طلبـ ادا امكن**

الأميرة ميمي · 2012-04-21, 11:34

السلام عليكم اخواتي الفاضلات
خصني كرام باتيسري تكون بنـينة ادا امكن
ومن هنا نوصل سلامي لكل نساء المنتدى وان شاء الله نلقى ترحيب هنايا ونكون صديقتكم
ونبعت سلامي الخاص لكل من ام رامي وام احمد راني متبعة وصفاتكم بزااااااااااااااف

الأميرة ميمي · 2012-04-21, 17:51

أرجوووووووووووووووووووكمـ

*ام رامي* · 2012-04-21, 18:21

وعليكم السلام ورحمة الله وبركاته
اتفضلي اختي وان شاءالله تعجبك
اخفقي بيضة +صفار بيضة جيداا حتى يتضاعف الحجم ثم اضيفي نصف كاس سكر مع الخفق المتواصل ثم ملعقتين فرينة + ملعقتين نشاء +كاس حليب بارد خلطي كل شيء بارد في بارد ضعي الخليط على النار واضيفي كاس اخر حليب وامزجي جيدا حتى يثقال مليح ابعديه عن النار اضيفي فاني + ملعقة كبيرة زبدة طرية واخفقي بالباتور

الأميرة ميمي · 2012-04-21, 21:24

شكرا حبيبتي ام رامي ربي يخليك على الوصفة

fatima zohraa · 2012-04-22, 00:35

السلام عليكم كيما قاتلك الاخت ام رامي وادا عندك الكريمة الطازجة اخفقيها واضيفيها للكريم باتيسيار بعد ما تبرد تجي رائعة و اسمهاla creme diplomate

الأميرة ميمي · 2012-04-29, 12:38

اختي خصني استفسار برك ندير السكر ناعم ولا سكر نورمال

وصال7 · 2012-04-30, 13:29

السكر يكون عادى مبلور

أم هنيدة · 2012-04-30, 17:45

أختي أيضا ممكن تضيفي إلى الكريم باتسيير كريم شانتلي مخفوقة راح تكون خفيفة وبنينة وكانت قدمتها الأخت ياسمين وجربتها كانت رائعة في الخفة واللذة وهذه وصفتها:

اقتباس:

كريم باتسيار
كرام بتسيار 1/2 لتر حليب+4 صفار بيض+100 غ سكر+50 غ مايزينة+ لفاني وطيبيها حتى تثقل وتبرداضربيها بالباتوغ باه تولي اعلى نيفو واحد ومن الفوق اطليها بالعسل ساخن وذرذي السكر قلاصي من الفوق
تحضير الكريمة
ضربي صفار البيض+سكر+ المايزينة حتى الانسجام ومن جهة اخرى سخنى الحليب+ لفاني ونقصي شوية احليب وفرغيه مع خليط البيض وخلطي بالباتوغ مبعد كي يسخن الحليب فرغي خليط على الحليب ساخن وخلطي حتى يثقل وتصبح كرام بتيسيار بصحتك

كريم شانتليي
خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحليب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

أنا مزجت عبر كرام باتيسيير مع نفس عبر شانتلي خلطتهم بالخلاط الكهربائي ووضتها في التارتولات ووضعتها في الثلاجة تحكم روحها والكريمة وخرجت بيضاء اللون وخفيفة وبنينة

الواثقة بالله 23 · 2012-04-30, 22:46

اهلا بك بيننا نور المنتدى بوجودك