الى كل تلمساني او تلمسانية

[frer]

السلام عليكم

انا اريد زيارة مدينة تلمسان و لكن لا اعرفها جيدا يعني اعرف غير تلمسان وسط المدينة

نعرف grand basin و لالة سيتي و منصورة

اريد ان اعرف المناطق الاثرية لولاية تلمسان

كم تبعد عين فزة عن تلمسان ؟ و بكم يروحو ليها ؟ و بكم الدخول الى المغارة ؟

الدخول الى المشور نخلصوا ول لا ؟

و بكم تذكرة رشقون - تلمسان ؟

ما هي المناطق الاثرية و السياحية لمدينة تلمسان ؟

بارك الله في كل واحد (ة) عاونوني

[amar tlemcen13]

صح خويا ...المشور متخلص والو وعين فزة تركبلها من سانتيفي ب 10دج ومن بعد باش تروح لمغارات عين بني عاد ب200دج فلكلونديستان وكاين بزاف بلايص ملاح في تلمسان المسجد الكبير المتحف لالاسيتي.......الخ

[frer]

المشاركة الأصلية كتبت بواسطة amar tlemcen13

صح خويا ...المشور متخلص والو وعين فزة تركبلها من سانتيفي ب 10دج ومن بعد باش تروح لمغارات عين بني عاد ب200دج فلكلونديستان وكاين بزاف بلايص ملاح في تلمسان المسجد الكبير المتحف لالاسيتي.......الخ

merci bq frero momken ta3tini ton skyype , j'ai +eur des question sur tlemcen cé tu veux bien sur ou bien ton faccebooook

[علاوة توفيق]

السلام عليكم انا ايضا اريد الذهاب الى لؤلؤة الغرب واريد ان اعرف اسعار الفنادق في هذه المدينة

[السحابة]

حقا اخترت احي المدينة الرائعة انا زرتها وانبهرتبجمالها

[yassoumi]

من يريد زياة تلمسان سأكون له دليل

[cadero]

السلام عليكم انا زرت تقريبا كل ولايات الشمال من الغرب الى الشرق.
وشفت ولاية تلمسان من اجمل الولايات بالجزائر

[انا والقمر جيران]

في تلمسان عندنا لالا ستي وعندنا منصورة وعندنا مغارة بني عاد جاوبك عليهم الاخ اما فيما يخص الاماكن السياحية الاخرى فكاين بزاف كيما ليبلاج كاين مدريد ورشقون وسيفاكس والوردانية واكيد ماننساوش بورساي وكاين تاني الاثارات في وسط المدينة كيما باب الخميس وباب القرمادين والمساجد كاين الجامع الكبير ومسجد سيدي بومدين وسيد الحلوي زيادة عن ذلك المتاحف ودار الثقافة محمد علولة وقصر القافة بحي ايمامة المشهور بالمحلات التجارية الفخمة وماننساوش محمية الحيوانات في تيرني يعني في طريق نتاع لالا ستي ثمن التذكرة نتاع المراكب الهوائية téléphérique فهو 30 دينار جزائري وملاحطة بسيطة كاين محمية الحيوانات وكاين حديقة الحيوانات يعني ماشي كيف كيف وراه كاين الان قاعة السينما جمال تشندرلي
مرحبا بيك عندنا في أي وقت العتبة لينا والدار ليكم واذا جيت لتلمسان سأل عن حي بودغن وزور لأنو يردلك الروح مع أني ولدت وتربيت ومازلت في حي الكرز الا اني نحب بودغن بزاف

[تالا تسنيم]

مشكور أختي أنا و الفمر جيران على تعريفنا بالأماكن السياحية ....... فأتمنى زيارتها مع العائلة فلو تكرمت أختي و اعطيتني معلومات عن فندق يكون في وسط المدينة وان امكن الأسعار......... مشكور أختي

[ماجدة ميمي1]

بصحتكم شفتو تلمسان انا راني نحلم باه نشوفها ومزال ما زرتها عندي ذكريات بزاف ملاح مع ناس تلمسان ونحبهم بزاف ادعيولي ربي نروح ليها ويتحقق واش في قلبي

[ismailsabra88]

مرحبا بكم عندنا

[علاونة]

المشاركة الأصلية كتبت بواسطة علاوة توفيق

السلام عليكم انا ايضا اريد الذهاب الى لؤلؤة الغرب واريد ان اعرف اسعار الفنادق في هذه المدينة

كاين فندق رخيص 600دج في وسط المدينة اسمه المنصورة و في نفس الجهة موجودة فنادق عديدة و معقولة الثمن لكن الشيئ الذي لاحظته انه ان لم تحجز الفندق قبل منتصف النهار فلن تجد مكانا للمبيت و الله اعلم

[علاونة]

انا زرتمن مدينة عين الصفراء التابعة لولاية النعامة و زرت تلمسان عدة مرات تلمسان
دخول مغارة بي عاد 20 او 30دج و المغارة موجودة في مرتفع جبل و سمعت المغارة هي ثاني اطول مغارة في العالم بعد مغارة موجودة في البرازيل ، و ايضا سمعت ان المغارة تخرجك في المغرب ، غير ان الدولة اغلقتها ،المغارة جميلة جدا و تحتوي على نوازل صخرية.و ايضا لديها تاريخ .
هناك اماكن عديدة في تلمسان منها الحوض الكبير grand bassine و فيها tirifirique باش تطلع للالة ستي و ايضا القصور : المشور و المنصورة
و لا تنسى ايضا المناظر الخلابة في شلال و جبل اللوريط قبل ان تصلالة مدينة عين فزا موجودان في نفس الطريق.
و ايضا ما يلفت انتباهك هو ناس تلمسان الله يبارك عندهم معاملة تدل على الحضارة و التربية و ايضا تحس مدى ثقافتهم و ذكائهمالله يبارك، هذا الكلام تعرفه وحدك كي تجي و تتعامل معاهم ، انا راني نحكيلك على واش نشوف اما القلب يعلم بيه ربي اه.
و ايضا لاحظت مدى امان المدينة حتى في الليل ، المهم تحس كانك في بلادك .
الله يبارك تلمسان من بين اجمل المناطق في الجزائر و ممكن في الوطن العربي .
انا لو كان يخيروني اي و لاية تحب تسكن فيها نختارها هي .

[علاونة]

المشاركة الأصلية كتبت بواسطة ماجدة ميمي1

بصحتكم شفتو تلمسان انا راني نحلم باه نشوفها ومزال ما زرتها عندي ذكريات بزاف ملاح مع ناس تلمسان ونحبهم بزاف ادعيولي ربي نروح ليها ويتحقق واش في قلبي

اه يا اختي انا الحمد لله زرت سطيف و شربت من عين الفوارة و زرت تلمسان..............
نتمنالك زيارت كا المناطق التي تحبينها

[yesican]

شكون الي يحب بودغن ههههههههههه انا تاني اجمل حي في الكون ههههههههههه