كيش سهل و بسيط

[amina nourhanne]

مساء النور الزيونات إن شاء الله تكونو بخير
جبتلكم اليوم وصفة ساهلة ماهلة pour une quiche vite faite

بسم الله نبداو بالمقادير :

عجينة la pate brisée ننصحكم بوصفة fella food art تحفة
100غ لحم مرحي
حبة بصل صغيرة
2 حبات بيض
شوية فطر * champignons* حسب الذوق
2 حبات فرماج مثلثات
2 مغارف كبار حليب
ملح،فلفل اسود،قصبر،إكليل،شوية حبق
2 مغارف كبار زيت

التحضير :

أولا حلي la pate brisée على حساب المول ديالك،اثقبيها بالفرشيطة وديري فيها شوية حبوب جافة باش ما تتنفخش دخليها الفرن لمدة 15 د،خرجيها،نحي حبوب جافة و زيديلها 5 د اخرى.

حضري الحشوة :

رابي rappé البصل و قليه في 2 مغارف كبار زيت،مليحه و تبليه و خليه حتى يتحمر شوية
ضيفي اللحم المرحي خليه حتى يطيب،ارمى الفطر زيديلو 5د وطفيلو
ضيفي الفرماج و خلطيه مليح،كسري البيض في تبسي و خلطيه شوية،زيديلو 2 مغارف كبار حليب
ضيفيه فوق مزيج اللحم و البصل و حطي الكل فوق la pate brisée الطايبة
دخلي quiche داخل الفرن مدة 10د
خرجيه و رابي عليه شوية فرماج a rappé

النتيجة :






بالصحة و الهناء
انتظر التقييم و التطبيق اخواتي