|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الوصفة الاولى مع لحظات مخبرية في الفنون المطبخية
 |
|
|
أدوات الموضوع | انواع عرض الموضوع |
2011-11-25, 02:49
|
رقم المشاركة : 1 | ||||
|
الوصفة الاولى مع لحظات مخبرية في الفنون المطبخية
 لحظات مخبرية في الفنون المطبخية أخواتي العزيزات سنبدأمع اول وصفة الرشة من الأكلات التقليدية الأكثر تناولافي المواسم والأعياد مقادير العجينة: 1كلغ سميد رطب. 500غ فرينة . ملعقة ونصف صغيرة ملح. ماء لجمع العجينة. طريقة التحضير: نخلط السميد والفرينة والملح ونجمع العجينة بالماء حتى تتجانس ونعجنها لمدة 5دقائق. يجب ان تكون العجينة متماسكة و ليست طرية وهذا لكي لا تتلاصق العجينة أثناء بسطها بالآلة . بالنسبةلمقدار 1كلغ سميد +500غ فرينة تخرجنا 2كلغ رشة . السميد الذي نستعمله يكون ذو نوعية جيدة إذا كان نوعية رديئة رايحة تتكسر الرشة بعد ما نفورها.  بعد ذلك نرمد العجينة في الفرينة ونحلها بالطول ثم انقطعها على اثنين ونبدأ انمررالقطع في رقم 1ثم الرقم3 ثم الرقم الأخير الرقيق  كتخرج العجينة رقيقة نحطها فوق طرف من القماش نضيف وفي مكان مهوي شرفة او فناء  بعد ربع ساعة كتنشف العجينة نلمها ونمررهافي الة التقطيع ونحطها تتفور ونقدر اناصف الكسكاس بشرط تكون ناشفة مليح قبل مانقطعها كتتفور حوالي 5دقائق نفرغها في جفنة ونرشها بالزيت ونبدا نحل فيها ل بيدي او بشوكة وهي سخونة نغطيها ونخليها . ونقدر نعمل عجينة الرشة بطريقة اخرى الي كانت سبقتني ليها اختي ام سامي جزاها الله خيرا وهي كالتالى بعد مانعجن العجينة نقسمها كرات صغيرة ونتركها في كيس بلاستيكي ثم نبدا نحل فيهم بالحلال بست كريات مثلا.ثم ندهنها بالزيت  ثم نجوز العجينةفي الرقم الأخير ونحطها تتفو ر ونحط بكمية قليلة في الكسكاس حتى ماتتعجنش تتفور شوية ثم نخلطها بشوكة ونكمللها التفوار  ثم ننزعها ونحلها ونغطيها ونتركها ترتاح بعد شوية نوليلها نرشها بشوية ماء ونعودلها التفويرة الثانية ننزعها وندهنها بقليل من الزبدةوالسمن ونرشها بقليل من الماء الزهر الي رايح امدلها نكهة وريحة هايلة وهذا قبل التقديم مباشرة يعنى المرق يكون واجد .   الأن الرشة راهي جاهزة نجوزو لطريقة تحضيرالمرق مقاديرالمرق : قطع من الدجاج اواللحم . بصلتين متوسطين . حميصة مشمخة طايبة نصف الطياب . 3حبات لفت مقطعين بالطول . 3حبات قرعة مقطعة بالطول. 2ملاعق زيت 1ملعقة سمن. نصف ملعقة صغيرة فلفل أسود . عود قرفة او نصف ملعقة صغيرة. ملح . قليل من الكركم .إختياري . ماء ساخن .  طريقة التحضير : في قدر حطي قطع اللحم أو الدجاج مع الزيت والسمن والملح وقليهم مدة 5دقاق مع الخلط ثم حطي البصل بعد ماتسكرفجيه وتحطي التوابل وتزيدي اتقلي وتخلطي ثم تحطي الحميصة .  بعدها مرقي بالماء الساخن وتحطي اللفت .كيطيب اللحم واللفت نصف أطياب نحط القرعة.كيطيب اللحم والخضار وتتخثار المرقة قليلا راه واجدة.  طريقة التقديم :  شهية طيبة تحياتي أم إسلام وأية أرجو التثبيت
|
||||
|
|
2011-11-25, 06:19
|
رقم المشاركة : 2 | |||
|
  يستحق التثبيت  بانتظار جديدك  |
|||
|
|
|
2011-11-25, 19:04
|
رقم المشاركة : 8 | ||||
|
اقتباس:
أهلامحبوبة الجميع ام كوثرو شكرا على كلامك الطيب فيما يخص الصور حاولت تكبيرهم لكن قعدو هكذاك رايحة انزيد انحاول  |
||||
|
|
|
2011-11-27, 15:24
|
رقم المشاركة : 11 | ||||
|
اقتباس:
شكرا اختي نورتي موضوعي والله تعبكم راحة
ماء الزهر ما يبدللهاش الذوق يعطيها تنسيمة هايلة ولكن قطرات خفيفة جربي شوية رايحة اشوفي الريحة الزكية اناالطريقة رفدتا على الوالدة ربي يحفظها احنا ناس البليدة نديرو ها بهذا الطريقة  |
||||
|
|
|
2011-11-27, 15:58
|
رقم المشاركة : 12 | ||||
|
اقتباس:
مادامت طريقة الوالدة اكييد تكون هايلة.ربي يحفظهالك |
||||
|
|
|
| الكلمات الدلالية (Tags) |
| الرشتة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
