إلى أصحاب الخبرة. -الخدمة الوطنية.ؤال

mourinho2009 · 2012-05-29, 15:29

سلام عليكم.
تقدمت اليوم من إدارة الناحية العسكرية الخامسة بقسنطينة. قدمت ديبلوم تخرجي و بطاقة التأجيل و بطاقة التعريف، كما قمت بملىء تصريح شرفي. و بعد ذلك قدموا لي شهادة إرجاء صالحة لغاية سبتمبر 2012.
أسئلتي هي: بإنتهاء الإرجاء هل يمكنني من الإستفادة من إرجاء آخر في حالة عدم وصول إستدعاء من طرف الدرك الوطني؟
و السؤال الثاني: يتمثل في ملف الكفالة العائلية. بحيث قدمت قبل اليوم الملف كامل أمام الإدارة المعنية. و قوبلت برفض الملف، على أساس أنني لم أجتز الفحص الطبي. هل التأسيس صحيح؟ و ما هو الحل الممكن لدفع ملف الكفالة. هل أنتظر حتى أصبح عاصي و أتوجه للمحكمة العسكرية؟ أو هل هناك طريقة أخرى؟

khalede250i · 2012-05-29, 16:46

شوف معريفة ضرك يحكمو عليك الملف تاع الكفالة

mourinho2009 · 2012-05-29, 16:54

حمد لله، كاينا معريفة ربي صبحانوا.
ملف الكفالة متضمن أوراق ثبوتية قوية. عندي طفلة ختي معوقة 100%، الوالدة مريضة مرض مزمن، و غير عاملة، و الأب متوفي، و أنا الخدام تع الدار، و الإبن الوحيد. و زدت قدمتلهم ملف تع وضعية الصحية، عندي إصابة في الأربطة الصليبية. و ما قبلوهش. واش رايحين نديروا.

mourad2200 · 2012-05-29, 16:58

أخي مورينيو عند الفحص اذا كنت مقبول
تقدم لهم ملف التأجيل على أساس أنك تدرس و كل سنة يمدد هذا التأجيل بشهادة التسجيل للسنة الموالية و في نهاية المشوار الدراسي اما يتم استدعاؤك أو منح الاعفاء عن طريق مرسوم أو تكوين ملف الكفالة العالية.

mourinho2009 · 2012-05-29, 17:03

بالضبط يا أخي. أنا أصلا لم أجري الفحص. لما تقدمت لمركز الخدمة الوطنية. أستفسر عن إجراء الفحص الطبي. قالوا لي أنني تأخرت عن الإستدعاء. علما أني لم اتلقى أي إستدعاء من أجل الفحص الطبي. و بالتالي على أساس هذا الوضع تم رفض ملف كفالتي.

hassane26 · 2012-05-29, 18:40

انصحك يا اخي ان تجدد الارجاء لان ملف الكفالة العائلية صعب ويتطلب شروط تعجيزية زائد المعريفة ادا ما وصلكش الاستدعاء بعد ما يخلاص التاجيل عاود زيد قدم الديبلوم انتاعك باش تدي سورسي اجديد

DAHO_MATRIX · 2012-05-29, 19:17

اقتباس:

المشاركة الأصلية كتبت بواسطة mourinho2009

بالضبط يا أخي. أنا أصلا لم أجري الفحص. لما تقدمت لمركز الخدمة الوطنية. أستفسر عن إجراء الفحص الطبي. قالوا لي أنني تأخرت عن الإستدعاء. علما أني لم اتلقى أي إستدعاء من أجل الفحص الطبي. و بالتالي على أساس هذا الوضع تم رفض ملف كفالتي.

