ادخلوا و اعطوني رايكم ...............

نور26 · 2012-04-16, 17:12

للامانة منقول
شفت هادي الحلوى عجبتني جبتلكم تشوفوها

اول حلوى هي حلوة الكادو

المقادير
250 غ طحين
75 غ زبدة طرية
قليل من الملح
صبغة بنفسجي وأبيض
ملعقة صغيرة من الفانيليا
ماء الزهر+ماء عادي
للحشو
500 غ من اللوز المطحون ناعما
250 غ مسحوق السكر
1 ملعقة صغيرة من الفانيليا
2 بيض
1 ملعقة صغيرة من ماء الزهر ومن المضل يكون بعطر البرتقال

تحضير الحشو

في وعاء ،نقوم بخلط اللوز والسكر والفانيليا وماء الزهر ونجمع بالبيض

نضع الحشو على سطح مرشوش بالفرينة على ارتفاع 1 سم ونقوم بتقطيعه الى مربعات 4 سم ونتركه جانبا
للعجين
نخلط الفرينة والملح والفانيليا والزبدة ونرش عليها ماء الزهر ممزوج بماء عادي لنتحصل على عجينة طرية نقوم بتلوين العجينة بالون البنفسجي ونترك القليل منها بدون لون ويمكن ان نعكس العملية في تلوين العجينة ونقوم بلف العجينة ونتركها ترتاح 10دقائق
بعد ماترتاح نقوم بحل العجينة في الالة الخاصة بالعجين
تمرير العجين في 1 ، يلي في عدد 3 ، ثم في عدد 5 وتنتهي عند الرقم 7.
ثم نقوم بتقطيعها شرائط عرضها 4 سم وطولها 11 سم
والصور توضح باقي العملية

إضغط هنا لرؤية الصورة بحجمها الطبيعي.

نتخلص من الحواف الزائدة ونقوم بتزينها بالنقاش

ناخذ العجينة ونمررها في الالة في رقم 2و4و6و8
ثم نقوم بقص العجينة دوائر صغيرة ونقوم بقصها على 4 وكل جزء نشكلو على شكل وردة بتشريطها من فوق ونثبتها على السطح

ثم ندخلها الفرن وعند اخراجها نتركها تبرد ثم نعسلها في عسل ساخن ونرش اللماع من فوق اذا هناك اي استفسار انا في الخدمة

نور26 · 2012-04-16, 17:15

وثاني حلوىحلوى قرن غزال

المقادير
250 غ فرينة
75غ سمن
قرصة ملح
1ملعقة صغيرة صبغة خضراء وبيضاء
ماء الزهر+ماء عادي
حشو :
250 غ اللوز
125 غ من السكر
1 ملعقة صغيرة فانيليا
1 بيض
طريقة التحضير
نقوم بخلط الفرينة+سمن+شوية ملح+شوية فاني ونخلط جيدا ونقوم بتقسيم العجينة الى قسمين ونقوم بتلوين الجزء الكبير من العجينة بالابيض ثم نضيف ماء الزهر وشوية ماء عادي ونلمد العجينة ونلفها ونتركها ترتاح ونقوم بنفس الطريقة للجزء الاخر للعجينة ولكن التلوين بالاخضر ونتركها ترتاح وبالنسبة الى الحشو نخلط جميع المكونات ونلمدها بالبيض ونقوم بتشكيلها على شكل قرن صغير ونقوم بحل العجينة البيضاء في حلال العجينة ونتركها ثم نشكل العجينة الخضراء على شكل شرائط طويلة ونقوم بتلصيقها في العجينة البيضاء ونمررها في الالة في رقم 6باه تلصق مليح ثم نقوم بقصها دوائر بالطابع الخاص ثم نضع الحشو في الوسط ونشكل العجينة على شكل قرن ونلصقها بقليل من الماء والصورة توضح اكثر ونزينها بالنقاش

ندخلها الى الفرن لمدة 15 دقيقة او 20دقيقة المهم لا نتركها تحمر ثم نخرجها ونعسلها ونقوم بتزيينها من فوق بالقليل من الفستق

إ

حلوى العرايش بشكل جديد

المقادير
250غ فرينة
75غ زبدة
قرصة ملح
ملعقة صغيرة من الفانيليا
ملعقة صغيرة ملون ابيض
ملعقة صغيرة لون اخر حسب الاختيار في الوصفة استعملوا ملون بنفسجي
ماء زهرة البرتقال+ماء

مقادير الحشو
250غ لوز مطحون
125غ سكر
ملعقة صغيرة فاني
حبة بيض
عسل

تحضير العجينة
قومي بخلط الفرينة والزبدة والفانيليا والملح باطراف اصابعك جيدا قسمي العجينة الى قسميين لوني القسم الاول بالابيض والثاني بالبنفسجي وقومي بجمع كل واحدة بماء الزهر لتتحصلي على عجينة نوعا ما طرية غطي العجينة وتركيها ترتاح لمدة15 دقيقة

