الأخت srour تنتظر رأيكم

[z.abdo]

السلام عليكم أخوتي نقلت هذه المشكلة عن الاخت وضعت مشكلتها في أحد مواضيعي وتنظر منكم مساعدتكم
وانا بدوري اعطيتها رأيي وحبيت انتم كذالك تشاركو ممكن رأيكم في صواب احسن من رأيي

وفي الأسفل وضعت رابط الموضوع

--------------------------------------------------------------------------------

أنا نعاني من هذا المشكل تقريبا نحكيلكم تجربتي واحكموا
أنا فتاة متعلمة الحمد لله ليسانس حقوق تعرفت على شاب متخلق يعمل لحسابه الخاص لدية حافلة لنقل المسافرين ويعمل في إطار ما قبل التشغيل حال الجميع هذه الأيام رغم أنه متعلم
المهم تقدم لخطبتي في 2010 وأنا كنت أتربص لمهنة المحاماة واتفقنا على الزواج بعد عامين
انهيت تربصي وفتحت مكتب محاماة إيجار هذا العام
فبدأت عائلتي تخلق المشاكل رغم إتفاق العائلتين على يوم الخطوبة )الفاتحة ) في جوان القادم والزواج أجل الى الربع القادم حسب قرار والدتي لأنها لم تحضر بعد ماذا حدث
عائلتي غيرت سلوكها معي وبدأت تتردد وتحاول إلغاء الخطوبة ما السبب لم أفهم
فهمت أنا عائلتي تراه غير مناسب لي ماديا وبالأخص ليس ماديا لأن أحواله المادية لابأس بها ولديه مسكن خاص بل مهنتة لا تليق بمهنتي كمحامية ويريدون مني فسخ الخطوبة وإيجاد سبب لفسخها وهم بعيدين عنها
المشكلة أني انصدمت من قرار والداي الأناني لآن الشخص متدين ومتخلق ويحبنب ويستطيع أن يوفر لي معيشة لابأس بها ووالداي كبرت عينهم وحايبين راجل إطار يعني خدمة تشرف حسب قولهم مقارنة مع مهنتي
أنا مقتنعة بهذا الإنسان عيبه الوحيد عمله وهوليس عيب فالعيب في الإخلاق أو الكسل وعدم العمل
كيف أقنع والداي أن الرزق على الله ولا يمكنني فسخ الخطوبة بسبب مهنته هذه حقرة والله تخيلوا نفسكم في مكان هذا الرجل الحسن النية ...................
لم أجد حل لمشكلتي لان أهلي قالو لي إذا أردت الزواج تزوجي به لكن لن نذخل بيتك غلى الممات لآنه لا يناسبنا فعائلتي كلها تحمل مناصب عليا في دولة محامون قضاة مهندسون خبراء برلمانيون. أطباء .....................
تخيلوا.................
ما ذنب هذا الإنسان وأجوا من الإخوة مساعدتي في إيجاد حل يقنع عائلتي وإذا كنت على خطأ بقراري أعطوني حل يقنعني
أنتظر التفاعل


هذا المصدر :

https://www.djelfa.info/vb/showthread...=969360&page=5

[z.abdo]

السلام عليكم اختي

أولا شكرا لطرح مشكلتك وثقتك فينا

وبارك الله فيك لأنك انت لم تطبقي سوى شرع الله لم تحتقريه بسبب مستواى المادي او العلمي

انت في أول القصة انت قلت انهم قبلو والحين بدأو يخلقو المشاكل

هذا من ضعف الإيمان أن يفكرو بهذه الطريقة فالرجل عيبو أخلاقو وليس ان شيء غير هذا ويجب ان تطلبي منهم مبرر واضح وصريح

وسبب تغيير رأيهم

اما عن النصيحة يجب ان تخبري انا الدين يرفض هذا بكل الأساليب التي تتوفر عندك من ادلة


كذالك انصحك ان تسرعي في عملية الزواج لانها لو طالت أكثر ممكن راح هم يقترحو عليك راجل آخر


لأني حسب ما فهمت من كلامك إحتمال ان هناك رجل ما ببالهم يريدو ان يقترحوه عليك لو تفسخي مع خطيبك الحالي

كذالك انت حاولي ياللين والهدواة وليس بالغظب والإنفعال ويجب ان يعرف خطيبك الموقف اللي انت فيه باش يعمل حسابو لعدة أشياء

لأن كذالك الخطيب راه في موقف صعب لما يعرف هذا


انا انتظر ردك إذا عندك إظافة أخرى

[نجمة ساطعة]

اختي الكريمة في هذه الحالة ليس لك الا الاستخارة و ما نتج عنها طبقيه و كون قوية وواثقة من قرارك

