راني خايف محاسبة تحليلية

[fissal]

السلام وعليكم والله راني خايف المحاسبة التحليلية واعمال نهاية السنة
زعما نحليلية تكون ساهلة ولا واعرة في البـــــــاك ؟

[dev]

المحورين لي ما لازمش أتخاف منهم راك خايف منهم :d

ما عندي إالا نصيحة أنقدمهالك أخي قمت بها و هي جيد مفيدة .

بالنسبة لي أعمال نهاية السنة حل كل أعمال نهاية السنة من باك 2001 الى 2011 .

رايح أتولي تلعب بيهم .


اما بخصوص التحليلية أخي لا تقلق نفسك هي سهلة في العادة و كل واحد الصعوبة ديالو وين فيها لكن إن كنت تعرف القوانين و تعرف أطبقها

نهار الباك ركز برك و ربي إيسهل الأمور إن شاء الله.



و بالتوفيق . و أي مساعدة أنا حاظر .

[fissal]

لالا الاخ انا نسلكها لعام ليفات في الباك ديت فيها 8 علامة كاملة
بصح معلاباليش ادا تاع الباك تاع العام لي فات برك ساهل ولا كامل ليباك تجي ساهلة ؟؟؟ قولي خو كش حفيظة ؟

[dev]

أنا راني حليت تاع العام لي فات و وجدت بليك فيه أفكار متكررة من البكالوريات السابقة يعني دائما نفس القيود التي تعود .


برك خطرة على خطرة باك إيكون فيه قيود أكثر .

و بخصوص الحفظ هو المشكل ديالي ... أنا في الوقت هذا أنولي كسول .... و ما نقدرش أنركز على الحفظ .

[mhamed5]

لا تقلق عزيزي و تأكد أن هذا العام سيكون خاصا خاصة لتلايذ التسيير و اقتصاد بحكم أنها آخر سنة للنظام المحاسبي الوظني قبل الدخول للنظام المحاسبي و المالي و ستكون المواضيع بسيطة و في المتناول و ما عليك سوى التركيز. ربي يوفقك انت و كل التلاميذ . آ

[ixos]

السلام عليكم خوبا نقلك ما تخاف ماوالو تخاف صح من باك 19xx حتى تخاف2007 مي من 2008 نضام جديد وزادولونا فيها اعمال نهاية السنة حل المواضيع تاع 2008 و 9و10و11 رايح تشوف بلي مافيها ولو بصح الباك القديم ههههههه أول تمرين تحليل استغلال يخبطك بمعادلة النتيجة للمؤسسة الفلاانية تلقاها بالربيع والتكعيب
يعني س أس3+س أس2+50
ربي يكون في العون