تحضير الحشو
قومي بخلط المقادير وجمعيها بالبيض وقومي بتشكيلها كريات حجمها 25غ
قومي بتمرير العجينتين البيضاء والبنفسجي في الالة الخاصة بالعجين في رقم 2ثم 4ثم 7 قومي بتقطيع دوائر بيضاء قطرها 9سم ودوائر بنفسجية قطرها 8 سم

ضعي كل دائرة بنفسجية فوق دائرة بيضاء
خذي كرة من الوز واعطيها شكل نجمة
ضعي كل نجمة على دائرة من العجين
قومي برفع حواش العجينة مع الضغط الخفيف على الحشو بدون تغطيته تماما زينيها بزهور
صغيرة

قومي بطهي العرايش لمدة 10 دقائق في الفرن تحت درجة 170درجة مئوية
اخرجي العرايش من الفرن واتركيها تبرد ثم عسليها وضعي فوق كل زهرة حلوى صغيرة لماعة

حلوة الفستقية

المقادير
للعجينة
250غ فرينة
75غ زبدة طرية
شوية ملح
ذوق بيستاش وملون غذائي اخضر
ملعقة صغيرة فانيليا
ماء عادي+ماء الزهر ومن المفضل يكون برتقال
للحشو
500 غ لوز مطحون
250غ سكر قلاصي
1مغرف صغيرة فاني
2حبات بيض
ملعقة صغيرة ماء الزهر برتقال

للعقدة
في وعاء نخلط اللوز والسكر والفاني والماء الزهر ونلمد بالبيض ونشكلها كرات على حبة جوز
للعجينة
نخلط الفرينة والزبدة والملح والفاني ونخلط العجينة جيدا نرشها بماء الزهر ونضيف ذوق بيستاش والملون الغذائي نلمد العجينة ونتركها ترتاح لمدة 10دقائق
نحل العجينة بواسطة الحلال ونقوم بتقطيعها مربعات كبار ثم نمررها في الة العجين في رقم 1 ثم 3 ثم 5وفي الاخير في رقم 7 حتى نكملوا العجينة
ثم نقطعها على شكل المول الى نحطوها فيها ومن الاحسن يكون الشكل كاري يعني مربع
ونضع فيه العجينة ونضع في كل واح كرة من الحشو وباليد نحاول نبسط الحشو منخلوهش دائري ونوم بثقب السطح 4بواسطة عود ثقاب والعجينة اللى تبقالنا نحاولوا نمروها في الالة في رقم 2 و4و6و8
نقوم بقصها شرائط ونحاول ندخلها في بعضها على شكل وردة ونضعها فوق الحلوى والجهة الاخرى نضع بيستاش نكونو لمدناه ببياض البيض والصور توضح اكثر

ثم ندخلها الفرن لمدة 20دقيقة وكي نخرجوها نخلوها تبرد ثم نعسلها في عسل ساخن ونتركها مدة ونزيد نعسلها من فوق باه تجي تلمع

ل

غربية بالبيستاش

المقادير
كاس ونصف سمن
كاس سكر قلاصي
3كيسان ونصف فرينة
كاس بيستاش مرحي وملون اخضر
معطر بذوق بيستاش
حبات بيستاش للتزيين

للتحضير نقوم بخلط السمن والسكر بالخلاط الكهربائي لمدة 20 دقيقة ثم نضيف الملون القليل و ذوق البيستاش ونضيف كاس البيستاش ثم نلمد بالفرينة واذا لم تكفى الفرينة نزيدلها حتى نتحصل على عجينة متماسكة ثم نشكلها دوائر ونزينها كما في الصورة بالسكين على شكل نجمة ونضع حبة بيستاش في الوسط وندخلها الفرن لمدة 30دقيقة

المقادير
250 غ زبدة طرية
125غ سكر قلاصي
160 غ مايزينة
100غ جلجلان محمص
فرينة حسب الحاجة
2 صفار بيض
1 مغرف صغيرة فانيليا
1 مغرف صغيرة خميرة الحلوى

كيفية التحضير
نقوم بخلط السكر والزبدة بالخلاط الكهربائي حتى نتحصل على كريمة ثم نضيف صفار البيض مع الاستمرار في الخلط لمدة دقيقة ثم نضيف الجلجلان والفاني والمايزينة والخمارة عند ادخال المقادير في بعضها نضيف الفرينة لنتحصل على عجينة طرية نقوم بحلها بالحلال سمك 1سم ونقطعها دوائر بواسطة كاس وندخلها الفرن وعند اخراجها نلصق بالمعجون ونزينها في الحواف بالكوكاو مرحي شوية خشين ومن فوق نزينها بالشيكولا بيضاء وسوداء