فانت محامية دافعي عن قرارك مثل ما تدافعين عن المظلومين ... اعتبري قضيتك قضية العمر فاذا كسبتيها

فانت محامية ناجحة باذن الله

[سومية88]

السلام والله راني حاسة بيك المهم الراجل يكون وليد فميلية وخاصة يعرف ربي بصح الا ماقبلوش اهلك ماتخسريهمش هما كبار ويحبوا الخير لبنتهم واحدة كي تحب واحد ماتقدرش تشوف لبعيد انا نصيحتي صلي واطلبي ربي الا كان مكتوبك غير انت لي تده بصح عمرك ويلا تخسري اهلك داءما راجل كي كون خلاف مع مرتوا يخير يماه يقول لمرتوا يما مانقدرش نبدلها بصح كيما صبتك نصيب امراءة اخري والله يعلم واش نقول ربي ان شاء الله يفتحلك بصيرتك وتاخذي لي يكون خير ليك

[srour]

شكرا على الردود ردكم بكاني ومن جهة هدأني لأني نروح ونولي ربي قادر على كلشي لكان مكتوبي يصح تمنيت مايصراش كل هذا نفترضوا أن أهلي يقتنعوا في الأخير يبقى خطيبي دايما مجروح من والديا كيما نقولو مبقاتش حلوة
والله ياأختي أنا فتاة قوية في حياتي وتحديت كل المواقف بصح كي يخص والديك لا علاقة بقرارك صعيب أخد قرار كيما هذا نرضي والديا هذا أول حاجة نخمم فيها قبل ما نخمم في خطيبي بصح يبقى تأنيب الضمير يرافقني طول حياتي لأني متأكدة من أخلاقو والجميع يشهد على هذا بصح لتجي من عند ربي مرحبا عمري ما تصورت أني منقدرش نتخد قرار ونقعد بين نارين رغم ثقتي في نفسي بالعكس أنا كنت الوحيدة في العائلة لتتخد قرارات العائلة مع الوالدين ويشاوروني في كلشي رغم أنو يوجد أخ أكبر مني بصح والديا يعجبهم قراري خاصة الأب دايما يحب رأي و90بالمئة يعمل بيه لكن قرار الزواج حاجة أخرى ربما خايفين لآنهم مجربوش يزوجوا من قبل وانا هي الأولى ومتعلقين بيا بزاف حتى أني متحملة المسؤولية تاع الدار مع ماما خاطر الأب والأخ يخدموا بعيد في الصحراء انشاء تكونو فهمتوني وشكرا على ردودكم خاصة الأخ عبدوا لأهتم بمشكلتي من قلبو ربي يجازيكم وكيما قالت الأخت صلاة الإستخلرة هي الحل وكيما تكون النتيجة راني نقولكم ومنتمناش أي أخت تطيح في حيرة كيما هذي

[متفائلة في زمن الياس]

السلام عليكم وبعد قراءتي للموضوع ما عليك الان الا ان تستخيري لانه ماخاب من استخار وتي الخير فيما اراده الله لك اما بالنسبة للوالدين فحاولي اقناعهم اما اذا لم يقتنعو فاسمعي كلامهم ولا تذهبي مع هذا الشخص لانهم عدم رضاهم عليك لن تسعدي في حياتك وارجو قد اكون افدتك وربي يفرج همومك .امين يارب العالمين

[نجمة ساطعة]

المشاركة الأصلية كتبت بواسطة srour

شكرا على الردود ردكم بكاني ومن جهة هدأني لأني نروح ونولي ربي قادر على كلشي لكان مكتوبي يصح تمنيت مايصراش كل هذا نفترضوا أن أهلي يقتنعوا في الأخير يبقى خطيبي دايما مجروح من والديا كيما نقولو مبقاتش حلوة
والله ياأختي أنا فتاة قوية في حياتي وتحديت كل المواقف بصح كي يخص والديك لا علاقة بقرارك صعيب أخد قرار كيما هذا نرضي والديا هذا أول حاجة نخمم فيها قبل ما نخمم في خطيبي بصح يبقى تأنيب الضمير يرافقني طول حياتي لأني متأكدة من أخلاقو والجميع يشهد على هذا بصح لتجي من عند ربي مرحبا عمري ما تصورت أني منقدرش نتخد قرار ونقعد بين نارين رغم ثقتي في نفسي بالعكس أنا كنت الوحيدة في العائلة لتتخد قرارات العائلة مع الوالدين ويشاوروني في كلشي رغم أنو يوجد أخ أكبر مني بصح والديا يعجبهم قراري خاصة الأب دايما يحب رأي و90بالمئة يعمل بيه لكن قرار الزواج حاجة أخرى ربما خايفين لآنهم مجربوش يزوجوا من قبل وانا هي الأولى ومتعلقين بيا بزاف حتى أني متحملة المسؤولية تاع الدار مع ماما خاطر الأب والأخ يخدموا بعيد في الصحراء انشاء تكونو فهمتوني وشكرا على ردودكم خاصة الأخ عبدوا لأهتم بمشكلتي من قلبو ربي يجازيكم وكيما قالت الأخت صلاة الإستخلرة هي الحل وكيما تكون النتيجة راني نقولكم ومنتمناش أي أخت تطيح في حيرة كيما هذي

