عاونوي ربي يخليكم و ينجحكم الباك

mamouche · 2012-04-20, 12:41

سلام عليكم كيف هي الاحوال ان شاء الله بخير
حبيتكم تعاونوني لخاطر دخلت في حالة فشل و خمول ما تتصورهاش كرهت القراية وليت نعيا مولياليتش نقرا كيما الفصل الاول و الثاني راني في حالة يرثى لهامانيش عارفةواش ندير ربي يخليكم عاونون بجاه ربي و الرسول

الحطاب سهام · 2012-04-20, 12:59

اختي هذا الخمول هو فقط بسبب التوتر والخوف حذاري اختي ماتستسلميش باقي غير شهر وتتهني وهذا ايضا من الشيطان امالا اختي واضبي على صلاتك ذكا ربي يبعد عليك الخمول اقنعي مخك بانها فترة وتفوت اذن لازم تجندي روحك وتنهضي وتفكري فقط فرحة والديك بنجاحك واللي داوه ماشي خيرمنك لازم تتحلاي بالعزيمة انت ايضا قادرا جيبيه وبمعدل شباب لازم فقط تثقي بنفسك وتتوكلي على الله وتراجعي مازال الوقت واستدركي اللي فات ...ربي معاك ان شاء الله ...عليك بالدعاء ثم الدعاء

samar2011 · 2012-04-20, 19:23

لخاطر اختي تعبتي ياسر في تريمستر لول وتاني وهلكتي روحك درك شوفي ارقدي مليح كتنوضي اقراي سورة بقرة وزيد توضاي والله نديعلك وندعي لمل ناس لكيفك

omda25 · 2012-04-21, 04:29

وفقكم الله تعالى و يسر أمركم ......

♥ وآثقة الخطــــى ♥ · 2012-04-21, 11:13

<غاليتي عليك بالتقرب الى الله تعالى بكثرة الدعاء والترجي

عليك بالعمل حتى اذا جاتك الفشلة والتعب نوضي اقراي ديري كيما انا

كي نتفكر هذاك النهار الي يخرجو فيه النتائج وكامل الناس فرحانة ونا ماديتش لاسمح الله

تحكمني الخلعة نوض نقرا مانحبسش خلاااااص

خممي برك في الفرحة الي راح تكوني فيها كي تلقاي اسمك في قائمة الناجحين

والله هذاك الشعور راح يخليك تقراي

وربي يوفقك حنونة

mamouche · 2012-04-21, 12:41

شكرا على هذه النصائح و ربي يجازيكم كل خير ان شاء الله نربحوا الباك قاع و نفرحو الاهل و نوعدكم بلي داك نعمل بالنصائح تاوعكم و نوعدك باش ندير جهدي باش نجيب معدل يفرحني و يفرح والديا و ربي يحفظكم ان شاء الله كامل
الفراشة المحلقة
omda25
samar2011
الحطاب سهام