والله يا اخي نفس المشكل اللي عندي

راه عندي نفس الوضعية نتاعك وجريت وحوست

وكي سقسيت قالولي لازملك معريفة في الجزائر أي في مركز الخدمة الوطنية

HAKIM HA · 2012-05-30, 01:49

السلام عليكم و رحمة الله

يا خويا راك حاسب انت مين تروح للخدمة الوطينة ايا دخل ديركت و لبس

يا خويا فيها تاني فصح طبي آخر و اذا وجدوا انك غير مؤهل راك تدي صوالحك و تخرج

تبقى اشهر عدة و تجيك البطاقة

اما اذا مكنتش مريض و حاب تدفع الملف بين قوسين كما يقول الجيش الناس راهي حاسبة الجيش يخرط مين يقول الذي لم يجتز الفحص بفقد كل الحقوق ياو راهي صح تفقد الحقوق بمعني الكلمة انا شخصيا كنت شاد احد دقعات الخدمة الوطنية تأمنوا جا واحد معوق كليا و هذا بسبب انه لم يجتز الفحص الطبي صحيح انه خرج لكن لو قام بالفحص لما تمرمد و تعب و بقي في الجيش اسبوعين

المهم بخصوص الملف يعني اذا تم قبولك و رفض السبب الطبي فعلك بأخذ الملف معك و دفعه عندهم بعد مدة سوف يطلبونه منكم و الذي بحوزته يدفعه يبقى شهور عندهم ثم يخرج

يتم دراسة هذه الملفات مرتين في السنة شهر ماس و شهر نوفمبر

hassane26 · 2012-05-30, 18:41

السلام عليكم شوف اخي كيما قلتلك ملف الكفالة راه اصعيب بزاف المهم ادا وصلاتك لوردابال وانويت اتروح ادي امعاك ملف طبي اصحيح ثم راهم ايعاودولك لا فيزيت وممكن جدا راك تدي الاعفاء هدا هو الحل اللي في يدك بالتوفيق اخي

mourinho2009 · 2012-05-30, 21:44

والله ما فهمت حاجة. سبحان الله. أول مرة في حياتي دخت مليح
يقولك اللي يخدم في الإدارة ما عندكش حق في الكفالة مناه ما عقبتش الفحص الطبي. مع العلم أنوا ما جانيش خلاص إستدعاء الفحص الطبي. و مع العلم أني ديما نقوم بواجباتي في اي تبليغ أو تكليف.
و الحاجة الثانية اللي يخدم في الإدارة يقولك لزم تولي عاصي باه يقبللولك الكفالة. علاه حتى نولي عاصي. و ماشي مع ربي و الدولة و العباد قد قد.
و واحد آخر يقولك نورمالموا يقبلوها. الوضع العائلي تاعك محسوم غي أمروا.
أنا كي نخلي أخت معوقة بنسبة 100% و أم مريضة مرض مزمن، و لا واحد يصرف عليهم. و بدون أي مدخول لا من تقاعد ولا أي شيء. و نروح نعقب العسكر. يسما راني حشاكم و حشا قدركم ناقص عقل.

فرناس وهران · 2012-05-31, 07:17

السلام عليكم
شوف انت م جوزت الفحص الطبي اي لهذا لن يقوم المركز بسك الملف تاعك
كاين حل واحد ووحيد اذا غاب العرف تاعك
روح خذالاستدعاء و روح الثكنة و خذ الملف تاعك معاك عند وصولك قدم الملف و اجتاز الفحص الطبي وكما قات انك مريض و راح يقوموا باطلاق سراحك بعد ذلك .
و ننصحك اخي اذهب من اليوم الاول و لا تتأخر و حاول ان تكون من الاوائل في القوائم القادمة
لكي يكون عندك حظ كبير لتحصل على الاعفاء دون الملف تاعك.

karik_dz · 2012-06-03, 14:14

خويا نقدر نفيدك ب معلومة صحيحة من تجربة اذا لم تجتز الفحص الطبي لن تستطيع ابدا ان تقدم ملف كفالة عائلية لازم تنتظر الاستدعاء تروح للمدرسة لي تقب فيها العسكر تدفع الملف وتنتظر شهور وشهور كاين ناس كملت الستاج وبدات تخدم وماوصلش ملف الكفالة يطول بزاف الا اذا عندك معريفة في باب الواد في العاصمة اخي كلامي عن تجربة

jirardo · 2012-06-04, 13:34

عاود رجع عندهم عندي صاحبي مافوتش الفحص طبي وحكم عليه ملف الكفالة وبلا معريفة