انا لم اقل اتخذي قرار ضد والديك... حاشا لله عن نفسي عمري ما نتوقع نفسي تزوج

شخص هلي مش راضيين عليه

بصح كان قصدي صاحب الحق سلطان ... كان قصدي تخيلي نفسك محامية في هاذ الموقف

و جاتك وحدة دافعي عليها وش يكون عملك هذا قصدي

و ربي يصلح احوالك يا رب

[srour]

المشاركة الأصلية كتبت بواسطة نجمة ساطعة

انا لم اقل اتخذي قرار ضد والديك... حاشا لله عن نفسي عمري ما نتوقع نفسي تزوج

شخص هلي مش راضيين عليه

بصح كان قصدي صاحب الحق سلطان ... كان قصدي تخيلي نفسك محامية في هاذ الموقف

و جاتك وحدة دافعي عليها وش يكون عملك هذا قصدي

و ربي يصلح احوالك يا رب

شكرا أختي تعيشي عندك الحق

[متفائلة في زمن الياس]

ان شاء الله تكون فيها ايجابية

[مريم الصابرة]

السلام عليكم اختي نتمنى كلامي يفيدك
شوفي اختي إنت بارك الله فيك ونعم الفتاة ونعم الاخلاق ربي يفك المشكل اللي راكي فيه إن شاء الله
هو ما عندو علاه مسكين ولات الدنيا ماديات سامحيني كان نقول على اهلك هكذا بكل صراحة راهم يخمو تفكير مادي حتى لو يحبزلك مصلحتك ولكن الراجل هذا خطيبك وليد فاميليا ومتخلق وراجل بمعنى الكلمة وعلاه زهرو جا هكذا ما راهش حاجة كبيرة كيما خاوتك الله غالب الدنيا ارزاق وربي يمد الرزق شوفي حاولي معاهم تكلمي مع امك الام قريبة من الفتاة ليني قلبها وخطيبك ما تقوليلوش ممكن المشكل ينحل ويولي مجروح من اهلك إنت حاولي تسرعي فالزواج ما تعطليش كان لالا شوفي اللي يقدر يأثر على اهلك اختك الكبيرة او جداك او اي احد عندو كلمة على اهلك ختي ما تسمحيش فيه والله غضتوني في زوج وواضح باللي تحبيه ربي يكمللكم إن شاء الله وتتزوجو وتكون هذي سحابة فقط حاولي ديري المستحيل وصلي وإدعي ربي يكون الراجل هذا زوجك ربي يكون معاه إن شاء الله هو يديك بربي

[مزالنا واقفين]

السلام عليكم ورحمة الله
اضن ان على الخطيب ان يتصرف و يتصل بإمام حيكم و يطلب منه ان يتكلم معع ابيك مع بعض رفقاء والدك المقربين ....

بختصار كيما قولو يجيب الجاه و حشم باك باش يقبل

/////////////////////////////////////////////////////////////////////////////
مسمحولي منيش قادر نشرح التفاصيل منتدى مزال ما والفتهش وميش لاقي راحتي كما ينبغي

[hamzagolf6]

ايه ختي عندو حافلة راهو خير من الطبيب
الحافلة كل يوم تدخل مليون
+
اضن انك انتي ايضا ليس مستواك كبيرة و شيء كبير محامية فقط
المحامي قرا حقوق وحقوق ييعطوها ب 10 المعدل يعني مكان لاه تتكبرو على السيد وبنتنا حاجة مكان والو

[abdel02]

المشاركة الأصلية كتبت بواسطة hamzagolf6

ايه ختي عندو حافلة راهو خير من الطبيب
الحافلة كل يوم تدخل مليون
+
اضن انك انتي ايضا ليس مستواك كبيرة و شيء كبير محامية فقط
المحامي قرا حقوق وحقوق ييعطوها ب 10 المعدل يعني مكان لاه تتكبرو على السيد وبنتنا حاجة مكان والو

اسمحلي بصح عياني ردك ونظرتك المادية للاشياء....اقرا الموضوع جيدا واعلم انها باغياتو ولكن المشكلة في اهلها....فهم السؤال نصف الجواب ولا داعي لتعقيد السائلين.