اختي

[مشكلتي]

السلام عليكم ورحمة الله و بركاته

أختي انسانة طيبة و متخلقة و مجتهدة و تحب تساعد الغير . هي الآن تدرس في الجامعة و تحب دراستها جدا و تحضر و تكتب دروسها و وقتها كلو شاغلتو بحل وظائفها و مثابرة ما شاء الله عليها ربي يوفقها ان شاء الله.

مشكلتها في البنات لي ي يحبو مصلحتهم لا غير ديما هي تتعب و تسهر و تكتب و هوما يقصرو و يمايحضروش و يروحو يديرو شغالات أخرى و يجو ليها يطلبو الحلول و كراريسها و بكل وقاحة يزيدو يطولو عليها مايرجعوهملهاش و كي شغل بلا مزيتها .

هي كرهت هادي الحالة لما تقوللهم بصراحة ماتزيدوش تطلبوني يخرجوها هي الغالطة وهي لي مش مليحة و يبداو يهدرو عليها بلي تبخلهم.

هي مابخلتهمش بصح كيفاش هادي هي تاني انسانة وتحب تحوس وترتاح و تقصر مي هي فضلت قرايتها ومش كيما هوما يحبو مصلحتهم و مايجوهاش غير في وقت الاختبارات و الواجبات.

أنا ديما نقوللها ولا يهمك من هدوا لعباد لي يحطمو المعنويات وهي انسانة حساسة والله يقيسوها بزاف لما يتعاملو معاها هكدا.
اخوتي جزاكم الله كل خير أنصحوها و قولولها واش دير ربي يجازيكم ان شاء الله.