أنهيت اليوم الأول من الإختبارات في ساعة

زكرياء ابن الجزائر · 2012-05-17, 09:28

السلام عليكم كان من المقرر اليوم التربية الإسلامة 2 ساعات و الإعلام الألي 1 أنا دخلت لقيت موضوع التربية الإسلامية ساهههههل للغاية كملتو في 50 دقيقة أما الإعلام الألي أسهل من السهل لأنه البارحة لقيتو هو نفس الموضوع في النت و قمت بحله يعني كملتو في 10 دقائق هههه النهار الأول راهو مليح إن شاء الله نكمل هكا

نعمة القدوس · 2012-05-17, 09:34

مليييح مليييح

!!

بصحتك. أنا مانقدرش نخرج قبل الوقت وإلا علاباالـي نديير زبلة في الورقة.

مالا نقعد نكمل للأخير باه ماعندي مانقول راني أنا اللي خرجت بكري.

بالصح ان شاء الله كل امتحاناتكم سهلة.

SISSA96 · 2012-05-17, 09:34

مبروك لك أخي ان شاء الله تكمل هكا ...من فضلك أخي تقدر تحطلنا موضوع اختبار التريبة الاسلاامية ؟؟؟؟
بالتوفيق

زكرياء ابن الجزائر · 2012-05-17, 09:39

أهلا نعمة أنا قعدت قلت لا منخرجش دوكا رغم أنني متأكد من الإجابات و راجعة الورقة مليح و لكن شفت صاحبي جاب معدل 18 خرج قلت كي خرج هذا ان تان نخرج هههه

زكرياء ابن الجزائر · 2012-05-17, 09:41

أه شكرا لك نعمة و بالتوفيق لك أنت أيضا :]

Sissa96
يبارك في أختي + للأسف كان الجواب على الموضوع كالعادة

همس الجفــــــــــون · 2012-05-17, 10:13

صبااح الخير زكريا

بصحتك و العقوبة للمواد لخرى مي كيفاش عرفت بلي السوجي تع الانفو راح يطيحلك ؟؟؟؟؟؟؟؟؟؟؟؟؟؟

سآجدْ للهْ · 2012-05-17, 10:17

ربي يبآرك

انا حقيقة ما نخرجش نقتل الوقت قدقد
مرة حتان خرجوني المدير والمراقبين يجرو ورايا بالعصي هههههههههههههههه
حتى وان كنت ما نعرفش الإجابة ولا نعرف المهم نقعد هههههههههههههه
ومرة الأستآذ اللي يعس ثما يحآول فيا آولدي آخرج ربي يعيشك قتلو هنا نموت قآسي

زكرياء ابن الجزائر · 2012-05-17, 16:37

sali1996
أهلا سالي الله يسلمك
أنا أول مرة في الفصل الأول شفت الموضوع في الإختبار تنظيم روعة في الورقة قلت واو هاذي بابينا ماشي خدمتها أومبعد هذا الفصل لقيت هذا الموقع دخلت في أول موضوع لقيت نفس التنظيم تع الأستاذة في الموضوع قلت مستحيل تكون مصادفة فقط رحت شفت مواضيع الفصل الثاني لقيت الموضوع تاعنا هناك إذا قلت راهي حدير نفس الشي غدا و هكذا إكتشفت الحقيقة ههههههههههه أنا كملت في 10 دقائق الإختبار بصح قلت ما نعطيلهمش الورقة باش مايدخللهمش الشك ستنيت حتى أعطاوها لوخرين ههه .

زكرياء ابن الجزائر · 2012-05-17, 16:38

اقتباس:

المشاركة الأصلية كتبت بواسطة سآجدْ للهْ

ربي يبآرك

انا حقيقة ما نخرجش نقتل الوقت قدقد
مرة حتان خرجوني المدير والمراقبين يجرو ورايا بالعصي هههههههههههههههه
حتى وان كنت ما نعرفش الإجابة ولا نعرف المهم نقعد هههههههههههههه
ومرة الأستآذ اللي يعس ثما يحآول فيا آولدي آخرج ربي يعيشك قتلو هنا نموت قآسي

عندك الحق ههه .

عَتْمَـہとか · 2012-05-17, 16:40

مليييح ..ربي يوفق ان شاء الله

حنا مازلنا يوم ونتهناو

زكرياء ابن الجزائر · 2012-05-17, 16:44

إن شاء الله أختي بصحتكم العطلة :]

old young miss · 2012-05-17, 16:45

الحمد لله اخي ان شاء الله تكمل هاكا

✿❀سًجّْـدًةْ خٌشٌـوُعٍـ ❀✿ · 2012-05-17, 17:38

عطلة سعييييييييييييييدة لك ولكل من اكمل الاختبارات
وبالتوفيق للباقين

همس الجفــــــــــون · 2012-05-17, 17:51

اقتباس:

المشاركة الأصلية كتبت بواسطة زكرياء ابن الجزائر

sali1996
أهلا سالي الله يسلمك
أنا أول مرة في الفصل الأول شفت الموضوع في الإختبار تنظيم روعة في الورقة قلت واو هاذي بابينا ماشي خدمتها أومبعد هذا الفصل لقيت هذا الموقع دخلت في أول موضوع لقيت نفس التنظيم تع الأستاذة في الموضوع قلت مستحيل تكون مصادفة فقط رحت شفت مواضيع الفصل الثاني لقيت الموضوع تاعنا هناك إذا قلت راهي حدير نفس الشي غدا و هكذا إكتشفت الحقيقة ههههههههههه أنا كملت في 10 دقائق الإختبار بصح قلت ما نعطيلهمش الورقة باش مايدخللهمش الشك ستنيت حتى أعطاوها لوخرين ههه .

ههههههههههههههههههههههههههههههه نار تحت تبن ++ علابالك لعام اللي فات كان بزاااف سوجيات يديروهمنا و انا يكونو عندي في الدار مي نكون ما حليتهمش و و هكا حتى يفوت الاختبار باه نتفكر بلي كانوا عندي

و راني اليوم ديت العطلة و راني ميتة بالفرحة و العقوبة ليك

mahmoud1995 · 2012-05-17, 17:55

سلام عليكم