مشكلتي أهل زوجي

مشكلتي · 2012-05-11, 18:28

أنا امرأة متزوجة و أعيش مع أهل زوجي ... و هذا يسبب لي الكثير من المشاكل ... و لا أعلم كيف أتعامل معهم ...لانهم لا يحترمونني
يقولو عليا هاذيك البرانية
فهم في بعض الأحيان يتدخلون في خصوصياتي و خاصة الأخت الوحيدة لزوجي تقلي واش رايحا دوشي ؟؟؟؟ راكي رايحا لداركم راكي تاكلي بزااااااف و على بالك مانقدرش نرد عليها و كي عاد مانيش حاسبتها دوكا و لاة يماه حماتي دخل روحها فيا و تدخل للشانبرا نتاعي و تقلي و شكون شرالك هاذي ووكيتا رايحا تروحي لدار يماك و يابنتي راكي دوشي بزاف
و الله ما نرقد في غرضي 5 دقايق نصيبها فوق راسي هاذي جات امرا ارواحي طيبي هاذي العين ساحت ارواحي سيقي حاسة رحي خدامة و ندمت علاه تزوجت تزوجت باش نبني دار و نريح زدت الهم لرحي ..
واش نحكيلكم وواش نخلي فهي دائما ما تسمعني من الكلام الذي يكدر خاطري .. في آخر مرة في بيتي و أمام مجموعة من الضيوف تحدثت علي بصوت مرتفع أمامهم و بخصتني حسيت رحي مانيش مرا كرهت رحي ... بعدها صعد الاخ الأصغر لزوجي أيضا في بيتي و رفع صوته علي...= بكلام لا يليق=....
و ضعي مع زوجي غير مستقر انني اعاني كرهت حياتي ما نلبس كي لعرايس نلبس غير في الحجاب في الدار و نضل في الكوزينة و مع الشغل و كي يجي الليل نطيح طابلة و من باعد يقلي راجلي راكي زايداتيلها ........... ... و قبل و قت قصير كنا على مشارف الطلاق ... هو لا يلتفت لما يفعله أهله ... و لا يحرك ساكنا يكتفي بالسكوت ...
قايما بواجبي و زيادة مشكلتي زوجي لاصق في دارهم رغم انو كاين بيت للكراء باطل قالي مانخطيش والديا
علاه تزوجني و ضلمني معاه رغم انه قالي راكي تعيشي معززة مكرمة و كي جيت لبيتهم صبت رحي خدامة النفس راحتلي
هذا حيط اغسليه و هذا دير هاك اغسلي ماعن البيفي راني كرهت حياتي
قالتلي يماه احنا جبناك باش تعاونينا غير شمري على يديك يا المدللة ؟؟؟؟؟؟
أريد أن أحافظ على زواجي .. كلما أحاول ذلك ... يؤثر علي ما يحدث من أهل زوجي ...
أرجو التكرم و الإشارة علي .انني اعاني ؟؟؟؟

z.abdo · 2012-05-11, 18:58

السلام عليك أختي

لم تخبرنا كم عنك سنة زواج وهل عندك اولاد أو لا

نصيحتي لك أختي ان تحافظي على علاقتك مع زوجك مهما جرى وإياك الطلاق

احترميه لا ترفعي صوتك عليه كذالك إختاري الوقت المناسب للشكوى وليس كل وليس كل وقت

كذالك لازم تربحي ثقته فيك ولا تخسريها

ونصيحة أخرى عليك بالصبر ثم الصبر وراني فهمت جميع الكلام والمعاني اللي قلتيه على الدوش وغيره والله ربي يهديهم

كذلك انصحك أدخلي لموضوعي ممكن تستفيدي من الأخوات المتزوجات أو تستفيدي من نصيحة
إليك الرابط

https://www.djelfa.info/vb/showthread.php?t=962948

ملاك السكون · 2012-05-11, 19:06

الله يهديــهـمـْ و يوفقكـْ علــيهم يــآ ربـْ....؛

و راآيحــينْ ندعيولكـْ كــآمل إنْ شاآء الله بــآهْ تكونــي هــآنيهْ في حيــآتكـْ.....

