كاين منها ولا لا؟؟؟؟؟؟؟؟؟ لا تتعجب ؟؟

كاميليا الجزائرية · 2012-04-24, 22:08

السلام عليكم
اليوم درنا باك سبور تجريبي قالونا باش تنحو الخوف تاع الباك والحضور اجباري كاين ناس الي ضيعو دروس الدعم على جال هذا السبور عياونا باطل من 1 حت 4 سا بزاف مي انا الحاجة الي مافهمتهاش علاه يعيو فينا باطل وضيعولي وقتي باطل وانتوما تخيلوا 12 قسم يعني درنا البنات وحدنا مع بعض ماكاش كيفاش تتحرك ونبقاو نسناو اكثر من ساعة باش جي دالتك انا كرهت منهم بزاف ....................
قولولي خاوتي راني نستنا فيكم اسكو انتم درتو هذا الباك التجريبي علما ان باك تاع الصح في 13 ماي

~~نهال~~ · 2012-04-25, 12:36

جيرانا بعقبو الباك ما داروش هذه الحاجة . دارو اختبار عادي في رمي الجلة فقط . قسم واحد .

Blurry_Rose · 2012-04-25, 12:46

انا معفية من الرياضة لكن حنا في ليسي تاعنا دارو باك تجريبي مي 2h و غير صباح من 8h ---> 10h كل قسم وحدو و اذا كثرو دارو قسمين لكن عددهم قليل + حنا ثانوية خاصة بالبنات فقط

ahmed nehili · 2012-04-25, 12:49

لالا يختي حنا مادرناهش خلاص

زكي bac · 2012-04-25, 13:14

اصـــلا أنا لحد الساعة مافهمتشـــ علاواه راهم مدايرين السبور في الباك
والله مادرتشــــ اعفاء و ندمتــــ

الحياة نجاح · 2012-04-25, 16:59

احنا درنا الباك ياع اسبور سااااي وفات مليح الحمد لله

♥ وآثقة الخطــــى ♥ · 2012-04-25, 17:12

حنا رايحين نديروه مي ماشي رسمـــــــي يعني راح نديروه غدوة نشالله في حصة الرياضة

من 10-12 مي عادي راح نجربو برك ماشي حاجة رسمية

والباك تاعنا نشالله تاع السبور راح يكم في 14 ماي

dida algeriana · 2012-04-25, 17:39

حنا درناه اليوم مي انا مادرتوش ماعندي ماندير بيه تالمون مانيش معفية مي هبطت للدار وحفظت +الباك سبور تاع الصح داروهلنا في 2 ماي يعني ماعندي ماندير بهادا نغلب روحي برك +جميع الاقسام النهائية درنا مع بعض ودكوره وبنات يعني الدعوة تطول

بن محمد مسعود · 2012-04-29, 20:15

7na c'est bon jouwezna bac sport s7i7 machi blanc f 22/04/20212

a-maya · 2012-04-29, 23:32

حنا مدرناش باك سبور تجريبي درنا طول في 22 أفريل الباك الرسمي وتهنينا العقوبة ليكم وربي يوفقكم
للعلم درنا من 8 صباحا حتى 11 فقط وفاتت روعة

الامل بالله · 2012-04-30, 08:35

حنا مدرناش هذا الباك مي درنا تدريبات في القفز و السرعة و الجلة و نقولك بلي في الباك نتاع السبور متستنايش دالتك ساعة يقسموكم على حساب المعلومة اللي عندي

و مديريش سبور كاااااااامل في بالك باسكو الشيخ قالنا متخموش فيه قالنا نديروه باش نعاونوكم انتم ما عليكم الا الحضور

zoldek 7 · 2012-04-30, 08:53

لالا يختي حنا مادرناهش خلاص

DUOHBO · 2012-04-30, 09:59

الرياضة اساسية قبل الباك اولا لتنشيط الذاكرة ثانيا هي مفيدة لان النقطة نتاعها مهايش باطل مهما يكون راح تعاونك صح فيها تعب ياسر و الشمس تصرع و تضرب ساعة باش يجي دورك و لكن للضرورة احكام حنا تهنينا منو على كل حال