مادا افعل محتارة في الزواج

[مشكلتي]

السلام عليكم يااخوان
انا فتاة عمري 30 سنة مثقفة متعلمة متربية متخلقة متدينة مخلصة صادقة هادئة خجولة متواضعة اتقن كل اعمال البيت استادة جامعية الحمد لله على كل شيء فقط انا متوسطة الجمال (يعني مافياش حاجة مميزة تلفت الانظار) ولأن الجمال سبب اساسسي يدفع الرجل ان يتقدم لخطبة فتاة ولأني لاأحضى بهدا الشرط فانا لست محل أنظار ولا احد ينتبه لوجودي ولاني لااخالط الرجال (بمعنى ماندصرهومش) فلااحد يعرف صفاتي
وكل من تقدم لخطبتي لحد الان لم استطع تقبلهم ليس لاني اتكبر ولكن لعدم وجود توافق بيننا كأن يكون له مستوى ثانوي او تاسعة اساسي او تكون فيه صفة قبيحة اوليس لديه عمل مستقر (بناء,صياد,نادل,روسوفور..........)فانا اخشى عدم التفاهم والحساسية والشعور بالنقص بعد الزواج
اعلم جيدا ان الكثيرين يريدونني زوجة ولكن لايستطيعون التقدم لخطبتي ربما يخافون ان لاقبل بهم وان تكون لي شروط تعجيزية وربما لان اغلب الجامعيين لايقبلون ممن هي اكثر منهم مستوى
في الحقيقة انا جد متواضعة وليست لديا اي صفة تكبرلايهمني المال ولا السكن ولا السيارة
انا لااطلب الكثير اريد زوجا صالحا يتوافق معي في اغلب الصفات كي احقق معه اهدافي طموحاتي وامالي المستقبلية
انا الان في سن حرجة مادا عليا ان افعله هل اصبر وانتظر حتى يتاتي الرجل المناسب ام اقبل بمن يتقدمون لخطبتي

[راجي الصّمدِ]

السّلام عليكم ورحمة الله وبركاته
رزقك الله تعالى الزّوج الصّالح الكفؤ
الذي يعينك على طاعة الله تعالى
ولا تنسي أختي أن تجعلي معاييرك في الإختيار
هي الدّين والأخلاق الفاضلة والأدب..
والدّعاء مفتاح الباب إن شاء الله تعالى
أكثري من الدّعاء أن يهب الله لك من يستحقّك
ويكون أهلا لك فإنّ الدّعاء هو العبادة
ولن يملّ الله تعالى حتى تملّوا..

بالتّوفيق أختي رزقك الله من فضله وفتح عليك..اللهمّ آمين..

[the black perl]

ربي يفرج عليك اختي الغالية ويرزقك بالزوج الصالح

[BAROUD]

انا الان في سن حرجة مادا عليا ان افعله هل اصبر وانتظر حتى يتاتي الرجل المناسب ام اقبل بمن يتقدمون لخطبتي

لالا و علاش غير اللي تقدم تقبليه مستحيل معليهش اصبري و تنالي مكتوب خير من تعجلي و تكون النهاية down

ربي يرزقنا الازواج الصالحة لينا و ليكم كاملين

الصبر

[النجمة القطبية]

اجلسى مع نفسك فى لحظة تكونى فيها صافية الذهن
ورتبى اولوياتك
طبعا المعيار الاساسى هو الدين والخلق
وبعدها الامور الاقرب لشخصيتك والتى تتناسب معك
الاهم ان تصلى فى الاخير الى القناعة التامة بمن سيكون شريك للمستقبل وانه شخص
كفؤ وبانه الشخص الذى انت مقتنعة به كشريك حياة واب مستقبلى لاولادك
ولا تنسى الاستخارة دائما
اسال الله ان يوفقك لما يحبه ويرضاه

[خديجة13]

لازمك تنتظري الرجل المناسب ما تلوحيش روحك اومبعد تولي في ندامة نتي ماشاء الله ما خصك والو الف واحد يتمناك

[عُضو مُحترم]

والله يا اختي

الزواج راه صعييييييييييييييييب ضرك

حواجز كثيرة مالية مادية اجتماعية تقافية ......

