مشكلتي مرض نفسي

مشكلتي · 2012-04-17, 18:41

السلام عليكم الحقيقة ليوم جيت نقاسمكم مشكلتي لي عبارة عن مرض نفسي صعب جدا يعدب الجسم والنفس علابالي الي متقدروش تساعدوني اكثر من انكم تشجعوني نواصل العلاج

مشكلتي بدات من كيكنت صغيرة كما بديت نفيق مع روحي لقيت روحي سمينة طفولني كنت نلبس حوايج اكبر من عمري كنت طفلة ونجلب النظر من طرف الشباب حتى اني كنت اتعرض للتحرش الجنسي ولكن الحمد لله كنت فايقة و تصرفت و نهيت الامر بنفسي و هدا سر مخبي في قلبي لحد اليوم .......................
مبعد جات المراهقة مننكرش اني جميلة وهدا ليس تكبر ولا شايفة روحي فعلا كل لي يشوفني يشهد بهدا الشيئ ولكني نشوف في روحي نورماااااااااال ولكن مشكلتي الكبيرة هي السمنة و كي لحقت لليسي بديت نتوله للجسم نتاعي و بدات الحالة نتاعي قررت ندير ريجيم و فعلا درت ريجيم و نقصت في 6 اشهر 10 كلغ مع الرياشة طبعا وعجبني الحال وبديت نزيد ونزيد حتي نقصت 5 كلغ وصلت لحالة خطيرة حيث بدات نلجا للاقياء ورايحه نشرحلكم واش هي بالضبط
تناول الكثير من الطعام ثم اللجوء إلى الإقياء لتجنب السمنة او مايسمىanorexie mentale
و فقدت 22 كلغ ............................ وبدات اعاني جسمانيا آلام و خمول كنت نجوع نفسي و نقول شبعانة
و مع الوقت ادركت خطورة ما انا عليه و شاهدت مقالات و فيديوات و صور لما ساول الية اداكان كملت في هدا الطريق و هو الموت طبعا وقررت نحاول نصحح نفسي و الحمد لله نجحت والان استرجعت 10 كلغ و هده كلها ارادة وصدقوني والله ملجات حتى لطبيب نفسي مننكرش اني مع الاول فشلت و لكني حاولت ومنعت نفسي و لكن تعرضت لعداب نفسي كبير
والحمد لله تخلصت من هد العادات السيئة وساعدني نفسيا خطيبي ملجئي الوحيد ادعولي بتمام الامر ومنتكسش و متحسسوش اي واحد سمين انو عيب وبشع و شكرا لمتابعتكم مشكلتي

برايكم واش الاسباب لي جابتني لهد الحالة انا نقولكم
كنت منين ندور نسمع كلمة سمينة سمينة سمينة و كلمات من الشباب .................... وتحرش والخ وكنت البنت الوحيدة ف العائلة و الام مشغولة خارج المنزل والوالد ايضا

Rima mimi25 · 2012-04-17, 20:04

الله يكملك معاه

z.abdo · 2012-04-17, 20:11

بصراحة لا أرى اي مشكل نفسي في الموضوع فقط عليك بمتابعة طبيب تغذية

كذالك احمدي الله ان خطيبك يساعدك ولا يهمك امر الشباب لأن انت يهمك خطيبك اللي إن شاء الله يصبحك زوجك وفقط

djamel123 · 2012-04-17, 20:24

يا أختي الكتابة فقط مازات كبيرة عندك، فحاولي تصغريها حتى نقرأها.
ومبروك عليك النقصان في الوزن اذا كان هاذا يناسبك مع أنني لا أرى في ذلك عيب.
هو خطيبك اختارك هكذا...تخافي تنقصي أكثر مايعجبوش الحال فأنتبهي.

loulou88 · 2012-04-18, 08:16

بارك الله فيكس على الارادة القوية ولا يهمك رأي الأخرين بقدر ما تهمك صحتك
ونهنيك على الخطيب الممتاز الذي وقف معاك ما شاء الله
واصلي ولا تقللي من عزيمتكي ابدا
شكراا

lilou f lilou a · 2012-04-18, 08:31

ربي معااااااااااااااااك أختي

نورسان · 2012-04-18, 08:45

اختي مابيك والو هذا كامل راه توسويس وزيد نقولك حاجة الناس راهي تحوس على الصحة وتشري فيها بالدراهم والواحد مايحسش بالشي حتى يروح منو
ربي يهدينا ويهديك يااختي

نورسان · 2012-04-18, 08:48

اختي مابيك والو هذا كامل راه توسويس وزيد نقولك حاجة الناس راهي تحوس على الصحة وتشري فيها بالدراهم والواحد مايحسش بالشي حتى يروح منو
ربي يهدينا ويهديك يااختي

salma02 · 2012-04-19, 23:08

انا هذي نشوفها شجاعة و ثقة في التقس
و زيد يا اختي رلكي صغيرة و صراحة السمنة عندها اثار سلبية
حاولي التخلص منها و ذلك بمتابعة اخصائي

wafa kabylie · 2012-04-20, 11:20

ربي سبحانو كي خلقك سمينة علابالو علاش
صح ماراهيش مليحة السمنة بزززاف بصح خليقة ربي واش خلق ربي مليح بالتوفيق

lidania · 2012-04-21, 21:19

اختي نشجعك بزاف لي قدرتي تتداركي روحك راهي ماشي حاجة ساهلة واش كان عندك هاذي الحالة تقدر توصل للموت الحمد لله لي عطاك القوة باش قدرتي تعاودي تكسبي وزن و تعودي تاكلي نورمال و الاخوة لي راهم يقولو الحالة ماهيش نفسية نقوللهم عاودو حساباتكم الله يهديكم المخلوقة عندها ارادة الله يبارك حبت تشاركنا تجربتها لي عندوكلمة مليخة يقولها لي ماعندوش يفهم الموضوع مليح و من بعد يعلق عليه تحييييييييييييييييييييييييييية ليك اختي العزيزة و ربي مع كل وحدة تعاني هاد المشكل النفسي والله صعيب