الصـلاة

[ليلى المستغانمية]

أنا جاى الليله أكلمكم عن الصلاة

موضوغ خطير جدا وهو الصلاه وأهميتها تكمن فى قيمتها
تعالوا نقرأ وأنتم هتفهموا ليه الصلاه مهمه:
قالى تعالى"قد أفلح من تزكى وذكر اسم ربه فصلى"
قال رسول الله صلى الله عليه وسلم:"لتنقضن عرى الاسلام عروة عروة...فكلما انتقضت عروة تشبث الناس بالتى تليها....لإاولهن نقضا الحكـــــــــــــم....واخرهن الصـــــــــــــــــــــــــــلاة "

قال حبيبك صلي الله عليه وسلم؛"أول ما يحاسب عليه العبد يوم القيامة الصلاة فإذا صلحت صلح سائر عمله وإذا فسدت فسد سائر عمل"

وهى أخر وصية وصى بها رسول الله صلى الله عليه وسلم وهو يلفظ أنفاسه الاخيره ..."الصلاة الصلاة وما ملكت أيمانكم"
قال رسول الله صلى الله عليه وسلم:"ما أذن الله لعبد فى شئ أفضل من ركعتين يصليهما....وان البر ليذر فوق رأس العبد ما دام فى صلاته" رواه أحمد والترمذى
يذر: أى ينثر

يقول النبي صلي الله عليه وسلم:"إن العبد إذا قام يصلي أتي بذنوبه كلها فوضعت علي رأسه وعاتقيه فكلما ركع أو سجد تساقطت عنه ذنوبه"...........
حكم ترك الصلاة:
1_عن جابر قال: قال رسول الله صلى الله عليه وسلم:" بين الرجل وبين الكفر ترك الصلاة"
2_وعن عبدالله بن عمرو بن العاص عن النبى انه ذكر الصلاة يوما فقال:"من حافظ عليها كانت له نورا وبرهانا ونجاة يوم القيامة...ومن لم يحافظ عليها لم تكن له نورا ولا برهانا ولا نجاة وكان يوم القيامه مع قارون وفرعون وهامان وأبى بن خلف" رواه أحمد والطبرانى وابن حبان واسناده جيد
تعالوا نشوف ليه النوافل او السنن مهمه جدا جدا جدا:
أهميه النوافل:
قال رسول الله صلى الله عليه وسلم:"ان أول ما يحاسب الناس به يوم القيامة من أعمالهم الصلاة...يقول ربنا لملائكته وهو أعلم:انظروا فى صلاة عبدى...أتمها أنقصها؟؟ فان كانت تامة...كتبت له تامة...وان كان انتقص منها شيئا قال: هل لعبدى من تطوع؟ قال أتموا لعبدى فريضته من تطوعه...ثم تؤخذ الأعمال على ذلك"رواه أبو داود
يعنى يوم القيامة أول حـــــــــــــــــــــــــــــــــاحه هتتحاسب عليها هى الصلاة
ف ربنا يسأل الملائكه عبدى فلا صلاته كامله ولا ناقصه؟؟
طيب أنت اخبارك ايه فالصلاه.....أقولك أنا:
أولا أنا مرة بسأل شباب عن القبلة فى مكان كنت أول مرة أروحه حسيت بصعقة وصدمة لما قالولى انهم مركعوش لله ركعه ولا سجدوا له سجده منذ سنوات فهم لا يعرفون أين القبله.....فلا حول ولا قوة الا بالله
شباب تانى بيصلى فرض واتنين لا
شباب تالت بيصلى بس بيكسل يروح المسجد فلا حول ولا قوة الا بالله

والكل بيشترك فى انه لما بيصلى الشيطان يجى بأ فيفضل يذكره بحاجات نسيها ويفكرة بحاجات تشغله عن الصلاه
يقوله مثلا يا ترى هتعمل ايه فى مشوارك اللى اتاخرت عنه بسبب صلاتك...ابا خليها تنفعك لما تتأخر
يقوله الماتش شغال الحق انقرهم خلينا نخلص ونلحق قبل ما يجى جون
او يقوله أنت نسيت الموبيل فالمكان اللى كنت قاعد فيه؟؟؟
او يقول أنت هتعمل ايه فالمذاكره؟؟ بص انت ممكن تذاكر مادة كذا من كذا لكذا وترتاح شويه ونروح أنا وانت عالفيس ناخدلنا كم سيئه ونيجى نكمل مذاكرة.......لحد ما يخلص صلاه ويقوله بس كده يله نلعب بأ
يقول للبنات هو أنتى مش هتخلصى بأ المسلسل هيبدأ
الاكل هيتحرق....يـــــــــــــــــــــاخبر انتى نسيتى الرز هيتحرق


مش ابليس الخبيث بيعمل معانا كده؟؟

يعنى جزء من صلاتنا بيضيع.........تيجى هنا رحمة ربنا فى ان صلاة التطوع وصلاة النافله او السنة تكملك صلاتك وتمهالك وتكون سبب فى دخولك الجنة................
أخر حاجه عاوز احذركم وانصحكم وانصح نفسى وافكركم ب ايه:
قال تعالى:"فويل للمصلين*الذين هم عن صلاتهم ساهون"
ويل !! يعنى وادى فى قعر جهنم !! يا خبر !!
دول مصلين!!! طيب اللى مبيصلوش بأ !!
فسر العلماء الايات دى بتفسيرين
ناس قالت ان الساهى هنا هو اللى بيقصر فالصلاة فيتركها تارة ويصلى اخرى يعنى يصلى فرض وفرض يكسل
والتفسير الاخر ان الساهى هو من يسهو عن الصلاه فى وقتها اى انه يصلى لكنه يؤخر الصلاه عن وقتها ومن الممكن ان يصلى فرضين معا لانه كسل عن صلاة الفرض فى وقته فجمعه مع الاخر
قال رسول صلي الله عليه وسلم:" إن أسوء الناس سرقة الذي يسرق صلاته....قالوا: يارسول الله كيف يسرقها ؟! قال: لا يتم ركوعها ولا سجودها "..........
بعد كل ده هتفرط فى الصلاه....؟؟؟
هتفرط فى الصلاه فى وقتها ؟؟؟

رب اجعلنى مقيم الصلاة ومن ذريتى ربنا وتقبل دعاء