الحب والزواج

عميروش الحر · 2012-04-11, 13:59

السلام عليكم

نكون تتمشا برا تجوز عليك طفلة شابة حجوبي ولا سيفيليزي تعجبك تلحقها وبزوج كلمات تعطيك النيميرو ديالها....هاديك الليلة عيطتلها قسرت معاها 10 دقايق فالتلفون...وكل يوم كيما هاكدا حتى جا النهار لي قلتلها فيه راني حاب نخرج معاك...تقولك ايه تخرج معاها وقعدت معاها شهر وعجباتك الطفلة ونتا عجبتها وتقوللها نحبك وراني حاب نكمل معاك حياتي تقولك انتا تاني راك عاجبني..فات عام..عامين..3سنين...تقولك رانا في 3 سنين ومازال ما بان والو علينا وعلى مستقبلنا..تقوللها اصبري شوية مازال ما نرفد روحي والزواج لازملو التاويل...تقولك انا كبرت والخطابة راهم بداو يجو...نتا تقوللها نشوف معا يما ونجو نخطبوك هاد ليام...كيما كان الحال نتا تقول ليماك تروحو تخطبو الطفلةى والديها قبلو و الزواج على عام...نتا دوكا تبدا تخدم وتتعب و تلم الدراهم باش تتزوج بداو المشاكل بدات ضغوطات الحياة وبدات المسؤلية تقساح...الحمد لله راك لميت الدراهم والعرس وجد وراكو تزوجتو...الطقلة راهي بين عينيك وراهي في دارك كيما كنت حاب...تعيش معاها بيان...شهرين فاتو قمة زادو فاتو شهرين كي العسل...بعد مرور 8 اشهر من الزواج تدخل للدار عيان مالخدمة تلقى مرتك تبكي تقوللها واش بيك تقولك يماك وتبدا تحكيلك تروح عند يماك تقولك ها واش دارتلي ها واش دارتلي...تولي عند مرتك تحب تسايسها تقولك انا ما نعيشش مع يماك...نروح لدارنا وكي دبر سكنة ولا كرية ارواح ديني اخخخخخخ واش ادير المشكل راهو يكبر...وماشي بعيد تولي في محاكم وطلاق والطفلة راهي بالكرش......تحط راسك على المخدة وتتفكر نهار لي تعرفت عليها وتقول :
اخخخخخخخخخخخخ
الله ينعل بو النهار لي شفتك فيه
والله ينعل بو الزواج في هاذ لبلاد
لوكان قعدت سليباتير ماشي خير

~~فقير و باغي نطير~~ · 2012-04-11, 14:10

ميرسي خو

رواح رد على موضوعي راني رديت على موضوعك

فتـ حييةـاة · 2012-04-11, 14:22

قصة من الواقع
عندك الحق فكل واش قلت هذا واش راه صاري

عميروش الحر · 2012-04-11, 14:29

اقتباس:

المشاركة الأصلية كتبت بواسطة فقير و باغي نطير

ميرسي خو

رواح رد على موضوعي راني رديت على موضوعك

أوكي صديقي راني جاي ماكاش مشكل
ربي يحفظك على الرد

عربية الهوية · 2012-04-11, 14:36

عندك الحق و كثرو هاذ المشاكل بزاف
ودايم الخطا من الطفلة العجوز راهي كبيرة عليك ديريها كيما يماك
لوكان يماك تعيط عليك باين مكيش راح تعيطي عليها
اذا كنتي تحبي ولدها حبيها هي تاني على خاطر هي اللي جابتو

~~فقير و باغي نطير~~ · 2012-04-11, 14:37

روحو لموضوعي راكم طولتو هنا ههه

و ركزو على الجملة الاخيرة فاهمين

عميروش الحر · 2012-04-11, 14:54

اقتباس:

المشاركة الأصلية كتبت بواسطة amal2000

قصة من الواقع
عندك الحق فكل واش قلت هذا واش راه صاري

شكرا اختي على المشاركة
انشالله ما يكونش برك كامل لي يتزوجو يصرالهم هاكدا يصرف 70 مليون باش يشري كيلو مشاكل

عميروش الحر · 2012-04-11, 14:55

اقتباس:

المشاركة الأصلية كتبت بواسطة عربية الهوية

عندك الحق و كثرو هاذ المشاكل بزاف
ودايم الخطا من الطفلة العجوز راهي كبيرة عليك ديريها كيما يماك
لوكان يماك تعيط عليك باين مكيش راح تعيطي عليها
اذا كنتي تحبي ولدها حبيها هي تاني على خاطر هي اللي جابتو

ربي يهدي ما خلق بصح بنات اليوم ما يصبروش للعجوز ويرجعلها كلمة بعشرة عكس زمان المرا تحشم وتصبر
شكرا على المشاركة

عميروش الحر · 2012-04-11, 14:56

اقتباس:

المشاركة الأصلية كتبت بواسطة فقير و باغي نطير

روحو لموضوعي راكم طولتو هنا ههه

و ركزو على الجملة الاخيرة فاهمين

يا خو راك تهربلي فالمشتارية هههههههههههههه

التوليب الجميلة · 2012-04-11, 15:26

عندك الحق في واش قلت هاد الشي لي راه يصرا الوقت هادا.

amola 14 · 2012-04-11, 15:42

كل واحد ومكتوبو
سيناريو اللي كتبتو ما ينطبقش على الناس كامل

عميروش الحر · 2012-04-12, 12:10

اقتباس:

المشاركة الأصلية كتبت بواسطة manel10

عندك الحق في واش قلت هاد الشي لي راه يصرا الوقت هادا.

شكرا على المشاركة

عميروش الحر · 2012-04-12, 12:11

اقتباس:

المشاركة الأصلية كتبت بواسطة amola 14

كل واحد ومكتوبو
سيناريو اللي كتبتو ما ينطبقش على الناس كامل

انا ما قلتش ينطبق على الناس كامل وانما سيناريو شائع وخاصة عند هذا الجيل وانا اعتقد انه في تزايد
شكرا على المشاركة

nacera72 · 2012-04-12, 12:30

السلام عليكم
على حساب السيناريو هاذا اللي ماتحكيش في التلفون و ما تخرج مع اي واحد تبقى بدون زواج ؟؟؟؟؟؟؟؟
ربي يهدينا.

*سلامة* · 2012-04-12, 12:48

سلام عليكم

ارواح نحكيلك قصة الحب والزواج الحقيقية

تكون تمشي هكذا في الزنقا تشوف طفلة ، تغض النظر وتحفظ روحك وعينك وفكرك باش ربي يبارك لك في حياتك

و احد الايام كنت تمشي هكذا صادفت بنت تبان عاقلة من مشيتها ومن هدرتها ، انت تحشم باش تقوللها مديلي النيمرو تاعك تالمو باينة مربية ، مي تقول معليش نجرب زهري وتقوللها اختي معليش الرقم تاعك ، هي ماتقيمكش قاع ، تمشي وتخليك
تم انت تبعها وتعرف وين تسكن ، تسقسي عليها الناس وتعرف انها بنت عاقلة وبنت فاميلية

تروح تقول ليماك ، يماك تتعرف عليها وتشوفها اذا تخاف ربي ، والي تخاف ربي مانخاف عليها

امك تبارك لكم في هاذ الزواج ، وتتزوجوا و تم بعد الزواج يجي الحب وتولي تحبها وتحبك و تعيشو بسعادة

لان الي يبدا بالخير يخلاص بالخير

والي بدايتو عوجة ، كيفاه راح تكون نهايتو ؟