ابي يتمنى رسوبي في البكالوريا

[مشكلتي]

السلام عليكم يا اخوتي الاعزاء
المشكلة يا اخوتي انا ابي يتمنى ان ارسب في امتحان البكالوريا
قد تقولون علي مجنون و لكن هذه هي الحقيقة عرفتها صباحا
لانني عندما اسيقضت اليوم سمعته يوتوت هو وزوجته فجرني فضولي لاتنصت عليهما
فسمعته يقول لها هذا هو الشهر لي لازم نكرهلو حياتو فيه با مايديش الباك
حقيقة لم احزن بل فرحت لانني قطعت الشك باليقين,لانني لاحظته من اول عام دراسي و هو يزعجني كثيرا حتى انه لا يعطيني النقود لاعمل الدروس الخصوصية بل كنت اذهب سرا الى امي المطلقة لكي تعطيني النقود لكي ادرس دروس خصوصية
و انا لا احقد عليه ابدا لان زوجته هي من تسيره لان اولادها لا يحبون الدراسة و انا متفوق
لذا اتمنى منكم يا اخوتي ان تنصحونني ماذا افعل لان البكالوريا على الابواب و الحمد لله انا مستعد لها و لكن ابي منذ الصبح و هو ينادي على امور تافهة وانا لم ارفع الكراس ابدا
ماذا أفعل؟؟؟؟؟؟؟؟؟؟
أدعولي بالتوفيق أرجوكم

[التوليب الجميلة]

خويا لعزيز معليش بلعقل برك و هاد الشي لازم يدرلك الارادة باش تنجح و ان شاء الله ربي يو فقك و تفرح و باباك ربي يهديه prck normalement ما كاش والد يتمنى لوليدو ما ينجحش .

[عآشقة غزه]

والله احزنتني شوف يا خويا نتا ماتحكي والو معاه و يالوكان يقولك اي شي سايسو وماتردش عليه ان شاء الله راح تجيب لباك ويولو ذكريات و علا المراجعة اقرا معا صحابك نحكيلك علا خالي تعرف زوجة جدي كانت مانعاتو باش يقرا تطفئ الانارة في الليل و في النهار محرمة عيشتو لكنه صابر كان يخرج في ليل للكارطي و يقرا تحت الضوء نقولك وش راه يخدم جراح في مصطفى باشا و كانت قرايتو صعب من قرايتنا لكنه تحدى ماتخليش نفسيتك تتعب وهذا لوقت لي لازم تتغلب عليه و راك ضحية لافعال والديك لو كان الطلاق رجلا لقتلته هذه نتيجة الطلاق و مسالة الولد هذه زوجة الاب ماتلوموش اذا كان يحبها راح يسمع اي شبئ كي تجيب لباك امانة تفرحنا خلاص خويا

[faty05]

ربي يوفقك توكل على الله وامضي نحو النجاح
لا تعر اهميه لما يخططون له و اثبت لهم انهم ان ينالو منك و انك دائما متفوق

[طيبة نفس]

الله يهدي ما خلق الازمة تلد الهمة حتى و هو مايتمنالكش الخير ما تردش عليك راهو باباك ساعفو اذا قدرت تمشي يمات لعند ماماك روح بقى

تراجع لعندها واذا ما قدرتش صبر و دعي ربي و تفرج ان شاء الله رانا قاع نسناو خبر النجاح نتاعك ورايحين ندعولك برك تفكرنا و بشرنا

ربي يفرحك

[امينة 1991]

ربي يكون معاك صلي وادعي والح في الدعاء وكل ماتشوف باباك ربي يهديه غافل استغل الفرصة واقرا وفي الليل دير روحك تعبان ونعسان وروح ترقد وكي يرقد هو وزوجته راجع دروسك حتى لو على ضوء البورتابل او اخرج في الصباح من البيت على اساس انك ستذهب الى المدرسة وتفاهم انت وزملاؤك باه تروحوا تقراو وتراجعو في مكان ما او في المكتبة احسن وربي يوفقك ويجعلك من الناجحين هذا العام في الباكالوريا . ما تنساش الدعاء والصلاة .

[BAROUD]

ربي يوصلك و تسعد ف حياتك و تكون علئ راس القائمة

بما انك قادر تستطيع و دير القلب فقط و روح للجامعة تقرا علئ روحك علئ الاقل تتعرف علئ ناس و عقليات و افكار و زيد تبقئ معظم وقتك ف الجامعة و الدراسة اذا كانت الجامعة بعيدة عليك علئ الاقل ترتاح شوي و تبدل علئ خاطرك

و منا احنا ندعيوا لك ربي يوفقك و تنال ان شاء الله و حتئ انت ادعينا ربي يفرج علينا ياك هكذا

الله يبارك

[حضنية28]

أخي انت دير الارادة والنجاح نصب عينيكومتحوسش عليه واهدر معاه بالسياسةونهار تنجح راه ينبالو قيمة النجاح نتاع اولادو

[z.abdo]

انصحك أخي ان يكون عندك إصرار من أجل النجاح وكل ما يقول لك انت فاشل قل في قلبك انا ناجح

كلما يقولو لا تستطيع قل انت استطيع واظرب بعرض الحائط كل الكلام المثبط لكن عليك طاعة والدك وربي يهديه

تقبلو مروري

[تهاليل]

ربي يكون معك أخونا شوف ممكن هو يريد لك الخير لأنه مستحيل فيه اب ميحبش لولدو النجاح برك قدام زوجته راه يقولك هاك كون منو صح كون قالهالك وجه لوجه فقط باه يرضي زوجته الله يهديه المهم منا وجاي منين تلقاه يشغلك عن الدراسة ادي كراريسك بالتخبية واخرج للخارج وروح راجع قلهم راني رايح عند صحابي ولا ندور وخلي هذا حافز ليك باه تنجح وترفع راس أمك اللي أملها كبير فيك وباه تفرحها وربي يكون معاك خويا

[sissi123]

للاسف هناك نوعية من الأباء تسيرهن زوجاتهن لكن انت فكر في نفسك و في مستقبلك و لا تضيع الفرصة وانصحك

بالدعاء وقت الفجر وصلاة الفجر فوقتها الدعاء مستجاب ، و إذا كان بامكانك الانتقال عند والدتك فقط في هذه الفترة

يكون أحسن و الا فكن حذرا و لا تضيع اي فرصة للمراجعة

[nadjet45]

ربي ينجحك ان شاء الله الارادة بر ك وتفرحنا ان شاء الله

[jonegoma]

بتوفيق واصل فقط وان شاء الله النجاح فقط لو تستطيع ان تذهب الى احد اقربائك هذه الفترة لكي تحافظ على تركيزك وهدوئك ان كان في استطاعتك يكون افضل لك ولاتنسى ان تدعي في سجود بتوفيق ان شاء الله

[aissam .3820]

بالتوفيق يا اخي.......
..

وما راكش راجل لو كان ماتجيبش معدل مليح زكارة فيها...


....


وربي يهدي والدك..


..

[soumia-88]

السلام عليكم اخي
أنا أقول لك توكل على الله وافعل المستحيل للحصول على شهادة أولا من أجلك وأجل أمك كي ترفع لها رأسها وثانيا من أجل تحطيم هدف زوجة أبيك
بالتوفيك وان شاء الله تكون من الرابحين