آه

[مشكلتي]

السلام عليكم
اختنقت بما يحدث في بيتنا فقد اصبح لا يطاق
فابي جعل بيتنا جحيما بصراخه و تذمره !
و الله أصاب بالذعر لما يصرخ و اختبي في الغرفة و اغلق أذني و الله يتهيأ لي انه رعد يدوي
او اهرب للسطح فيصلني صوته اود لو ابني بروجا مشيدة لكي لا اسمع صراخه
و ما يدمي قلبي هي دموع أمي
فهو يحتقرها لأبعد الحدود و آري ذلك في عينيه .... اجبرها علا العمل مع انه لآباس بيه و لا يرحمها تتعب و تعود لتجده دائماً متذمرا
نقودها يحبهم يديهم ما يفرحهاش حتى بهدية
و هي ما تقدرش تشري حتي قندورة تبها بيها
أمي كرهت و الله نشوف التعاسه في عينيها هي تحتارمو لأبعد حدود حتى ولا يفشي غضبه فيها من مشاكله في الخارج
حتي كرهنا من يومياته فعجب العجاب لا يعجبه فهو يدعي المثالية لهذا يقلق من الناس برا و من العوج و يجي يحكي و يصرخ
زد علا عصبيته المفرطة اذا ما لقاش حاجة يا ويلنا تنوض القيامة
أمي رآها صابرة و كلات الطريحة مظلومة
و تقولي يا بنتي ربي مدلي لعقل و راني مريحة علا جاالكم
تعبنا كلنا منو نظل ندعي ربي يهديه اناني بدرجة كبيرة
اخويا هرب من البيت بسببو غير يجي يطل نهار و يروح يرفض يعيش معانا ذركا و هو مراهق و بطل قرايتو بسبب مشاكل و الحس في الدار
اذا رحنا للعرس بالعياط في السيارة ويجيد مشاكلو في النص حتي تفسدلنا الفرحة .. اذا رحنا نحوسو بالتحلال و اذا خرجنا بالحس
كرهنا المناسبات كرهنا كل شي مررلنا حياتنا
يغير من أمي لان الكل يحبها
يحب يعفسها و ضربها قدامنا كرهتو 28 سنة زواج و هو حاقرها
و اذا خطبونا يطول به يردلهم حتا يكرهو و يبطلو و زادا يقولنا ما تخلطوليش شعبان في رمضان كل أمورنا مؤجله بسبب مزاجه المتعكر
و الله المرة لي نطمئنو فيها غير كي يضحك
و الله نسايسوه كي الرضيع به يسكت علينا بصح دوام الحال من المحال
يما غايضتني و كي تهدر علا الطلاق قلبي ينقبض
حنا في عمر الزواج به يخمم في مستقبلنا هو ديما يفسد علينا
ربي يصبر والدتي و يجازيها الجنه علا وش صبرت و جامي شكات غير تسكت بصح حنا كبرنا ذركا و رانا نميزو و شفنا نظراته لما يغضب
تعبنا كلنا
وشنو الحل لانو الكلام معه في طريقة معاملته و تصحيحها سيكب النار علي الزيت
نصحوني ربي يهنيكم

[z.abdo]

السلام عليكم

اولا ربي يفرج عليكم

أختي اول شيء هو اللجوء إلى الله بالدعاء والتضرع باش ربي يفرج عليكم كذالك ممكن الأي يغار لما تتكلمو مع الأم بزاف وتصاحبوها وهذا ما يزيد غضبه عليك ان تتحملي صراخه كذالك

حاولي ان تتقربي من ابوك بالكلمة الطيبة والمعاملة الحسنى وانصحك ان لما يدخل للبيت ان تستقبيله جديا مثلا تقبلي راسه ام ترحبي به

المهم اغملي التغيير

لأنه يحس انه منبوذ في العائلة فيحب يلفت الإنتباه لكم بصرخاه كي عبر ما بداخله زد على هذا هو عنيد وكي يقول كلمة ما يحبش يرجع فيها يعني تجنبي قرارته في عند الغضب كي تحبي تطلبي منو حاجة لازم يكون في حالة عادية

كذالك كنت اريد ان اعرف متى بدأ التغير في ابيك او هو هكذا منذ ان فتحتي عينك باش نعرفو السبب الخقيقي اللي ممكن غيره

كذالك عليكم بالرقية في ماء بسور من القرآن ورشي بها محيط من منزلكم واشربو منها كل العائلة وهذي حاجة ساهلة


وإن شاء الله يتحل المشكل وربي يفرج عليكم اختي

تقبلو مروري

[شمس 15]

الله يهديه.وحاولي أنو ما تبينيش ليماك أنت ثانيك راكي تعاني من سلوكه,الله يهديه مره أخرى و يماك ربي يصبرها شده و تزول ان شاء الله.

[adlan18]

الله المستعان ربي يهديه و يفرج عليكم ان شاء الله

[موج و صخر]

الله يهديه و يحنن قلبه عليكم ان شاء الله
أما امك الصابرة فاجرها على الله
فأيما امراة صبرت على سوء خلق زوجها
فلها الجنة.
أما شهرية امك الي ياخذها فهي ليست من حقه
سمعت هذا من عدة شيوخ,
إلا ان تسمح هي فلا حرج...
و الله اعلم
و من جهة اخرى كما قال الاخ عبدو
رقيو الدار و رشي الماء المرقي على الجدران
و اشربو منه كذلك هو شربوه منه بلا ما تقولولو.
و الله يفرج كربكم

[فتاة الدعوة]

السلام عليكم يا اخت من رايي لجوء الى الله وربي يهديه وكثرو من استغفار وقيام الليل ومعاملة حسنة هدا ماراهش غرضه يا اخت هدا ابوك ربي يهديه والله غاضني مسكين وامك ربي معاها

[aissam .3820]

اصبروا عليه برك يا اختي.....
..


مهما يكون الحال راه عندك والد واحد...
..


وكي يغيب رايحة تبان بلاصتو وماكانش اللي يعوضوا..

..

ربي يهديه وربي يفرج عليكم..


..

[hamiddeg]

إن الاحترام بين الزوجين هام جدًا، وأي مظهر من مظاهر عدم الاحترام يكون سببًا في تحطيم العلاقة بين الزوجين، وهنا تفقد العلاقة الزوجية ودها، وقد يتمنى كل من الزوجين الفراق لما يعانيه من عذاب نفسي بسبب التحقير والاستخفاف, ومن احترام الزوج لزوجته أن لا يستهزئ بها أمام الآخرين سواء الأهل أو الأولاد، وعدم تشويه صورتها أمام نفسها ومقارنتها بغيرها من النساء، أو أنها لا تصلح أن تكون زوجة، لأن هذا له أثره السيئ على نفسية الزوجة.

[karistar06]

أيــــها الـــحـــاملُ هــــــمــــــاً .
إن همك لن يدوم . مثـــلما تــفــــنى السعادة .
هكذا تفنى الهموم عـــــــــــــــــاند الدنـــــــــــيا
و ابتــــــســـــــــــم.
فإن بــــعـــــد الليل فــــــجـــــر يرتـــســــم ..
فلا تـــــقـــــــل حـــظـــي قـــــليـــل .
إنما قــل هــــــذا ما قـــــدره لــي ربي
و مــــــا قــــــسم

[loulou88]

واش تحبي عند الشيب يظهر العيب
وارى ان مشاكل الاب لاتخلص ابدا
لذلك انصحك بمسايرة الاب ولكن قفي بجانب الام
شكرا