أختــكِ في الله {ملــآكْـ}*

ســــلــآمْـ.~

nanou12 · 2012-05-11, 19:22

ربي يهنيك يا رب ....... اصبري و اصبري و اصبري

بنت غليزان · 2012-05-11, 19:30

أختي ما عليك إلا الصبر فقط و ربي يفرج عليك

tarekmoc · 2012-05-11, 19:39

السلام عليكم

ربي يعينك و يوفقك

قصتك هي تقريبا قصتي لكن انا هو الزوج

عندي نفس المشاكل تقريبا

الحكمة فقط

تأكدي ان الزوج يعاني ويعاني ... ويعاني

حاولي الاندماج معه و شاركيه همه الاسري

الصبر مقتاح الفرج

دكتورة بإذن الله · 2012-05-11, 21:19

ربي يفرج عليك ان شاء الله

amina2688 · 2012-05-11, 21:29

ربي يعاونك ان شاء الله ويمدلك الصبر والقوة
ولكن نقلك حا جة وحدة ما تسكتيش على حقك ابدا لازم يفهموا حدودهم
معليهش تصبري على اموا ............... .............. ...............
والله تحير تلقي الكنة صبورة اهل الزوج يتمادو..............
وكي تلقي اهل الزوج ناس ملاح تلقي الزوجة جنية لا قدها
والله الموضوع هذا هبلني من مرت خويا والله راهي تضرب فينا ولي غيضتني يما
وانت هكا تشوف؟؟؟؟؟؟؟؟؟؟؟؟؟؟؟ لا اله الا الله
ربي يعاونك ويعاونا معاك
والله لايزيد يشوفني في الشيء هذا

yousra14 · 2012-05-11, 21:57

أصبري أختي أصبري أصبري أصبري

عشت نفس قصتك وكنت نحقرهم وما نردش عليهم خلاص

إلى أن فرج ربي وجابوا كناين أخرين وأصبحوا يبكوا عليا متمنيين قعدة معايا و يقولولي بلاصتك وحدها

اللي يصبر ينال وما تخربيش بيتك

سلام

youcef baba · 2012-05-11, 22:19

الله يهدي اهل زوجك....اصبري فبعد الشدة ياتي الفرج

ندى قدور · 2012-05-11, 22:41

انقلك اختي اصبري اصبريييييييي الطلاق مرررررررررالصابر ينال وعليك وعلى الدعاءالعجوز يجي انهار اللي تروح فيه واخت الراجل بلاك تتزوج والخ........تقعدي غير وحدك سال مجرب

first first · 2012-05-11, 22:42

الصبر....اصبري....وبالتي هي احسن ناقش زوجك وناقشيهم...وربي يعينك....الخدمة تاع الدار راهي ماتخلصش ....مزوجة ولا عزباء....لذا حاولي تتاقلمي وتحسني بعض النقاط...ونسال الله ان يكون فرجك قريبا.

سلمى010 · 2012-05-12, 00:15

ربي يفرج عليك و يوفق ما بينك و ما بين زوجك

أختي حاولي تربحيهم لان الطلاق ماشي حل خاصة ادا هناك أطفال و دعي ربي يهديهم و يوفق بيناتكم
ربي يهنيك و يفرج عليك
اللهم امين

صُبح الأندلس · 2012-05-12, 08:58

افرضي احترامك عليهم خاصة غرفة النوم امنعيهم من دخولها و اغلقي الباب عندما تكونين بداخلها فسبحان الله كيف تنتهك الحرم ؟ أين آداب الاستئذان ؟
أما أخت زوجك فردي على أسئلتها و تطفلها بردود لا تعرف منها شيئا أي بألغاز و بكلام غير مباشر حتى تمل و لا تسألك ثانية
و أما أشغال البيت فاطلبي من زوجك أن تتقاسميها مع أخته
و أهم شيء ابحثي عن المفتاح الذي تدخلين من خلاله لقلب زوجك فإن وجدته فلن يرفض لك طلبا

سارة البوسعادية · 2012-05-12, 11:06

اختي ما العيب ان تشاركيهم الاعمال.... والحجاب هذا امرو ربي وقادرة تتزيني وانتي مدايرة حجاب
اما فكرة انهم يعلو اصواتهم عليك ويدخلو الغرفة الخاصة بيك فانتي اوضعي حد لهذا
طبعا انتي من النوع الساكت ونهار تجي تطرطقي بكلش تبدايها من شغل الدار حتى كي يدخلو غرفتك
انا نقلك غرفتك سكريها كي تدخلي ليها هكذا يتعلمو اداب الاستئدان وماتدخصيش روحك عليهم بزاف حتى يرجعو يعيطو عليك
والشغل اخدمي الي تقدري عليه والي ماتقدريش اعتذري