وكيما قلتي قليل لي يتزوج وحدة مستواها التعليمي اكبر

ربي يرزقك الزوج الصالح الذي تقر به عينك

[الدكتور سام]

رب يجيبلك الزوج الصالح الدي تتمنينه في القريب العاجل ان شاء الله

[faty05]

تمهلي و ميزي مليح في الاختيار لانه مصير
ربي يرزقك الزوج الصالح و يرزقنا كلنا امييين

[اميرة باحتشامي]

ربي يرزقك بالزوج الصالح التقي عما قريب

[abdel02]

تاكدي ان الانسان عمرو ما يدي الشيء اللي يشتهيه...الا نادرا...

[شمشار]

الله يوفقك في مسعاك ويجعل الرجل الصالح من نصيبك انها الحقيقة المرة في هذا البلد

[قطرة ندى حنونة]

اسمعيني ختي صح تفكيرك ومن حقك تميزي وتشوفي الزواج مسؤولية كبيرة لكن مشي شرط المستوى نتاع الراجل قادر يكون امي بصح فاهم خيرمن القاري
المستوى يا زينة بعمرو ما حدد شخصية الناس لانو الرجل لي بخدمتو ميعيبوش
وتاني الله يبارك عليك فيك كل المواصفات والجمال عمرو ما بنى قصور المهم انك صافية القلب واخلاقك حميدة
اما الزين مش من الضروريات
فكري مليح وقتنا ولا بزاف صعيب ومتخميش استخيري ولي يكون مكتوبك يجيك
ربي يرزقك بزوج لتقر به عينكي وتقر بكي عينه

[أكوام الورد]

أختي رحمة ربي واسعة
ربي عمره ما يضيع عبده
الناس مايعرفوكش و مايعرفوش قيمتك بصح ربي يعرف كل صغيرة و كبيرة عليك و يعرف قلبك كيفاش داير
دعي ربي و عمرك ما تيأسي دعيه بنية صافية و إخلاص و أصري فالدعاء نتاعك أكيد غادي يستجب لك
مازال العمر قدامك ان شاء الله وربي يعوضك على كلشي
أختي الجمال ما شي هو كلشي الجمال بحدو ما يبني الدار و ربي يلا حرمك من نعمة جمال الخلق و الصورة عطالك جمال القلب و الروح حمدي ربي علي هاد النعمة الغالية بزاف
وعمرك ما تخممي تقبلي غي اللي جاك
اللهم تبقاي في داركم معززة مكرمة و لا تعيشي بقية حياتك مذلولة
أختي ربي ان شاء الله يفتح عليك

[زهرة البيت]

مع كل احتراماتي ليك أختي بصح عمرو المستوى الدراسي ماكان معيار للرجل الصالح ولا عمرو كان جمال المرأة هو الدافع الأساسي لكل رجل لخطبة امرأة ولحديث قياس
أنا عن نفسي زوجي المستقبلي محبش يعاود الباك كي ماتلو باباه ومهوش وسيم وأنا كملت دراسات عليا وأغنى منو وأعطاني ربي الجمال ورفضت قبلوا خطاب بحجة الدراسة بصح كي خلصت وتقدملي عجبني فحل وصادق متكبرتش قبلت ومندمتش وساعات نحشم بروحي قدام ثقافتو العالية وتفوقو عليا في اللغات والتكنولوجيا
ربي مايمدش كلش للعبد وكيما قلتي هوما مستواهم قل منك وانتي جمالك عادي اذا حاولي توزني بينهم متقدريش تدي كلش في الدنيا وكلشي بالمكتوب تاع ربي