عندنا برك....روووعة

[فتيحة الإسلام]

عندنا برك

تصاحب ....يخدعوك
تخطب......يغيرو منك
تعرس .......يحكيو عليك
ماتعرفش و تسقسي ......يتمسخو بيك
تتعلم........يحسدوك
تنجح.....يكرهوك
تحشم.....يستغلوك
تنصح.....مايسمعوكش
تقرا........مايخدموكش
ترقد.....ينوضوك
وإذا تحلم...حتى في حلمك يبهدلوك
مابقا غير حل وواحد
تدفن روحك وتدعي ربي مايجبدوكش

الرومانسية في الجزائر......؟

من منا لايعرف الرومانيسة
......لكن الرومانسية عندنا هكذا...
من أجلك ناكل بويطة تبن....
من أجلك نتكيف باكي أفراز....
من أجلك ناكل بالة شوك....
من أجلك نشم بلا ماصة....
من أجلك نرقد بلا مخدة.....
من أجلك نرقد بلا عشا.....
..........ومن أجلك نرمي روحي من البالكو
وأموت فداء للمحبوب ....من أجلك نسويسيدي..
صح ولا ماشي صح

تأمينات:

الحياة في أمريكا والغرب كلها تأمينات....
تأمين على الحياة....تأمين على الصحة.....تأمين على المنزل..على العمل ..على السيارة..
.....وعندنا..يا خاوتي..
كاين تأمين واحد يجمع كل التأمينات وصالح مدى الحياة...
هو....دعوة الوالدة.والوالد.....{ روح يابني الله يحفظك ويبعد عليك ولاد الحرام}
...حقا...إنه تأمين ان تجده ولو بمال الدنيا
آآآآبروفتي...وبدا تآسيري من ضرك......

نصيحة واعرة

إذا أردت أن تحب لا تحب بعمق...
فعمق حبك اليوم.....
هو عمق جرحك غدا.....

خير الله

واحد مرتو راح تزيد طفل...
قالها نسميوه خير الله
قاتلو هي:..لا لا..نسميه خير الدين.
كي ولدت جابت طفل صغير خلاص
قاتلو: واش نسميوه؟؟
قالها: نسميوه...خير من مكانش...

حكمة مزطول:

يقول شاب....
سألت يوما مزطولا حكيما...فقلت له:
ما رأيك في البنات أيها الحكيم ؟؟؟
فرمى الشمّة...وشعل قارو.....
وأخذ نفسا عميقا حتى سمعت رئتيه تستنجدان.....
فحمحم وكح وعطس..وقال :
اسمع ياولدي.....
لبنات كيما الفروي
كل وحدة عندها طعم ولون سبيسيال بصح اللي تعجبك هي الوحيدة اللي تشوفها كوكتال...
فدمعت عيني وقبلت رأسه وعطيتلو البريكي اللي كان عندي...

عايلة فنياااانة.....؟

قالك هذي واحد العايلة فنيانة.....كي بدا الراجل يثاوب...مرتو قالتلو:
في طريقك مادام فمك محلول...عيط للولاد.....

حابس:

قالك واحد حابس شرى Jus d'orange وبقى يشوف فيه...وعلاش؟؟؟....خاطرش مكتوب
فيه..Consontrie

قمة الذكاء

واحد الطفل قال لأمه....: ماما جيبيلي كاس ماء
الأم: راني نطيب...رواح ديه روحك
الطفل:..أنا راني نتفرج هاتيلي كاس ماء وارجعي..الطيبي
الأم: كون تزيد تهدر معايا نجي نضربك...
الطفلك..أوووه...وأنتي جاية تضربيني...هاتي كاس ماء معاك...

...أتمنى أن تنال اعجابكم............