خطيبي

مشكلتي · 2012-04-13, 19:14

أنا فتاة مخطوبة ومشكلتي انني لا أتفاعل مع خطيبي ..خجولة جداً ماذا أفعل؟نفسى اتكلم معاه من غير خجل
بيفتح معايه مواضيع بزاف وانا منعرفش نرد عليه بالرغم من اني مثقفة
حتى انه اصبح يتقلق من سكاتي ويقولي انا حاسس اني قاعد نتكلم مع المراية ؟وش الحل ؟
وجزاكم الله الخير....

حنان شلفية · 2012-04-13, 20:07

مع وقت توالفي اختى ومن افضل تنحى شويا خجل بماانو راح تعيشو مع بعض وخجل ماشي دايمن في مواضيع مليح

hano.jimi · 2012-04-13, 20:27

اذا تكلمتي معه عن طريق الهاتف سيخف الخجل وعليكي ان تتصوري انك تتكلمين مع صديقتكي

dotZero · 2012-04-13, 20:30

عادي
مازال به توالفيه
ممكن بعد العقد أو العرس
لكن بعد الألفة لن يبقى هذا المشكل
*
*
فهمه بلعقل و قوليلو راني نحشم
رايح يتفهم الوضع

msiliya28 · 2012-04-13, 20:42

عادي اختي من باعد توالفي وتولي تضحكي على روحك

انا ثاني صراتلي لخطرة لولى

المهم حذار تكذبي عليه احكو صراحة باش ميصراش من باعد مشاكل

ايمان23 · 2012-04-13, 21:03

هو يريد ان يتعرف عليك اكثر ويعرف عقليتك
وبما انه يفتح مواضيع لا حرج فيها فلا تترددي في ابداء رايك
واعلميه انك مازلت خجولة وعليه ان يتفهم .
اذكر انني في فترة الخطوبة كنت لا اتحدث دائما اقول ام ام
اما بعد الزواج زوجي راح يهرب من الهدرة ههههههههههههههه

aissam .3820 · 2012-04-13, 21:55

الحشمة مليحة يا اختي مش عيب......

...

في وقت ولات الناس ما تحشمش...

...

هذي مش مشكلة رايحة تتعودي مع الوقت..

....

الفتاة الصغيرة · 2012-04-15, 00:12

مع الوقت توالفي
والحشمة راهي مليحة

asma2021 · 2012-04-15, 08:35

مع الايام رايحة توالفيه وربي يكملك بالخير ان شاء الله

faty05 · 2012-04-15, 08:39

يا اختي عادي قوليلو راكي حشمانة و مع الوقت توالفيه

و يبقى الامل · 2012-04-16, 18:56

والله كانت هاذه نفس مشكلتي عندما كنت نخطوبة الحشمة مليحة والرجل بغاو المايعات و الي يباتو يهدرو في البرتابل انا قتلو عندك برك كي نتزوجو تسكت و فعلا حدث ذلك

صُبح الأندلس · 2012-04-17, 09:08

الحياء خير من الوقاحة و قلة الأدب و بما أنه ليس زوجك بعد فهذا هو الأصل أن لا تسايريه في الحديث حتى لا تقعا في المحظور
و إذا قال لك أنه يشعر بأنه يتكلم مع مرآة فقولي له بأن هذا هو الأصل لأنه لم يعقد عليك بعد العقد الشرعي و الخطبة مجرد وعد بالزواج قد تتواصل و قد تنتهي في أي لحظة

نورسان · 2012-04-17, 14:27

قضية وقت والحشمة مليحة بلا ماننسى الثقة بالنفس

ben aifa · 2012-04-19, 15:50

إحذري منه........لابد من وجود محرم.........ربما الخجل حماية من الله لك.............المخالطة الجيدة تكون بعد الزواج

سارة البوسعادية · 2012-04-19, 15:55

قلو حاشمة عادي وجابلي ربي الحشمة احسن من الوقاحة وقلة الادب ومن نهارك لول تجيبها بضحكة يسمعوها الجيران وجيران الجيران ونورمالمو يقدر هدا الشئ وانتي جبيهالو من ناحية الرسميات قلو مزال مانعرفكش ومزال خاطبني برك