خياطات رأيكم مهم جدا

gigi_sol · 2012-09-02, 21:42

السلام عليكم و رحمة الله و بركاته

اخوتي الخياطات أو بالأخص صاحبات المشاغل ، انا بحاجة الى مساعدتكم ،انا حابه نفتح مشغل للخياطة و الطرز هنا في بسكرة و مش عارفه كيفاه نبدا ، يعني باش نفتح مشغل وش ندير ، لقيت حانوت واسع و عندي المشينات و كلشي و لكن باش ندير دراسة مشروع معرفتش كفاه ندير ربي يستركم ان شاء الله دبرو عليا و قلولي كفاه ندير ، ياك انتو عندكم الخبرة في هاذ المجال قلولي وش درتو ، انا عندي الزبائن و الحمد لله و كنت نخيط في دارنا و لكن حبيت نطور شوي و يكون عندي مشغل صغير ندير فيه حتى وحدة او ثنين يخدمو معايا و نزيد ندير بنات نعلمهم الخياطة و الطرز بكل أنواعو ، معرفتش كفاه نبدا ممكن تعاونوني ربي يعطيكم ما تتمنوا .

gigi_sol · 2012-09-02, 22:36

وينكم يا الخياطات ؟

meriemestar · 2012-09-02, 23:06

السلام عليكم أختي الحوايج لي خممتي فيهم طبقيهم الحمد لله لقيتي الحانوت والماشينات عندك
شوفي بنات يخدمو معاك و قولي لزبائنك يخبرو معارفهم على الحانوت الجديد وابدي خدمتك على بركة الله خيطي وعلقي في الحانوت
شوي شوي يكبر الحانوت وتولي اختي العزيزة مشهورة
ربي يسهل ليك ان شاء الله
ماذابيك ما تنسينيش بقندورة هههههههههه نتمسخر على أختي العزيزة

gigi_sol · 2012-09-02, 23:10

مش خسارة فيك اختي ، المخيرة نتاع القنادر خيريها و انا نديرهالك من عينيا اختي العزيزة ربي يحفظك ان شاء الله .

loubna79 · 2012-09-03, 10:15

اختي ربي اسهلك ووسع رزقك ان شاء الله . انت قلتي حبيتي تكبري الشغل تاعك اختي نقترح عليك تخدمي مع لحوانت اضافة الى الناس الي موالفين اخيطو عندك وربي اكملك.

نسيبة2012 · 2012-09-03, 12:43

اختي انا عجوزتي تاني حابة تدير حانوت .......كاين اللي تدير لونساج باش تبدا من الاول بخدمة قوية تدير حانوت كبير و تجيب 2 او 3 بنات يعرفو يخيطو و1 او2 يعرفو يفصلو وتتفاهم مع اللي يبيعو القنادر تنعتلهم لي مودال اللي عندها وهوما يخيرو مودال ويطلبو كونتيتي اي عدد معين 10 او اكثر تخيطهم تبيعلو بالسومة اللي يتفاهمو عليها ...........هذي راهو لازم يكون عندها الديبلوم ولازم تاني تفتح سجل تجاري لانها تتعامل مع الدولة ((((هزت القرض)))))).........اما اللي حابة تبدا بحاجة صغيرة امكانياتك يكفيوك باش تفتحي نشالله ماعليك غير تبداي وديري الاشهار((((بلايك ....او ايطريقة)))المهم خيطي سسع 5 او 6 مودالات للعرض و توكلي على ربي نشالله.................. ربي يسهللك.....

sana04 · 2012-09-03, 13:27

ربي يوفـــــــــــــقـــــــــــــــــك