربي

ياو امسكي جيدا في القطار قبل ما يروح و يخليك تفكري
و ماذا فيها لو تعاونت المراة و زوجها على هم الدنيا ؟؟؟

يُؤسفني ان ارى رجُلا جزائريا

يُفكر بهذا المنطق الإنهزامي العاجز

مع الاحترام لشخصك