اريد مساعدةفورية

ام نسمة · 2012-04-15, 17:52

سلام عليكن خياتي الليلة راه التلج ايطيح عندنا وحبيت نعمل البركوكس للعشا حبيت نعملو بالتعمير لكن ما عرفتش لدا اريد منكن طرية اتكون سهلة باش انديره وما دا بيكم اتمدولي كامل الوصفة يعني تاع البركوكس وتاع التعمير انا في الانتظار الان وراح نعملو بلحم غنمي ارججججججججججججججججججوكم بسرعة

بسمة تحدي · 2012-04-15, 18:31

والله منعرف بصح ان شاء الله تلقي شكون يعونك

ام نسمة · 2012-04-15, 18:48

شكرا على مرورك لكن حتى وحدة ما حبت اتساعدني

ام نسمة · 2012-04-15, 19:36

30 رد ومشاركة واحدة وعلاش يا خواتاتي ما تساعدونيش ولا كيفاش دورك المهم انا انقوللكم طيبت بركوكس والتعمير جبت لحم مرحي ودرت فيه زبدة وملح ورشة قرفة وحرور وكمون وثوم مرحي وبصل مرحي ومعدنوس مفروم وخلطت امليح وقليتهم في مقلاة على نار هادية وكي طابو مليح زدت فيهم الزبيب منقي والبيض ودرتهم في صاشي اعقدتها وثقبتها ودرتها اتفور ومن بعد كي انحط البركوكس انفتتها فوقه ومن بعد انرجعلكم الخبر كب جاني التعمير

nournour59 · 2012-04-16, 19:03

التعمير
في شوية دهان مع نصف كاس صغير زيت زيدي كاس سميد و خليه yatagla bien
lو من بعد زيدي كاس حليب و اذا شفيتيه السميد شرب زيدي شوية حليب و 4 بيضات و الا ثاني تحبي تزيدي البيض اختياري و توابل و شوية راس حانوت و شوية قسبر و نعناع
و الا كان عندك لحم مفروم ضيفيه معاه اختياري يكون مقلي طبعا
و من بعد ديريه في ساشي و ديريه في قدر يفور كي تشوفيه تلم ايا نحيه من ساشي و ديريه فالمرقة

الامل في الله · 2012-04-17, 17:48

واشي هو التعمير

ام نسمة · 2012-04-18, 17:44

اقتباس:

المشاركة الأصلية كتبت بواسطة الامل في الله

واشي هو التعمير

مرحبا التعمير هو عبارة عن حشوة تجهز بطرق كثيرة تختلف من منطقة لاخرى وهو يحضر ليزين به طبق البركوكس خاصة يجي هايل في البركوكس تاع النافس

سنوم 33 · 2012-04-18, 21:39

انا نعرف الحشوة............يعني حاجة نحشاها بحاجة اخرى.واش نحشي وباه.................جاوبوني راني ما فهمتش

الامل في الله · 2012-04-19, 22:26

اقتباس:

المشاركة الأصلية كتبت بواسطة سنوم 33

انا نعرف الحشوة............يعني حاجة نحشاها بحاجة اخرى.واش نحشي وباه.................جاوبوني راني ما فهمتش

هديكا هي واش نحشي وباش نحشي

ام نسمة · 2012-04-19, 22:47

مرجبا بلاك ما عطيتكمش الكلمة المثلى يعني تقدري اتقولي خلطة وكاين فعلا اللي هو حشوة يعني تاخدي دجاجة كاملة وتنظفيها وتحشيها باللحم مفروم والتوابل والسميد محمر والحشيش والزبيب وكاين اللي ايدير التمر وتخيطي الدجاجة يعني تقفليها مليح وتطيبيها في المرقة تاع بركوكس ومن بعد اتفتيها ولا اتقطعيها فوق الطبق وكما قلت تتغير الوصفة والطريقة من منطقة لاخرى

أم هنيدة · 2012-04-19, 22:49

هذه الأكلة من أي منطقة حتى نتعرف على أكلات بلادنا التقليدية؟

ام نسمة · 2012-04-20, 10:58

اقتباس:

المشاركة الأصلية كتبت بواسطة أم هنيدة

هذه الأكلة من أي منطقة حتى نتعرف على أكلات بلادنا التقليدية؟

مرحبا هادي الاكلة من الغرب الجزائري واظن ان كامل القطر الجزائري يعرفها لانها تقليدية تراثية تجهز في ايام البرد القارص بصفة عامة وفي النفاس بصفة خاصة احنا انقولو للمة النفاس القصعة

الامل في الله · 2012-04-20, 19:50

لقد فهمت الان نحن في الشرق نسميه البركوكش و كما قلت نديروه للنافس و في البرد

أم هنيدة · 2012-04-20, 20:14

اقتباس:

المشاركة الأصلية كتبت بواسطة زهورالفل

مرحبا هادي الاكلة من الغرب الجزائري واظن ان كامل القطر الجزائري يعرفها لانها تقليدية تراثية تجهز في ايام البرد القارص بصفة عامة وفي النفاس بصفة خاصة احنا انقولو للمة النفاس القصعة

خيار الناس أنا قصدت التعمير غير معروف لكن البركوكس أكيد أكلة معروفة لدى الجميع

نيفرتيتي. · 2012-04-20, 20:18

اقتباس:

المشاركة الأصلية كتبت بواسطة الامل في الله

لقد فهمت الان نحن في الشرق نسميه البركوكش و كما قلت نديروه للنافس و في البرد

ايه اختي حنا في تبسة نديرو البركوكش للنافس ثان كي يكون البرد يستاهل غير البركوكش